2Ephesians 2

1et vos cum essetis mortui delictis et peccatis vestrisSelect Ephesians 2:1

2in quibus aliquando ambulastis secundum saeculum mundi huius secundum principem potestatis aeris huius spiritus qui nunc operatur in filios diffidentiaeSelect Ephesians 2:2

3in quibus et nos omnes aliquando conversati sumus in desideriis carnis nostrae facientes voluntates carnis et cogitationum et eramus natura filii irae sicut et ceteriSelect Ephesians 2:3

4Deus autem qui dives est in misericordia propter nimiam caritatem suam qua dilexit nosSelect Ephesians 2:4

5et cum essemus mortui peccatis convivificavit nos Christo gratia estis salvatiSelect Ephesians 2:5

6et conresuscitavit et consedere fecit in caelestibus in Christo IesuSelect Ephesians 2:6

7ut ostenderet in saeculis supervenientibus abundantes divitias gratiae suae in bonitate super nos in Christo IesuSelect Ephesians 2:7

8gratia enim estis salvati per fidem et hoc non ex vobis Dei enim donum estSelect Ephesians 2:8

9non ex operibus ut ne quis glorieturSelect Ephesians 2:9

10ipsius enim sumus factura creati in Christo Iesu in operibus bonis quae praeparavit Deus ut in illis ambulemusSelect Ephesians 2:10

11propter quod memores estote quod aliquando vos gentes in carne qui dicimini praeputium ab ea quae dicitur circumcisio in carne manufactaSelect Ephesians 2:11

12quia eratis illo in tempore sine Christo alienati a conversatione Israhel et hospites testamentorum promissionis spem non habentes et sine Deo in mundoSelect Ephesians 2:12

13nunc autem in Christo Iesu vos qui aliquando eratis longe facti estis prope in sanguine ChristiSelect Ephesians 2:13

14ipse est enim pax nostra qui fecit utraque unum et medium parietem maceriae solvens inimicitiam in carne suaSelect Ephesians 2:14

15legem mandatorum decretis evacuans ut duos condat in semet ipsum in unum novum hominem faciens pacemSelect Ephesians 2:15

16et reconciliet ambos in uno corpore Deo per crucem interficiens inimicitiam in semet ipsoSelect Ephesians 2:16

17et veniens evangelizavit pacem vobis qui longe fuistis et pacem his qui propeSelect Ephesians 2:17

18quoniam per ipsum habemus accessum ambo in uno Spiritu ad PatremSelect Ephesians 2:18

19ergo iam non estis hospites et advenae sed estis cives sanctorum et domestici DeiSelect Ephesians 2:19

20superaedificati super fundamentum apostolorum et prophetarum ipso summo angulari lapide Christo IesuSelect Ephesians 2:20

21in quo omnis aedificatio constructa crescit in templum sanctum in DominoSelect Ephesians 2:21

22in quo et vos coaedificamini in habitaculum Dei in SpirituSelect Ephesians 2:22