22Ezekiel 22

1et factum est verbum Domini ad me dicensSelect Ezekiel 22:1

2et tu fili hominis num iudicas num iudicas civitatem sanguinumSelect Ezekiel 22:2

3et ostendes ei omnes abominationes suas et dices haec dicit Dominus Deus civitas effundens sanguinem in medio sui ut veniat tempus eius et quae fecit idola contra semet ipsam ut polluereturSelect Ezekiel 22:3

4in sanguine tuo qui a te effusus est deliquisti et in idolis tuis quae fecisti polluta es et adpropinquare fecisti dies tuos et adduxisti tempus annorum tuorum propterea dedi te obprobrium gentibus et inrisionem universis terrisSelect Ezekiel 22:4

5quae iuxta sunt et quae procul a te triumphabunt de te sordida nobilis grandis interituSelect Ezekiel 22:5

6ecce principes Israhel singuli in brachio suo fuerunt in te ad effundendum sanguinemSelect Ezekiel 22:6

7patrem et matrem contumeliis adfecerunt in te advenam calumniati sunt in medio tui pupillum et viduam contristaverunt apud teSelect Ezekiel 22:7

8sanctuaria mea sprevistis et sabbata mea polluistisSelect Ezekiel 22:8

9viri detractores fuerunt in te ad effundendum sanguinem et super montes comederunt in te scelus operati sunt in medio tuiSelect Ezekiel 22:9

10verecundiora patris discoperuerunt in te inmunditiam menstruatae humiliaverunt in teSelect Ezekiel 22:10

11et unusquisque in uxorem proximi sui operatus est abominationem et socer nurum suam polluit nefarie frater sororem suam filiam patris sui oppressit in teSelect Ezekiel 22:11

12munera acceperunt apud te ad effundendum sanguinem usuram et superabundantiam accepisti et avare proximos tuos calumniabaris meique oblita es ait Dominus DeusSelect Ezekiel 22:12

13ecce conplosi manus meas super avaritiam tuam quam fecisti et super sanguinem qui effusus est in medio tuiSelect Ezekiel 22:13

14numquid sustinebit cor tuum aut praevalebunt manus tuae in diebus quos ego faciam tibi ego Dominus locutus sum et faciamSelect Ezekiel 22:14

15et dispergam te in nationes et ventilabo te in terras et deficere faciam inmunditiam tuam a teSelect Ezekiel 22:15

16et possidebo te in conspectu gentium et scies quia ego DominusSelect Ezekiel 22:16

17et factum est verbum Domini ad me dicensSelect Ezekiel 22:17

18fili hominis versa est mihi domus Israhel in scoriam omnes isti aes et stagnum et ferrum et plumbum in medio fornacis scoria argenti facti suntSelect Ezekiel 22:18

19propterea haec dicit Dominus Deus eo quod versi estis omnes in scoriam propterea ecce ego congregabo vos in medium HierusalemSelect Ezekiel 22:19

20congregatione argenti et aeris et ferri et stagni et plumbi in medium fornacis ut succendam in eam ignem ad conflandum sic congregabo in furore meo et in ira mea et requiescam et conflabo vosSelect Ezekiel 22:20

21et congregabo vos et succendam vos in igne furoris mei et conflabimini in medio eiusSelect Ezekiel 22:21

22ut conflatur argentum in medio fornacis sic eritis in medio eius et scietis quia ego Dominus effuderim indignationem meam super vosSelect Ezekiel 22:22

23et factum est verbum Domini ad me dicensSelect Ezekiel 22:23

24fili hominis dic ei tu es terra inmunda et non conpluta in die furorisSelect Ezekiel 22:24

25coniuratio prophetarum in medio eius sicut leo rugiens capiensque praedam animam devoraverunt opes et pretium acceperunt viduas eius multiplicaverunt in medio illiusSelect Ezekiel 22:25

26sacerdotes eius contempserunt legem meam et polluerunt sanctuaria mea inter sanctum et profanum non habuere distantiam et inter pollutum et mundum non intellexerunt et a sabbatis meis averterunt oculos suos et coinquinabar in medio eorumSelect Ezekiel 22:26

27principes eius in medio illius quasi lupi rapientes praedam ad effundendum sanguinem et perdendas animas et avare sectanda lucraSelect Ezekiel 22:27

28prophetae autem eius liniebant eos absque temperamento videntes vana et divinantes eis mendacium dicentes haec dicit Dominus Deus cum Dominus non sit locutusSelect Ezekiel 22:28

29populi terrae calumniabantur calumniam et rapiebant violenter egenum et pauperem adfligebant et advenam opprimebant calumnia absque iudicioSelect Ezekiel 22:29

30et quaesivi de eis virum qui interponeret sepem et staret oppositus contra me pro terra ne dissiparem eam et non inveniSelect Ezekiel 22:30

31et effudi super eos indignationem meam in igne irae meae consumpsi eos viam eorum in caput eorum reddidi ait Dominus DeusSelect Ezekiel 22:31