4Acts 4

1loquentibus autem illis ad populum supervenerunt sacerdotes et magistratus templi et SadducaeiSelect Acts 4:1

2dolentes quod docerent populum et adnuntiarent in Iesu resurrectionem ex mortuisSelect Acts 4:2

3et iniecerunt in eis manus et posuerunt eos in custodiam in crastinum erat enim iam vesperaSelect Acts 4:3

4multi autem eorum qui audierant verbum crediderunt et factus est numerus virorum quinque miliaSelect Acts 4:4

5factum est autem in crastinum ut congregarentur principes eorum et seniores et scribae in HierusalemSelect Acts 4:5

6et Annas princeps sacerdotum et Caiphas et Iohannes et Alexander et quotquot erant de genere sacerdotaliSelect Acts 4:6

7et statuentes eos in medio interrogabant in qua virtute aut in quo nomine fecistis hoc vosSelect Acts 4:7

8tunc Petrus repletus Spiritu Sancto dixit ad eos principes populi et senioresSelect Acts 4:8

9si nos hodie diiudicamur in benefacto hominis infirmi in quo iste salvus factus estSelect Acts 4:9

10notum sit omnibus vobis et omni plebi Israhel quia in nomine Iesu Christi Nazareni quem vos crucifixistis quem Deus suscitavit a mortuis in hoc iste adstat coram vobis sanusSelect Acts 4:10

11hic est lapis qui reprobatus est a vobis aedificantibus qui factus est in caput anguliSelect Acts 4:11

12et non est in alio aliquo salus nec enim nomen aliud est sub caelo datum hominibus in quo oportet nos salvos fieriSelect Acts 4:12

13videntes autem Petri constantiam et Iohannis conperto quod homines essent sine litteris et idiotae admirabantur et cognoscebant eos quoniam cum Iesu fuerantSelect Acts 4:13

14hominem quoque videntes stantem cum eis qui curatus fuerat nihil poterant contradicereSelect Acts 4:14

15iusserunt autem eos foras extra concilium secedere et conferebant ad invicemSelect Acts 4:15

16dicentes quid faciemus hominibus istis quoniam quidem notum signum factum est per eos omnibus habitantibus in Hierusalem manifestum et non possumus negareSelect Acts 4:16

17sed ne amplius divulgetur in populum comminemur eis ne ultra loquantur in nomine hoc ulli hominumSelect Acts 4:17

18et vocantes eos denuntiaverunt ne omnino loquerentur neque docerent in nomine IesuSelect Acts 4:18

19Petrus vero et Iohannes respondentes dixerunt ad eos si iustum est in conspectu Dei vos potius audire quam Deum iudicateSelect Acts 4:19

20non enim possumus quae vidimus et audivimus non loquiSelect Acts 4:20

21at illi comminantes dimiserunt eos non invenientes quomodo punirent eos propter populum quia omnes clarificabant Deum in eo quod accideratSelect Acts 4:21

22annorum enim erat amplius quadraginta homo in quo factum erat signum istud sanitatisSelect Acts 4:22

23dimissi autem venerunt ad suos et adnuntiaverunt eis quanta ad eos principes sacerdotum et seniores dixissentSelect Acts 4:23

24qui cum audissent unianimiter levaverunt vocem ad Deum et dixerunt Domine tu qui fecisti caelum et terram et mare et omnia quae in eis suntSelect Acts 4:24

25qui Spiritu Sancto per os patris nostri David pueri tui dixisti quare fremuerunt gentes et populi meditati sunt inaniaSelect Acts 4:25

26adstiterunt reges terrae et principes convenerunt in unum adversus Dominum et adversus Christum eiusSelect Acts 4:26

27convenerunt enim vere in civitate ista adversus sanctum puerum tuum Iesum quem unxisti Herodes et Pontius Pilatus cum gentibus et populis IsrahelSelect Acts 4:27

28facere quae manus tua et consilium decreverunt fieriSelect Acts 4:28

29et nunc Domine respice in minas eorum et da servis tuis cum omni fiducia loqui verbum tuumSelect Acts 4:29

30in eo cum manum tuam extendas sanitates et signa et prodigia fieri per nomen sancti Filii tui IesuSelect Acts 4:30

31et cum orassent motus est locus in quo erant congregati et repleti sunt omnes Spiritu Sancto et loquebantur verbum Dei cum fiduciaSelect Acts 4:31

32multitudinis autem credentium erat cor et anima una nec quisquam eorum quae possidebant aliquid suum esse dicebat sed erant illis omnia communiaSelect Acts 4:32

33et virtute magna reddebant apostoli testimonium resurrectionis Iesu Christi Domini et gratia magna erat in omnibus illisSelect Acts 4:33

34neque enim quisquam egens erat inter illos quotquot enim possessores agrorum aut domorum erant vendentes adferebant pretia eorum quae vendebantSelect Acts 4:34

35et ponebant ante pedes apostolorum dividebantur autem singulis prout cuique opus eratSelect Acts 4:35

36Ioseph autem qui cognominatus est Barnabas ab apostolis quod est interpretatum Filius consolationis Levites Cyprius genereSelect Acts 4:36

37cum haberet agrum vendidit illum et adtulit pretium et posuit ante pedes apostolorumSelect Acts 4:37