16Ezekiel 16

1et factus est sermo Domini ad me dicensSelect Ezekiel 16:1

2fili hominis notas fac Hierusalem abominationes suasSelect Ezekiel 16:2

3et dices haec dicit Dominus Deus Hierusalem radix tua et generatio tua de terra chananea pater tuus Amorreus et mater tua CettheaSelect Ezekiel 16:3

4et quando nata es in die ortus tui non est praecisus umbilicus tuus et in aqua non es lota in salutem nec sale salita nec involuta pannisSelect Ezekiel 16:4

5non pepercit super te oculus ut facerem tibi unum de his miseratus tui sed proiecta es super faciem terrae in abiectione animae tuae in die qua nata esSelect Ezekiel 16:5

6transiens autem per te vidi te conculcari in sanguine tuo et dixi tibi cum esses in sanguine tuo vive dixi inquam tibi in sanguine tuo viveSelect Ezekiel 16:6

7multiplicatam quasi germen agri dedi te et multiplicata es et grandis effecta et ingressa es et pervenisti ad mundum muliebrem ubera tua intumuerunt et pilus tuus germinavit et eras nuda et confusionis plenaSelect Ezekiel 16:7

8et transivi per te et vidi te et ecce tempus tuum tempus amantium et expandi amictum meum super te et operui ignominiam tuam et iuravi tibi et ingressus sum pactum tecum ait Dominus Deus et facta es mihiSelect Ezekiel 16:8

9et lavi te aqua et emundavi sanguinem tuum ex te et unxi te oleoSelect Ezekiel 16:9

10et vestivi te discoloribus et calciavi te ianthino et cinxi te bysso et indui te subtilibusSelect Ezekiel 16:10

11et ornavi te ornamento et dedi armillas in manibus tuis et torquem circa collum tuumSelect Ezekiel 16:11

12et dedi inaurem super os tuum et circulos auribus tuis et coronam decoris in capite tuoSelect Ezekiel 16:12

13et ornata es auro et argento et vestita es bysso et polymito et multicoloribus similam et mel et oleum comedisti et decora facta es vehementer nimis et profecisti in regnumSelect Ezekiel 16:13

14et egressum est nomen tuum in gentes propter speciem tuam quia perfecta eras in decore meo quem posueram super te dicit Dominus DeusSelect Ezekiel 16:14

15et habens fiduciam in pulchritudine tua fornicata es in nomine tuo et exposuisti fornicationem tuam omni transeunti ut eius fieresSelect Ezekiel 16:15

16et sumens de vestimentis meis fecisti tibi excelsa hinc inde consuta et fornicata es super eis sicut non est factum neque futurum estSelect Ezekiel 16:16

17et tulisti vasa decoris tui de auro meo et argento meo quae dedi tibi et fecisti tibi imagines masculinas et fornicata es in eisSelect Ezekiel 16:17

18et sumpsisti vestimenta tua multicoloria et vestita es eis et oleum meum et thymiama meum posuisti coram eisSelect Ezekiel 16:18

19et panem meum quem dedi tibi similam et oleum et mel quibus enutrivi te posuisti in conspectu eorum in odorem suavitatis et factum est ait Dominus DeusSelect Ezekiel 16:19

20et tulisti filios tuos et filias tuas quas generasti mihi et immolasti eis ad devorandum numquid parva est fornicatio tuaSelect Ezekiel 16:20

21immolantis filios meos et dedisti illos consecrans eisSelect Ezekiel 16:21

22et post omnes abominationes tuas et fornicationes non es recordata dierum adulescentiae tuae quando eras nuda et confusione plena conculcata in sanguine tuoSelect Ezekiel 16:22

23et accidit post omnem malitiam tuam vae vae tibi ait Dominus DeusSelect Ezekiel 16:23

24et aedificasti tibi lupanar et fecisti tibi prostibulum in cunctis plateisSelect Ezekiel 16:24

25ad omne caput viae aedificasti signum prostitutionis tuae et abominabilem fecisti decorem tuum et divisisti pedes tuos omni transeunti et multiplicasti fornicationes tuasSelect Ezekiel 16:25

26et fornicata es cum filiis Aegypti vicinis tuis magnarum carnium et multiplicasti fornicationem tuam ad inritandum meSelect Ezekiel 16:26

27ecce ego extendi manum meam super te et auferam ius tuum et dabo te in animam odientium te filiarum palestinarum quae erubescunt in via tua scelerataSelect Ezekiel 16:27

28et fornicata es in filiis Assyriorum eo quod necdum fueris expleta et postquam fornicata es nec sic es satiataSelect Ezekiel 16:28

29et multiplicasti fornicationem tuam in terra Chanaan cum Chaldeis et nec sic satiata esSelect Ezekiel 16:29

30in quo mundabo cor tuum ait Dominus Deus cum facias omnia haec opera mulieris meretricis et procacisSelect Ezekiel 16:30

31quia fabricasti lupanar tuum in capite omnis viae et excelsum tuum fecisti in omni platea nec facta es quasi meretrix fastidio augens pretiumSelect Ezekiel 16:31

32sed quasi mulier adultera quae super virum suum inducit alienosSelect Ezekiel 16:32

33omnibus meretricibus dantur mercedes tu autem dedisti mercedes cunctis amatoribus tuis et donabas eis ut intrarent ad te undique ad fornicandum tecumSelect Ezekiel 16:33

34factumque in te est contra consuetudinem mulierum in fornicationibus tuis et post te non erit fornicatio in eo enim quod dedisti mercedes et mercedes non accepisti factum est in te contrariumSelect Ezekiel 16:34

35propterea meretrix audi verbum DominiSelect Ezekiel 16:35

36haec dicit Dominus Deus quia effusum est aes tuum et revelata est ignominia tua in fornicationibus tuis super amatores tuos et super idola abominationum tuarum in sanguine filiorum tuorum quos dedisti eisSelect Ezekiel 16:36

37ecce ego congregabo omnes amatores tuos quibus commixta es et omnes quos dilexisti cum universis quos oderas et congregabo eos super te undique et nudabo ignominiam tuam coram eis et videbunt omnem turpitudinem tuamSelect Ezekiel 16:37

38et iudicabo te iudiciis adulterarum et effundentium sanguinem et dabo te in sanguinem furoris et zeliSelect Ezekiel 16:38

39et dabo te in manus eorum et destruent lupanar tuum et demolientur prostibulum tuum et denudabunt te vestimentis tuis et auferent vasa decoris tui et derelinquent te nudam plenamque ignominiaSelect Ezekiel 16:39

40et adducent super te multitudinem et lapidabunt te lapidibus et trucidabunt te gladiis suisSelect Ezekiel 16:40

41et conburent domos tuas igni et facient in te iudicia in oculis mulierum plurimarum et desines fornicari et mercedes ultra non dabisSelect Ezekiel 16:41

42et requiescet indignatio mea in te et auferetur zelus meus a te et quiescam nec irascar ampliusSelect Ezekiel 16:42

43eo quod non fueris recordata dierum adulescentiae tuae et provocasti me in omnibus his quapropter et ego vias tuas in capite tuo dedi ait Dominus Deus et non feci iuxta scelera tua in omnibus abominationibus tuisSelect Ezekiel 16:43

44ecce omnis qui dicit vulgo proverbium in te adsumet illud dicens sicut mater ita et filia eiusSelect Ezekiel 16:44

45filia matris tuae es tu quae proiecit virum suum et filios suos et soror sororum tuarum tu quae proiecerunt viros suos et filios suos mater vestra Cetthea et pater vester AmorreusSelect Ezekiel 16:45

46et soror tua maior Samaria ipsa et filiae eius quae habitat ad sinistram tuam soror autem tua minor te quae habitat a dextris tuis Sodoma et filiae eiusSelect Ezekiel 16:46

47sed nec in viis earum ambulasti neque secundum scelera earum fecisti pauxillum minus paene sceleratiora fecisti illis in omnibus viis tuisSelect Ezekiel 16:47

48vivo ego dicit Dominus Deus quia non fecit Sodoma soror tua ipsa et filiae eius sicut fecisti tu et filiae tuaeSelect Ezekiel 16:48

49ecce haec fuit iniquitas Sodomae sororis tuae superbia saturitas panis et abundantia et otium ipsius et filiarum eius et manum egeno et pauperi non porrigebantSelect Ezekiel 16:49

50et elevatae sunt et fecerunt abominationes coram me et abstuli eas sicut vidistiSelect Ezekiel 16:50

51et Samaria dimidium peccatorum tuorum non peccavit sed vicisti eas sceleribus tuis et iustificasti sorores tuas in omnibus abominationibus tuis quas operata esSelect Ezekiel 16:51

52ergo et tu porta confusionem tuam quae vicisti sorores tuas peccatis tuis sceleratius agens ab eis iustificatae sunt enim a te ergo et tu confundere et porta ignominiam tuam quae iustificasti sorores tuasSelect Ezekiel 16:52

53et convertam restituens eas conversione Sodomorum cum filiabus suis et conversione Samariae et filiarum eius et convertam reversionem tuam in medio earumSelect Ezekiel 16:53

54ut portes ignominiam tuam et confundaris in omnibus quae fecisti consolans easSelect Ezekiel 16:54

55et soror tua Sodoma et filiae eius revertentur ad antiquitatem suam et Samaria et filiae eius revertentur ad antiquitatem suam et tu et filiae tuae revertimini ad antiquitatem vestramSelect Ezekiel 16:55

56non fuit autem Sodoma soror tua audita in ore tuo in die superbiae tuaeSelect Ezekiel 16:56

57antequam revelaretur malitia tua sicut hoc tempore in obprobrium filiarum Syriae et cunctarum in circuitu tuo filiarum palestinarum quae ambiunt te per gyrumSelect Ezekiel 16:57

58scelus tuum et ignominiam tuam tu portasti ait Dominus DeusSelect Ezekiel 16:58

59quia haec dicit Dominus Deus et faciam tibi sicut dispexisti iuramentum ut irritum faceres pactumSelect Ezekiel 16:59

60et recordabor ego pacti mei tecum in diebus adulescentiae tuae et suscitabo tibi pactum sempiternumSelect Ezekiel 16:60

61et recordaberis viarum tuarum et confunderis cum receperis sorores tuas te maiores cum minoribus tuis et dabo eas tibi in filias sed non ex pacto tuoSelect Ezekiel 16:61

62et suscitabo ego pactum meum tecum et scies quia ego DominusSelect Ezekiel 16:62

63ut recorderis et confundaris et non sit tibi ultra aperire os prae confusione tua cum placatus fuero tibi in omnibus quae fecisti ait Dominus DeusSelect Ezekiel 16:63