12 Timothy 1

1Paulus apostolus Christi Iesu per voluntatem Dei secundum promissionem vitae quae est in Christo IesuSelect 2 Timothy 1:1

2Timotheo carissimo filio gratia misericordia pax a Deo Patre et Christo Iesu Domino nostroSelect 2 Timothy 1:2

3gratias ago Deo cui servio a progenitoribus in conscientia pura quam sine intermissione habeam tui memoriam in orationibus meis nocte ac dieSelect 2 Timothy 1:3

4desiderans te videre memor lacrimarum tuarum ut gaudio implearSelect 2 Timothy 1:4

5recordationem accipiens eius fidei quae est in te non ficta quae et habitavit primum in avia tua Loide et matre tua Eunice certus sum autem quod et in teSelect 2 Timothy 1:5

6propter quam causam admoneo te ut resuscites gratiam Dei quae est in te per inpositionem manuum mearumSelect 2 Timothy 1:6

7non enim dedit nobis Deus spiritum timoris sed virtutis et dilectionis et sobrietatisSelect 2 Timothy 1:7

8noli itaque erubescere testimonium Domini nostri neque me vinctum eius sed conlabora evangelio secundum virtutem DeiSelect 2 Timothy 1:8

9qui nos liberavit et vocavit vocatione sancta non secundum opera nostra sed secundum propositum suum et gratiam quae data est nobis in Christo Iesu ante tempora saeculariaSelect 2 Timothy 1:9

10manifestata est autem nunc per inluminationem salvatoris nostri Iesu Christi qui destruxit quidem mortem inluminavit autem vitam et incorruptionem per evangeliumSelect 2 Timothy 1:10

11in quo positus sum ego praedicator et apostolus et magister gentiumSelect 2 Timothy 1:11

12ob quam causam etiam haec patior sed non confundor scio enim cui credidi et certus sum quia potens est depositum meum servare in illum diemSelect 2 Timothy 1:12

13formam habe sanorum verborum quae a me audisti in fide et dilectione in Christo IesuSelect 2 Timothy 1:13

14bonum depositum custodi per Spiritum Sanctum qui habitat in nobisSelect 2 Timothy 1:14

15scis hoc quod aversi sunt a me omnes qui in Asia sunt ex quibus est Phygelus et HermogenesSelect 2 Timothy 1:15

16det misericordiam Dominus Onesifori domui quia saepe me refrigeravit et catenam meam non erubuitSelect 2 Timothy 1:16

17sed cum Romam venisset sollicite me quaesivit et invenitSelect 2 Timothy 1:17

18det illi Dominus invenire misericordiam a Domino in illa die et quanta Ephesi ministravit melius tu nostiSelect 2 Timothy 1:18