6Exodus 6

1dixit Dominus ad Mosen nunc videbis quae facturus sum Pharaoni per manum enim fortem dimittet eos et in manu robusta eiciet illos de terra suaSelect Exodus 6:1

2locutusque est Dominus ad Mosen dicens ego DominusSelect Exodus 6:2

3qui apparui Abraham Isaac et Iacob in Deo omnipotente et nomen meum Adonai non indicavi eisSelect Exodus 6:3

4pepigique cum eis foedus ut darem illis terram Chanaan terram peregrinationis eorum in qua fuerunt advenaeSelect Exodus 6:4

5ego audivi gemitum filiorum Israhel quo Aegyptii oppresserunt eos et recordatus sum pacti meiSelect Exodus 6:5

6ideo dic filiis Israhel ego Dominus qui educam vos de ergastulo Aegyptiorum et eruam de servitute ac redimam in brachio excelso et iudiciis magnisSelect Exodus 6:6

7et adsumam vos mihi in populum et ero vester Deus scietisque quod ego sim Dominus Deus vester qui eduxerim vos de ergastulo AegyptiorumSelect Exodus 6:7

8et induxerim in terram super quam levavi manum meam ut darem eam Abraham Isaac et Iacob daboque illam vobis possidendam ego DominusSelect Exodus 6:8

9narravit ergo Moses omnia filiis Israhel qui non adquieverunt ei propter angustiam spiritus et opus durissimumSelect Exodus 6:9

10locutusque est Dominus ad Mosen dicensSelect Exodus 6:10

11ingredere et loquere ad Pharao regem Aegypti ut dimittat filios Israhel de terra suaSelect Exodus 6:11

12respondit Moses coram Domino ecce filii Israhel non me audiunt et quomodo audiet me Pharao praesertim cum sim incircumcisus labiisSelect Exodus 6:12

13locutus est Dominus ad Mosen et Aaron et dedit mandatum ad filios Israhel et ad Pharao regem Aegypti ut educerent filios Israhel de terra AegyptiSelect Exodus 6:13

14isti sunt principes domorum per familias suas filii Ruben primogeniti Israhelis Enoch et Phallu Aesrom et CharmiSelect Exodus 6:14

15hae cognationes Ruben filii Symeon Iamuhel et Iamin et Aod Iachin et Soer et Saul filius Chananitidis hae progenies SymeonSelect Exodus 6:15

16et haec nomina filiorum Levi per cognationes suas Gerson et Caath et Merari anni autem vitae Levi fuerunt centum triginta septemSelect Exodus 6:16

17filii Gerson Lobeni et Semei per cognationes suasSelect Exodus 6:17

18filii Caath Amram et Isuar et Hebron et Ozihel annique vitae Caath centum triginta tresSelect Exodus 6:18

19filii Merari Mooli et Musi hae cognationes Levi per familias suasSelect Exodus 6:19

20accepit autem Amram uxorem Iocabed patruelem suam quae peperit ei Aaron et Mosen fueruntque anni vitae Amram centum triginta septemSelect Exodus 6:20

21filii quoque Isuar Core et Napheg et ZechriSelect Exodus 6:21

22filii quoque Ozihel Misahel et Elsaphan et SethriSelect Exodus 6:22

23accepit autem Aaron uxorem Elisabe filiam Aminadab sororem Naasson quae peperit ei Nadab et Abiu et Eleazar et IthamarSelect Exodus 6:23

24filii quoque Core Asir et Helcana et Abiasab hae sunt cognationes CoritarumSelect Exodus 6:24

25at vero Eleazar filius Aaron accepit uxorem de filiabus Phutihel quae peperit ei Finees hii sunt principes familiarum leviticarum per cognationes suasSelect Exodus 6:25

26iste est Aaron et Moses quibus praecepit Dominus ut educerent filios Israhel de terra Aegypti per turmas suasSelect Exodus 6:26

27hii sunt qui loquuntur ad Pharao regem Aegypti ut educant filios Israhel de Aegypto iste Moses et AaronSelect Exodus 6:27

28in die qua locutus est Dominus ad Mosen in terra AegyptiSelect Exodus 6:28

29et locutus est Dominus ad Mosen dicens ego Dominus loquere ad Pharao regem Aegypti omnia quae ego loquor tibiSelect Exodus 6:29

30et ait Moses coram Domino en incircumcisus labiis sum quomodo audiet me PharaoSelect Exodus 6:30