29Deuteronomy 29

1haec sunt verba foederis quod praecepit Dominus Mosi ut feriret cum filiis Israhel in terra Moab praeter illud foedus quod cum eis pepigit in HorebSelect Deuteronomy 29:1

2vocavitque Moses omnem Israhelem et dixit ad eos vos vidistis universa quae fecit Dominus coram vobis in terra Aegypti Pharaoni et omnibus servis eius universaeque terrae illiusSelect Deuteronomy 29:2

3temptationes magnas quas viderunt oculi tui signa illa portentaque ingentiaSelect Deuteronomy 29:3

4et non dedit Dominus vobis cor intellegens et oculos videntes et aures quae possint audire usque in praesentem diemSelect Deuteronomy 29:4

5adduxi vos quadraginta annis per desertum non sunt adtrita vestimenta vestra nec calciamenta pedum tuorum vetustate consumpta suntSelect Deuteronomy 29:5

6panem non comedistis vinum et siceram non bibistis ut sciretis quia ego sum Dominus Deus vesterSelect Deuteronomy 29:6

7et venistis ad locum hunc egressusque est Seon rex Esebon et Og rex Basan occurrens nobis ad pugnam et percussimus eosSelect Deuteronomy 29:7

8et tulimus terram eorum ac tradidimus possidendam Ruben et Gad et dimidiae tribui ManasseSelect Deuteronomy 29:8

9custodite ergo verba pacti huius et implete ea ut intellegatis universa quae facitisSelect Deuteronomy 29:9

10vos statis hodie cuncti coram Domino Deo vestro principes vestri ac tribus et maiores natu atque doctores omnis populus IsrahelSelect Deuteronomy 29:10

11liberi et uxores vestrae et advena qui tecum moratur in castris exceptis lignorum caesoribus et his qui conportant aquasSelect Deuteronomy 29:11

12ut transeas in foedere Domini Dei tui et in iureiurando quod hodie Dominus Deus tuus percutit tecumSelect Deuteronomy 29:12

13ut suscitet te sibi in populum et ipse sit Deus tuus sicut locutus est tibi et sicut iuravit patribus tuis Abraham Isaac et IacobSelect Deuteronomy 29:13

14nec vobis solis ego hoc foedus ferio et haec iuramenta confirmoSelect Deuteronomy 29:14

15sed cunctis praesentibus et absentibusSelect Deuteronomy 29:15

16vos enim nostis ut habitaverimus in terra Aegypti et quomodo transierimus per medium nationum quas transeuntesSelect Deuteronomy 29:16

17vidistis abominationes et sordes id est idola eorum lignum et lapidem argentum et aurum quae colebantSelect Deuteronomy 29:17

18ne forte sit inter vos vir aut mulier familia aut tribus cuius cor aversum est hodie a Domino Deo vestro ut vadat et serviat diis illarum gentium et sit inter vos radix germinans fel et amaritudinemSelect Deuteronomy 29:18

19cumque audierit verba iuramenti huius benedicat sibi in corde suo dicens pax erit mihi et ambulabo in pravitate cordis mei et adsumat ebria sitientemSelect Deuteronomy 29:19

20et Dominus non ignoscat ei sed tunc quam maxime furor eius fumet et zelus contra hominem illum et sedeant super eo omnia maledicta quae scripta sunt in hoc volumine et deleat nomen eius sub caeloSelect Deuteronomy 29:20

21et consumat eum in perditionem ex omnibus tribubus Israhel iuxta maledictiones quae in libro legis huius ac foederis continenturSelect Deuteronomy 29:21

22dicetque sequens generatio et filii qui nascentur deinceps et peregrini qui de longe venerint videntes plagas terrae illius et infirmitates quibus eam adflixerit DominusSelect Deuteronomy 29:22

23sulphure et salis ardore conburens ita ut ultra non seratur nec virens quippiam germinet in exemplum subversionis Sodomae et Gomorrae Adamae et Seboim quas subvertit Dominus in ira et furore suoSelect Deuteronomy 29:23

24et dicent omnes gentes quare sic fecit Dominus terrae huic quae est haec ira furoris eius inmensaSelect Deuteronomy 29:24

25et respondebunt quia dereliquerunt pactum Domini quod pepigit cum patribus eorum quando eduxit eos de terra AegyptiSelect Deuteronomy 29:25

26et servierunt diis alienis et adoraverunt eos quos nesciebant et quibus non fuerant adtributiSelect Deuteronomy 29:26

27idcirco iratus est furor Domini contra terram istam ut induceret super eam omnia maledicta quae in hoc volumine scripta suntSelect Deuteronomy 29:27

28et eiecit eos de terra sua in ira et furore et indignatione maxima proiecitque in terram alienam sicut hodie conprobaturSelect Deuteronomy 29:28

29abscondita Domino Deo nostro quae manifesta sunt nobis et filiis nostris usque in aeternum ut faciamus universa legis huiusSelect Deuteronomy 29:29