27Exodus 27

1facies et altare de lignis setthim quod habebit quinque cubitos in longitudine et totidem in latitudine id est quadrum et tres cubitos in altitudineSelect Exodus 27:1

2cornua autem per quattuor angulos ex ipso erunt et operies illud aereSelect Exodus 27:2

3faciesque in usus eius lebetas ad suscipiendos cineres et forcipes atque fuscinulas et ignium receptacula omnia vasa ex aere fabricabisSelect Exodus 27:3

4craticulamque in modum retis aeneam per cuius quattuor angulos erunt quattuor anuli aeneiSelect Exodus 27:4

5quos pones subter arulam altaris eritque craticula usque ad altaris mediumSelect Exodus 27:5

6facies et vectes altaris de lignis setthim duos quos operies lamminis aeneisSelect Exodus 27:6

7et induces per circulos eruntque ex utroque latere altaris ad portandumSelect Exodus 27:7

8non solidum sed inane et cavum intrinsecus facies illud sicut tibi in monte monstratum estSelect Exodus 27:8

9facies et atrium tabernaculi in cuius plaga australi contra meridiem erunt tentoria de bysso retorta centum cubitos unum latus tenebit in longitudineSelect Exodus 27:9

10et columnas viginti cum basibus totidem aeneis quae capita cum celaturis suis habebunt argenteaSelect Exodus 27:10

11similiter in latere aquilonis per longum erunt tentoria centum cubitorum columnae viginti et bases aeneae eiusdem numeri et capita earum cum celaturis suis argenteaSelect Exodus 27:11

12in latitudine vero atrii quod respicit ad occidentem erunt tentoria per quinquaginta cubitos et columnae decem basesque totidemSelect Exodus 27:12

13in ea quoque atrii latitudine quae respicit ad orientem quinquaginta cubiti eruntSelect Exodus 27:13

14in quibus quindecim cubitorum tentoria lateri uno deputabuntur columnaeque tres et bases totidemSelect Exodus 27:14

15et in latere altero erunt tentoria cubitos obtinentia quindecim columnas tres et bases totidemSelect Exodus 27:15

16in introitu vero atrii fiet tentorium cubitorum viginti ex hyacintho et purpura coccoque bis tincto et bysso retorta opere plumarii columnas habebit quattuor cum basibus totidemSelect Exodus 27:16

17omnes columnae atrii per circuitum vestitae erunt argenti lamminis capitibus argenteis et basibus aeneisSelect Exodus 27:17

18in longitudine occupabit atrium cubitos centum in latitudine quinquaginta altitudo quinque cubitorum erit fietque de bysso retorta et habebit bases aeneasSelect Exodus 27:18

19cuncta vasa tabernaculi in omnes usus et caerimonias tam paxillos eius quam atrii ex aere faciesSelect Exodus 27:19

20praecipe filiis Israhel ut adferant tibi oleum de arboribus olivarum purissimum piloque contusum ut ardeat lucerna semperSelect Exodus 27:20

21in tabernaculo testimonii extra velum quod oppansum est testimonio et conlocabunt eam Aaron et filii eius ut usque mane luceat coram Domino perpetuus erit cultus per successiones eorum a filiis IsrahelSelect Exodus 27:21