22 Kings 2

1factum est autem cum levare vellet Dominus Heliam per turbinem in caelum ibant Helias et Heliseus de GalgalisSelect 2 Kings 2:1

2dixitque Helias ad Heliseum sede hic quia Dominus misit me usque Bethel cui ait Heliseus vivit Dominus et vivit anima tua quia non derelinquam te cumque descendissent BethelSelect 2 Kings 2:2

3egressi sunt filii prophetarum qui erant Bethel ad Heliseum et dixerunt ei numquid nosti quia hodie Dominus tollat dominum tuum a te qui respondit et ego novi sileteSelect 2 Kings 2:3

4dixit autem Helias ad Heliseum sede hic quia Dominus misit me in Hiericho et ille ait vivit Dominus et vivit anima tua quia non derelinquam te cumque venissent HierichumSelect 2 Kings 2:4

5accesserunt filii prophetarum qui erant in Hiericho ad Heliseum et dixerunt ei numquid nosti quia hodie Dominus tollet dominum tuum a te et ait et ego novi sileteSelect 2 Kings 2:5

6dixit autem ei Helias sede hic quia Dominus misit me ad Iordanem qui ait vivit Dominus et vivit anima tua quia non derelinquam te ierunt igitur ambo pariterSelect 2 Kings 2:6

7et quinquaginta viri de filiis prophetarum secuti sunt qui et steterunt e contra longe illi autem ambo stabant super IordanemSelect 2 Kings 2:7

8tulitque Helias pallium suum et involvit illud et percussit aquas quae divisae sunt in utramque partem et transierunt ambo per siccumSelect 2 Kings 2:8

9cumque transissent Helias dixit ad Heliseum postula quod vis ut faciam tibi antequam tollar a te dixitque Heliseus obsecro ut fiat duplex spiritus tuus in meSelect 2 Kings 2:9

10qui respondit rem difficilem postulasti attamen si videris me quando tollor a te erit quod petisti si autem non videris non eritSelect 2 Kings 2:10

11cumque pergerent et incedentes sermocinarentur ecce currus igneus et equi ignei diviserunt utrumque et ascendit Helias per turbinem in caelumSelect 2 Kings 2:11

12Heliseus autem videbat et clamabat pater mi pater mi currus Israhel et auriga eius et non vidit eum amplius adprehenditque vestimenta sua et scidit illa in duas partesSelect 2 Kings 2:12

13et levavit pallium Heliae quod ceciderat ei reversusque stetit super ripam IordanisSelect 2 Kings 2:13

14et pallio Heliae quod ceciderat ei percussit aquas et dixit ubi est Deus Heliae etiam nunc percussitque aquas et divisae sunt huc atque illuc et transiit HeliseusSelect 2 Kings 2:14

15videntes autem filii prophetarum qui erant in Hiericho de contra dixerunt requievit spiritus Heliae super Heliseum et venientes in occursum eius adoraverunt eum proni in terramSelect 2 Kings 2:15

16dixeruntque illi ecce cum servis tuis sunt quinquaginta viri fortes qui possint ire et quaerere dominum tuum ne forte tulerit eum spiritus Domini et proiecerit in uno montium aut in una vallium qui ait nolite mittereSelect 2 Kings 2:16

17coegeruntque eum donec adquiesceret et diceret mittite et miserunt quinquaginta viros qui cum quaesissent tribus diebus non inveneruntSelect 2 Kings 2:17

18et reversi sunt ad eum at ille habitabat in Hiericho dixitque eis numquid non dixi vobis nolite ireSelect 2 Kings 2:18

19dixerunt quoque viri civitatis ad Heliseum ecce habitatio civitatis huius optima est sicut tu ipse domine perspicis sed aquae pessimae sunt et terra sterilisSelect 2 Kings 2:19

20at ille ait adferte mihi vas novum et mittite in illud sal qui cum adtulissentSelect 2 Kings 2:20

21egressus ad fontem aquarum misit in eum sal et ait haec dicit Dominus sanavi aquas has et non erit ultra in eis mors neque sterilitasSelect 2 Kings 2:21

22sanatae sunt ergo aquae usque ad diem hanc iuxta verbum Helisei quod locutus estSelect 2 Kings 2:22

23ascendit autem inde Bethel cumque ascenderet per viam pueri parvi egressi sunt de civitate et inludebant ei dicentes ascende calve ascende calveSelect 2 Kings 2:23

24qui cum se respexisset vidit eos et maledixit eis in nomine Domini egressique sunt duo ursi de saltu et laceraverunt ex eis quadraginta duos puerosSelect 2 Kings 2:24

25abiit autem inde in montem Carmeli et inde reversus est SamariamSelect 2 Kings 2:25