2Exodus 2

1egressus est post haec vir de domo Levi accepta uxore stirpis suaeSelect Exodus 2:1

2quae concepit et peperit filium et videns eum elegantem abscondit tribus mensibusSelect Exodus 2:2

3cumque iam celare non posset sumpsit fiscellam scirpeam et linivit eam bitumine ac pice posuitque intus infantulum et exposuit eum in carecto ripae fluminisSelect Exodus 2:3

4stante procul sorore eius et considerante eventum reiSelect Exodus 2:4

5ecce autem descendebat filia Pharaonis ut lavaretur in flumine et puellae eius gradiebantur per crepidinem alvei quae cum vidisset fiscellam in papyrione misit unam e famulis suis et adlatamSelect Exodus 2:5

6aperiens cernensque in ea parvulum vagientem miserta eius ait de infantibus Hebraeorum estSelect Exodus 2:6

7cui soror pueri vis inquit ut vadam et vocem tibi hebraeam mulierem quae nutrire possit infantulumSelect Exodus 2:7

8respondit vade perrexit puella et vocavit matrem eiusSelect Exodus 2:8

9ad quam locuta filia Pharaonis accipe ait puerum istum et nutri mihi ego tibi dabo mercedem tuam suscepit mulier et nutrivit puerum adultumque tradidit filiae PharaonisSelect Exodus 2:9

10quem illa adoptavit in locum filii vocavitque nomen eius Mosi dicens quia de aqua tuli eumSelect Exodus 2:10

11in diebus illis postquam creverat Moses egressus ad fratres suos vidit adflictionem eorum et virum aegyptium percutientem quendam de Hebraeis fratribus suisSelect Exodus 2:11

12cumque circumspexisset huc atque illuc et nullum adesse vidisset percussum Aegyptium abscondit sabuloSelect Exodus 2:12

13et egressus die altero conspexit duos Hebraeos rixantes dixitque ei qui faciebat iniuriam quare percutis proximum tuumSelect Exodus 2:13

14qui respondit quis constituit te principem et iudicem super nos num occidere me tu dicis sicut occidisti Aegyptium timuit Moses et ait quomodo palam factum est verbum istudSelect Exodus 2:14

15audivitque Pharao sermonem hunc et quaerebat occidere Mosen qui fugiens de conspectu eius moratus est in terra Madian et sedit iuxta puteumSelect Exodus 2:15

16erant sacerdoti Madian septem filiae quae venerunt ad hauriendas aquas et impletis canalibus adaquare cupiebant greges patris suiSelect Exodus 2:16

17supervenere pastores et eiecerunt eas surrexitque Moses et defensis puellis adaquavit oves earumSelect Exodus 2:17

18quae cum revertissent ad Raguhel patrem suum dixit ad eas cur velocius venistis solitoSelect Exodus 2:18

19responderunt vir aegyptius liberavit nos de manu pastorum insuper et hausit aquam nobiscum potumque dedit ovibusSelect Exodus 2:19

20at ille ubi est inquit quare dimisistis hominem vocate eum ut comedat panemSelect Exodus 2:20

21iuravit ergo Moses quod habitaret cum eo accepitque Sefforam filiam eiusSelect Exodus 2:21

22quae peperit filium quem vocavit Gersam dicens advena fui in terra alienaSelect Exodus 2:22

23post multum temporis mortuus est rex Aegypti et ingemescentes filii Israhel propter opera vociferati sunt ascenditque clamor eorum ad Deum ab operibusSelect Exodus 2:23

24et audivit gemitum eorum ac recordatus foederis quod pepigerat cum Abraham et Isaac et IacobSelect Exodus 2:24

25respexit filios Israhel et cognovit eosSelect Exodus 2:25