39Exodus 39

1de hyacintho vero et purpura vermiculo ac bysso fecit vestes quibus indueretur Aaron quando ministrabat in sanctis sicut praecepit Dominus MosiSelect Exodus 39:1

2fecit igitur superumerale de auro hyacintho et purpura coccoque bis tincto et bysso retortaSelect Exodus 39:2

3opere polymitario inciditque bratteas aureas et extenuavit in fila ut possint torqueri cum priorum colorum subtemineSelect Exodus 39:3

4duasque oras sibi invicem copulatas in utroque latere summitatumSelect Exodus 39:4

5et balteum ex hisdem coloribus sicut praeceperat Dominus MosiSelect Exodus 39:5

6paravit et duos lapides onychinos adstrictos et inclusos auro et sculptos arte gemmaria nominibus filiorum IsrahelSelect Exodus 39:6

7posuitque eos in lateribus superumeralis in monumentum filiorum Israhel sicut praeceperat Dominus MosiSelect Exodus 39:7

8fecit et rationale opere polymito iuxta opus superumeralis ex auro hyacintho purpura coccoque bis tincto et bysso retortaSelect Exodus 39:8

9quadrangulum duplex mensurae palmiSelect Exodus 39:9

10et posuit in eo gemmarum ordines quattuor in primo versu erat sardius topazius zmaragdusSelect Exodus 39:10

11in secundo carbunculus sapphyrus iaspisSelect Exodus 39:11

12in tertio ligyrius achates amethistusSelect Exodus 39:12

13in quarto chrysolitus onychinus berillus circumdati et inclusi auro per ordines suosSelect Exodus 39:13

14ipsique lapides duodecim sculpti erant nominibus duodecim tribuum Israhel singuli per nomina singulorumSelect Exodus 39:14

15fecerunt in rationali et catenulas sibi invicem coherentes de auro purissimoSelect Exodus 39:15

16et duos uncinos totidemque anulos aureos porro anulos posuerunt in utroque latere rationalisSelect Exodus 39:16

17e quibus penderent duae catenae aureae quas inseruerunt uncinis qui in superumeralis angulis eminebantSelect Exodus 39:17

18haec et ante et retro ita conveniebant sibi ut superumerale et rationale mutuo necterenturSelect Exodus 39:18

19stricta ad balteum et anulis fortius copulata quos iungebat vitta hyacinthina ne laxe fluerent et a se invicem moverentur sicut praecepit Dominus MosiSelect Exodus 39:19

20fecerunt quoque tunicam superumeralis totam hyacinthinamSelect Exodus 39:20

21et capitium in superiori parte contra medium oramque per gyrum capitii textilemSelect Exodus 39:21

22deorsum autem ad pedes mala punica ex hyacintho purpura vermiculo ac bysso retortaSelect Exodus 39:22

23et tintinabula de auro mundissimo quae posuerunt inter mala granata in extrema parte tunicae per gyrumSelect Exodus 39:23

24tintinabulum aureum et malum punicum quibus ornatus incedebat pontifex quando ministerio fungebatur sicut praecepit Dominus MosiSelect Exodus 39:24

25fecerunt et tunicas byssinas opere textili Aaron et filiis eiusSelect Exodus 39:25

26et mitras cum coronulis suis ex byssoSelect Exodus 39:26

27feminalia quoque linea byssinaSelect Exodus 39:27

28cingulum vero de bysso retorta hyacintho purpura ac vermiculo distinctum arte plumaria sicut praecepit Dominus MosiSelect Exodus 39:28

29fecerunt et lamminam sacrae venerationis de auro purissimo scripseruntque in ea opere gemmario Sanctum DominiSelect Exodus 39:29

30et strinxerunt eam cum mitra vitta hyacinthina sicut praecepit Dominus MosiSelect Exodus 39:30

31perfectum est igitur omne opus tabernaculi et tecti testimonii feceruntque filii Israhel cuncta quae praeceperat Dominus MosiSelect Exodus 39:31

32et obtulerunt tabernaculum et tectum et universam supellectilem anulos tabulas vectes columnas ac basesSelect Exodus 39:32

33opertorium de pellibus arietum rubricatis et aliud operimentum de ianthinis pellibusSelect Exodus 39:33

34velum arcam vectes propitiatoriumSelect Exodus 39:34

35mensam cum vasis et propositionis panibusSelect Exodus 39:35

36candelabrum lucernas et utensilia eorum cum oleoSelect Exodus 39:36

37altare aureum et unguentum thymiama ex aromatibusSelect Exodus 39:37

38et tentorium in introitu tabernaculiSelect Exodus 39:38

39altare aeneum retiaculum vectes et vasa eius omnia labrum cum basi sua tentoria atrii et columnas cum basibus suisSelect Exodus 39:39

40tentorium in introitu atrii funiculosque illius et paxillos nihil ex vasis defuit quae in ministerium tabernaculi et in tectum foederis iussa sunt fieriSelect Exodus 39:40

41vestes quoque quibus sacerdotes utuntur in sanctuario Aaron scilicet et filii eiusSelect Exodus 39:41

42obtulerunt filii Israhel sicut praeceperat DominusSelect Exodus 39:42

43quae postquam Moses cuncta vidit expleta benedixit eisSelect Exodus 39:43