8Deuteronomy 8

1omne mandatum quod ego praecipio tibi hodie cave diligenter ut facias ut possitis vivere et multiplicemini ingressique possideatis terram pro qua iuravit Dominus patribus vestrisSelect Deuteronomy 8:1

2et recordaberis cuncti itineris per quod adduxit te Dominus Deus tuus quadraginta annis per desertum ut adfligeret te atque temptaret et nota fierent quae in tuo animo versabantur utrum custodires mandata illius an nonSelect Deuteronomy 8:2

3adflixit te penuria et dedit tibi cibum manna quem ignorabas tu et patres tui ut ostenderet tibi quod non in solo pane vivat homo sed in omni verbo quod egreditur ex ore DominiSelect Deuteronomy 8:3

4vestimentum tuum quo operiebaris nequaquam vetustate defecit et pes tuus non est subtritus en quadragesimus annus estSelect Deuteronomy 8:4

5ut recogites in corde tuo quia sicut erudit homo filium suum sic Dominus Deus tuus erudivit teSelect Deuteronomy 8:5

6ut custodias mandata Domini Dei tui et ambules in viis eius et timeas eumSelect Deuteronomy 8:6

7Dominus enim Deus tuus introducet te in terram bonam terram rivorum aquarumque et fontium in cuius campis et montibus erumpunt fluviorum abyssiSelect Deuteronomy 8:7

8terram frumenti hordei vinearum in qua ficus et mala granata et oliveta nascuntur terram olei ac mellisSelect Deuteronomy 8:8

9ubi absque ulla penuria comedes panem tuum et rerum omnium abundantia perfrueris cuius lapides ferrum sunt et de montibus eius aeris metalla fodiunturSelect Deuteronomy 8:9

10ut cum comederis et satiatus fueris benedicas Domino Deo tuo pro terra optima quam dedit tibiSelect Deuteronomy 8:10

11observa et cave nequando obliviscaris Domini Dei tui et neglegas mandata eius atque iudicia et caerimonias quas ego praecipio tibi hodieSelect Deuteronomy 8:11

12ne postquam comederis et satiatus domos pulchras aedificaveris et habitaveris in eisSelect Deuteronomy 8:12

13habuerisque armenta et ovium greges argenti et auri cunctarumque rerum copiamSelect Deuteronomy 8:13

14elevetur cor tuum et non reminiscaris Domini Dei tui qui eduxit te de terra Aegypti de domo servitutisSelect Deuteronomy 8:14

15et ductor tuus fuit in solitudine magna atque terribili in qua erat serpens flatu adurens et scorpio ac dipsas et nullae omnino aquae qui eduxit rivos de petra durissimaSelect Deuteronomy 8:15

16et cibavit te manna in solitudine quod nescierunt patres tui et postquam adflixit ac probavit ad extremum misertus est tuiSelect Deuteronomy 8:16

17ne diceres in corde tuo fortitudo mea et robur manus meae haec mihi omnia praestiteruntSelect Deuteronomy 8:17

18sed recorderis Domini Dei tui quod ipse tibi vires praebuerit ut impleret pactum suum super quo iuravit patribus tuis sicut praesens indicat diesSelect Deuteronomy 8:18

19sin autem oblitus Domini Dei tui secutus fueris alienos deos coluerisque illos et adoraveris ecce nunc praedico tibi quod omnino dispereasSelect Deuteronomy 8:19

20sicut gentes quas delevit Dominus in introitu tuo ita et vos peribitis si inoboedientes fueritis voci Domini Dei vestriSelect Deuteronomy 8:20