8Amos 8

1haec ostendit mihi Dominus Deus et ecce uncinus pomorumSelect Amos 8:1

2et dixit quid tu vides Amos et dixi uncinum pomorum et dixit Dominus ad me venit finis super populum meum Israhel non adiciam ultra ut pertranseam eumSelect Amos 8:2

3et stridebunt cardines templi in die illa dicit Dominus Deus multi morientur in omni loco proicietur silentiumSelect Amos 8:3

4audite hoc qui conteritis pauperem et deficere facitis egenos terraeSelect Amos 8:4

5dicentes quando transibit mensis et venundabimus merces et sabbatum et aperiemus frumentum ut inminuamus mensuram et augeamus siclum et subponamus stateras dolosasSelect Amos 8:5

6ut possideamus in argento egenos et pauperes pro calciamentis et quisquilias frumenti vendamusSelect Amos 8:6

7iuravit Dominus in superbia Iacob si oblitus fuero usque ad finem omnia opera eorumSelect Amos 8:7

8numquid super isto non commovebitur terra et lugebit omnis habitator eius et ascendet quasi fluvius universus et eicietur et defluet quasi rivus AegyptiSelect Amos 8:8

9et erit in die illa dicit Dominus occidet sol meridie et tenebrescere faciam terram in die luminisSelect Amos 8:9

10et convertam festivitates vestras in luctum et omnia cantica vestra in planctum et inducam super omne dorsum vestrum saccum et super omne caput calvitium et ponam eam quasi luctum unigeniti et novissima eius quasi diem amarumSelect Amos 8:10

11ecce dies veniunt dicit Dominus et mittam famem in terram non famem panis neque sitim aquae sed audiendi verbum DominiSelect Amos 8:11

12et commovebuntur a mari usque ad mare et ab aquilone usque ad orientem circumibunt quaerentes verbum Domini et non invenientSelect Amos 8:12

13in die illa deficient virgines pulchrae et adulescentes in sitiSelect Amos 8:13

14qui iurant in delicto Samariae et dicunt vivit deus tuus Dan et vivit via Bersabee et cadent et non resurgent ultraSelect Amos 8:14