142 Samuel 14

1intellegens autem Ioab filius Sarviae quod cor regis versum esset ad AbsalomSelect 2 Samuel 14:1

2misit Thecuam et tulit inde mulierem sapientem dixitque ad eam lugere te simula et induere veste lugubri et ne unguaris oleo ut sis quasi mulier plurimo iam tempore lugens mortuumSelect 2 Samuel 14:2

3et ingredieris ad regem et loqueris ad eum sermones huiuscemodi posuit autem Ioab verba in ore eiusSelect 2 Samuel 14:3

4itaque cum ingressa fuisset mulier thecuites ad regem cecidit coram eo super terram et adoravit et dixit serva me rexSelect 2 Samuel 14:4

5et ait ad eam rex quid causae habes quae respondit heu mulier vidua ego sum mortuus est enim vir meusSelect 2 Samuel 14:5

6et ancillae tuae erant duo filii qui rixati sunt adversum se in agro nullusque erat qui eos prohibere posset et percussit alter alterum et interfecit eumSelect 2 Samuel 14:6

7et ecce consurgens universa cognatio adversum ancillam tuam dicit trade eum qui percussit fratrem suum ut occidamus eum pro anima fratris sui quem interfecit et deleamus heredem et quaerunt extinguere scintillam meam quae relicta est ut non supersit viro meo nomen et reliquiae super terramSelect 2 Samuel 14:7

8et ait rex ad mulierem vade in domum tuam et ego iubebo pro teSelect 2 Samuel 14:8

9dixitque mulier thecuites ad regem in me domine mi rex iniquitas et in domum patris mei rex autem et thronus eius sit innocensSelect 2 Samuel 14:9

10et ait rex qui contradixerit tibi adduc eum ad me et ultra non addet ut tangat teSelect 2 Samuel 14:10

11quae ait recordetur rex Domini Dei sui ut non multiplicentur proximi sanguinis ad ulciscendum et nequaquam interficient filium meum qui ait vivit Dominus quia non cadet de capillis filii tui super terramSelect 2 Samuel 14:11

12dixit ergo mulier loquatur ancilla tua ad dominum meum regem verbum et ait loquereSelect 2 Samuel 14:12

13dixitque mulier quare cogitasti istiusmodi rem contra populum Dei et locutus est rex verbum istud ut peccet et non reducat eiectum suumSelect 2 Samuel 14:13

14omnes morimur et quasi aquae delabimur in terram quae non revertuntur nec vult perire Deus animam sed retractat cogitans ne penitus pereat qui abiectus estSelect 2 Samuel 14:14

15nunc igitur veni ut loquar ad regem dominum meum verbum hoc praesente populo et dixit ancilla tua loquar ad regem si quo modo faciat rex verbum ancillae suaeSelect 2 Samuel 14:15

16et audivit rex ut liberaret ancillam suam de manu omnium qui volebant delere me et filium meum simul de hereditate DeiSelect 2 Samuel 14:16

17dicat ergo ancilla tua ut fiat verbum domini mei regis quasi sacrificium sicut enim angelus Dei sic est dominus meus rex ut nec benedictione nec maledictione moveatur unde et Dominus Deus tuus est tecumSelect 2 Samuel 14:17

18et respondens rex dixit ad mulierem ne abscondas a me verbum quod te interrogo dixitque mulier loquere domine mi rexSelect 2 Samuel 14:18

19et ait rex numquid manus Ioab tecum est in omnibus istis respondit mulier et ait per salutem animae tuae domine mi rex nec ad dextram nec ad sinistram est ex omnibus his quae locutus est dominus meus rex servus enim tuus Ioab ipse praecepit mihi et ipse posuit in os ancillae tuae omnia verba haecSelect 2 Samuel 14:19

20ut verterem figuram sermonis huius servus tuus Ioab praecepit istud tu autem domine mi sapiens es sicut habet sapientiam angelus Dei ut intellegas omnia super terramSelect 2 Samuel 14:20

21et ait rex ad Ioab ecce placatus feci verbum tuum vade igitur et revoca puerum AbsalomSelect 2 Samuel 14:21

22cadensque Ioab super faciem suam in terram adoravit et benedixit regi et dixit Ioab hodie intellexit servus tuus quia inveni gratiam in oculis tuis domine mi rex fecisti enim sermonem servi tuiSelect 2 Samuel 14:22

23surrexit ergo Ioab et abiit in Gessur et adduxit Absalom in HierusalemSelect 2 Samuel 14:23

24dixit autem rex revertatur in domum suam et faciem meam non videat reversus est itaque Absalom in domum suam et faciem regis non viditSelect 2 Samuel 14:24

25porro sicut Absalom vir non erat pulcher in omni Israhel et decorus nimis a vestigio pedis usque ad verticem non erat in eo ulla maculaSelect 2 Samuel 14:25

26et quando tondebatur capillum semel autem in anno tondebatur quia gravabat eum caesaries ponderabat capillos capitis sui ducentis siclis pondere publicoSelect 2 Samuel 14:26

27nati sunt autem Absalom filii tres et filia una nomine Thamar eleganti formaSelect 2 Samuel 14:27

28mansitque Absalom Hierusalem duobus annis et faciem regis non viditSelect 2 Samuel 14:28

29misit itaque ad Ioab ut mitteret eum ad regem qui noluit venire ad eum cumque secundo misisset et ille noluisset venireSelect 2 Samuel 14:29

30dixit servis suis scitis agrum Ioab iuxta agrum meum habentem messem hordei ite igitur et succendite eum igni succenderunt ergo servi Absalom segetem igniSelect 2 Samuel 14:30

31surrexitque Ioab et venit ad Absalom in domum eius et dixit quare succenderunt servi tui segetem meam igniSelect 2 Samuel 14:31

32et respondit Absalom ad Ioab misi ad te obsecrans ut venires ad me et mitterem te ad regem ut diceres ei quare veni de Gessur melius mihi erat ibi esse obsecro ergo ut videam faciem regis quod si memor est iniquitatis meae interficiat meSelect 2 Samuel 14:32

33ingressus Ioab ad regem nuntiavit ei vocatusque Absalom intravit ad regem et adoravit super faciem terrae coram eo osculatusque est rex AbsalomSelect 2 Samuel 14:33