7Acts 7

1dixit autem princeps sacerdotum si haec ita se habentSelect Acts 7:1

2qui ait viri fratres et patres audite Deus gloriae apparuit patri nostro Abraham cum esset in Mesopotamiam priusquam moraretur in CharramSelect Acts 7:2

3et dixit ad illum exi de terra tua et de cognatione tua et veni in terram quam tibi monstraveroSelect Acts 7:3

4tunc exiit de terra Chaldeorum et habitavit in Charram et inde postquam mortuus est pater eius transtulit illum in terram istam in qua nunc vos habitatisSelect Acts 7:4

5et non dedit illi hereditatem in ea nec passum pedis et repromisit dare illi eam in possessionem et semini eius post ipsum cum non haberet filiumSelect Acts 7:5

6locutus est autem Deus quia erit semen eius accola in terra aliena et servituti eos subicient et male tractabunt eos annis quadringentisSelect Acts 7:6

7et gentem cui servierint iudicabo ego dixit Deus et post haec exibunt et deservient mihi in loco istoSelect Acts 7:7

8et dedit illi testamentum circumcisionis et sic genuit Isaac et circumcidit eum die octava et Isaac Iacob et Iacob duodecim patriarchasSelect Acts 7:8

9et patriarchae aemulantes Ioseph vendiderunt in Aegyptum et erat Deus cum eoSelect Acts 7:9

10et eripuit eum ex omnibus tribulationibus eius et dedit ei gratiam et sapientiam in conspectu Pharaonis regis Aegypti et constituit eum praepositum super Aegyptum et super omnem domum suamSelect Acts 7:10

11venit autem fames in universam Aegyptum et Chanaan et tribulatio magna et non inveniebant cibos patres nostriSelect Acts 7:11

12cum audisset autem Iacob esse frumentum in Aegypto misit patres nostros primumSelect Acts 7:12

13et in secundo cognitus est Ioseph a fratribus suis et manifestatum est Pharaoni genus eiusSelect Acts 7:13

14mittens autem Ioseph accersivit Iacob patrem suum et omnem cognationem in animabus septuaginta quinqueSelect Acts 7:14

15et descendit Iacob in Aegyptum et defunctus est ipse et patres nostriSelect Acts 7:15

16et translati sunt in Sychem et positi sunt in sepulchro quod emit Abraham pretio argenti a filiis Emmor filii SychemSelect Acts 7:16

17cum adpropinquaret autem tempus repromissionis quam confessus erat Deus Abrahae crevit populus et multiplicatus est in AegyptoSelect Acts 7:17

18quoadusque surrexit rex alius in Aegypto qui non sciebat IosephSelect Acts 7:18

19hic circumveniens genus nostrum adflixit patres ut exponerent infantes suos ne vivificarenturSelect Acts 7:19

20eodem tempore natus est Moses et fuit gratus Deo qui nutritus est tribus mensibus in domo patris suiSelect Acts 7:20

21exposito autem illo sustulit eum filia Pharaonis et enutrivit eum sibi in filiumSelect Acts 7:21

22et eruditus est Moses omni sapientia Aegyptiorum et erat potens in verbis et in operibus suisSelect Acts 7:22

23cum autem impleretur ei quadraginta annorum tempus ascendit in cor eius ut visitaret fratres suos filios IsrahelSelect Acts 7:23

24et cum vidisset quendam iniuriam patientem vindicavit illum et fecit ultionem ei qui iniuriam sustinebat percusso AegyptioSelect Acts 7:24

25existimabat autem intellegere fratres quoniam Deus per manum ipsius daret salutem illis at illi non intellexeruntSelect Acts 7:25

26sequenti vero die apparuit illis litigantibus et reconciliabat eos in pacem dicens viri fratres estis ut quid nocetis alterutrumSelect Acts 7:26

27qui autem iniuriam faciebat proximo reppulit eum dicens quis te constituit principem et iudicem super nosSelect Acts 7:27

28numquid interficere me tu vis quemadmodum interfecisti heri AegyptiumSelect Acts 7:28

29fugit autem Moses in verbo isto et factus est advena in terra Madiam ubi generavit filios duosSelect Acts 7:29

30et expletis annis quadraginta apparuit illi in deserto montis Sina angelus in igne flammae rubiSelect Acts 7:30

31Moses autem videns admiratus est visum et accedente illo ut consideraret facta est vox DominiSelect Acts 7:31

32ego Deus patrum tuorum Deus Abraham et Deus Isaac et Deus Iacob tremefactus autem Moses non audebat considerareSelect Acts 7:32

33dixit autem illi Dominus solve calciamentum pedum tuorum locus enim in quo stas terra sancta estSelect Acts 7:33

34videns vidi adflictionem populi mei qui est in Aegypto et gemitum eorum audivi et descendi liberare eos et nunc veni et mittam te in AegyptumSelect Acts 7:34

35hunc Mosen quem negaverunt dicentes quis te constituit principem et iudicem hunc Deus principem et redemptorem misit cum manu angeli qui apparuit illi in ruboSelect Acts 7:35

36hic eduxit illos faciens prodigia et signa in terra Aegypti et in Rubro mari et in deserto annis quadragintaSelect Acts 7:36

37hic est Moses qui dixit filiis Israhel prophetam vobis suscitabit Deus de fratribus vestris tamquam meSelect Acts 7:37

38hic est qui fuit in ecclesia in solitudine cum angelo qui loquebatur ei in monte Sina et cum patribus nostris qui accepit verba vitae dare nobisSelect Acts 7:38

39cui noluerunt oboedire patres nostri sed reppulerunt et aversi sunt cordibus suis in AegyptumSelect Acts 7:39

40dicentes ad Aaron fac nobis deos qui praecedant nos Moses enim hic qui eduxit nos de terra Aegypti nescimus quid factum sit eiSelect Acts 7:40

41et vitulum fecerunt in illis diebus et obtulerunt hostiam simulacro et laetabantur in operibus manuum suarumSelect Acts 7:41

42convertit autem Deus et tradidit eos servire militiae caeli sicut scriptum est in libro Prophetarum numquid victimas aut hostias obtulistis mihi annis quadraginta in deserto domus IsrahelSelect Acts 7:42

43et suscepistis tabernaculum Moloch et sidus dei vestri Rempham figuras quas fecistis adorare eas et transferam vos trans BabylonemSelect Acts 7:43

44tabernaculum testimonii fuit patribus nostris in deserto sicut disposuit loquens ad Mosen ut faceret illud secundum formam quam videratSelect Acts 7:44

45quod et induxerunt suscipientes patres nostri cum Iesu in possessionem gentium quas expulit Deus a facie patrum nostrorum usque in diebus DavidSelect Acts 7:45

46qui invenit gratiam ante Deum et petiit ut inveniret tabernaculum Deo IacobSelect Acts 7:46

47Salomon autem aedificavit illi domumSelect Acts 7:47

48sed non Excelsus in manufactis habitat sicut propheta dicitSelect Acts 7:48

49caelum mihi sedis est terra autem scabillum pedum meorum quam domum aedificabitis mihi dicit Dominus aut quis locus requietionis meae estSelect Acts 7:49

50nonne manus mea fecit haec omniaSelect Acts 7:50

51dura cervice et incircumcisi cordibus et auribus vos semper Spiritui Sancto resistitis sicut patres vestri et vosSelect Acts 7:51

52quem prophetarum non sunt persecuti patres vestri et occiderunt eos qui praenuntiabant de adventu Iusti cuius vos nunc proditores et homicidae fuistisSelect Acts 7:52

53qui accepistis legem in dispositionem angelorum et non custodistisSelect Acts 7:53

54audientes autem haec dissecabantur cordibus suis et stridebant dentibus in eumSelect Acts 7:54

55cum autem esset plenus Spiritu Sancto intendens in caelum vidit gloriam Dei et Iesum stantem a dextris Dei et ait ecce video caelos apertos et Filium hominis a dextris stantem DeiSelect Acts 7:55

56exclamantes autem voce magna continuerunt aures suas et impetum fecerunt unianimiter in eumSelect Acts 7:56

57et eicientes eum extra civitatem lapidabant et testes deposuerunt vestimenta sua secus pedes adulescentis qui vocabatur SaulusSelect Acts 7:57

58et lapidabant Stephanum invocantem et dicentem Domine Iesu suscipe spiritum meumSelect Acts 7:58

59positis autem genibus clamavit voce magna Domine ne statuas illis hoc peccatum et cum hoc dixisset obdormivit Saulus autem erat consentiens neci eiusSelect Acts 7:59