3Deuteronomy 3

1itaque conversi ascendimus per iter Basan egressusque est Og rex Basan in occursum nobis cum populo suo ad bellandum in EdraiSelect Deuteronomy 3:1

2dixitque Dominus ad me ne timeas eum quia in manu tua traditus est cum omni populo ac terra sua faciesque ei sicut fecisti Seon regi Amorreorum qui habitavit in EsebonSelect Deuteronomy 3:2

3tradidit ergo Dominus Deus noster in manibus nostris etiam Og regem Basan et universum populum eius percussimusque eos usque ad internicionemSelect Deuteronomy 3:3

4vastantes cunctas civitates illius uno tempore non fuit oppidum quod nos effugeret sexaginta urbes omnem regionem Argob regni Og in BasanSelect Deuteronomy 3:4

5cunctae urbes erant munitae muris altissimis portisque et vectibus absque oppidis innumeris quae non habebant murosSelect Deuteronomy 3:5

6et delevimus eos sicut feceramus Seon regi Esebon disperdentes omnem civitatem virosque ac mulieres et parvulosSelect Deuteronomy 3:6

7iumenta autem et spolia urbium diripuimusSelect Deuteronomy 3:7

8tulimusque illo in tempore terram de manu duorum regum Amorreorum qui erant trans Iordanem a torrente Arnon usque ad montem HermonSelect Deuteronomy 3:8

9quem Sidonii Sarion vocant et Amorrei SanirSelect Deuteronomy 3:9

10omnes civitates quae sitae sunt in planitie et universam terram Galaad et Basan usque Selcha et Edrai civitates regni Og in BasanSelect Deuteronomy 3:10

11solus quippe Og rex Basan restiterat de stirpe gigantum monstratur lectus eius ferreus qui est in Rabbath filiorum Ammon novem cubitos habens longitudinis et quattuor latitudinis ad mensuram cubiti virilis manusSelect Deuteronomy 3:11

12terramque possedimus in tempore illo ab Aroer quae est super ripam torrentis Arnon usque ad mediam partem montis Galaad et civitates illius dedi Ruben et GadSelect Deuteronomy 3:12

13reliquam autem partem Galaad et omnem Basan regni Og tradidi mediae tribui Manasse omnem regionem Argob cuncta Basan vocatur terra gigantumSelect Deuteronomy 3:13

14Iair filius Manasse possedit omnem regionem Argob usque ad terminos Gesuri et Machathi vocavitque ex nomine suo Basan Avothiair id est villas Iair usque in praesentem diemSelect Deuteronomy 3:14

15Machir quoque dedi GalaadSelect Deuteronomy 3:15

16et tribubus Ruben et Gad dedi terram Galaad usque ad torrentem Arnon medium torrentis et finium usque ad torrentem Ieboc qui est terminus filiorum AmmonSelect Deuteronomy 3:16

17et planitiem solitudinis atque Iordanem et terminos Chenereth usque ad mare Deserti quod est Salsissimum ad radices montis Phasga contra orientemSelect Deuteronomy 3:17

18praecepique vobis in tempore illo dicens Dominus Deus vester dat vobis terram hanc in hereditatem expediti praecedite fratres vestros filios Israhel omnes viri robustiSelect Deuteronomy 3:18

19absque uxoribus et parvulis ac iumentis novi enim quod plura habeatis pecora et in urbibus remanere debebunt quas tradidi vobisSelect Deuteronomy 3:19

20donec requiem tribuat Dominus fratribus vestris sicut vobis tribuit et possideant etiam ipsi terram quam daturus est eis trans Iordanem tunc revertetur unusquisque in possessionem suam quam dedi vobisSelect Deuteronomy 3:20

21Iosue quoque in tempore illo praecepi dicens oculi tui viderunt quae fecit Dominus Deus vester duobus his regibus sic faciet omnibus regnis ad quae transiturus esSelect Deuteronomy 3:21

22ne timeas eos Dominus enim Deus vester pugnabit pro vobisSelect Deuteronomy 3:22

23precatusque sum Dominum in tempore illo dicensSelect Deuteronomy 3:23

24Domine Deus tu coepisti ostendere servo tuo magnitudinem tuam manumque fortissimam neque enim est alius Deus vel in caelo vel in terra qui possit facere opera tua et conparari fortitudini tuaeSelect Deuteronomy 3:24

25transibo igitur et videbo terram hanc optimam trans Iordanem et montem istum egregium et LibanumSelect Deuteronomy 3:25

26iratusque est Dominus mihi propter vos nec exaudivit me sed dixit mihi sufficit tibi nequaquam ultra loquaris de hac re ad meSelect Deuteronomy 3:26

27ascende cacumen Phasgae et oculos tuos circumfer ad occidentem et aquilonem austrumque et orientem et aspice nec enim transibis Iordanem istumSelect Deuteronomy 3:27

28praecipe Iosue et corrobora eum atque conforta quia ipse praecedet populum istum et dividet eis terram quam visurus esSelect Deuteronomy 3:28

29mansimusque in valle contra fanum PhogorSelect Deuteronomy 3:29