15Genesis 15

1his itaque transactis factus est sermo Domini ad Abram per visionem dicens noli timere Abram ego protector tuus sum et merces tua magna nimisSelect Genesis 15:1

2dixitque Abram Domine Deus quid dabis mihi ego vadam absque liberis et filius procuratoris domus meae iste Damascus EliezerSelect Genesis 15:2

3addiditque Abram mihi autem non dedisti semen et ecce vernaculus meus heres meus eritSelect Genesis 15:3

4statimque sermo Domini factus est ad eum dicens non erit hic heres tuus sed qui egredietur de utero tuo ipsum habebis heredemSelect Genesis 15:4

5eduxitque eum foras et ait illi suspice caelum et numera stellas si potes et dixit ei sic erit semen tuumSelect Genesis 15:5

6credidit Domino et reputatum est ei ad iustitiamSelect Genesis 15:6

7dixitque ad eum ego Dominus qui eduxi te de Ur Chaldeorum ut darem tibi terram istam et possideres eamSelect Genesis 15:7

8at ille ait Domine Deus unde scire possum quod possessurus sim eamSelect Genesis 15:8

9respondens Dominus sume inquit mihi vaccam triennem et capram trimam et arietem annorum trium turturem quoque et columbamSelect Genesis 15:9

10qui tollens universa haec divisit per medium et utrasque partes contra se altrinsecus posuit aves autem non divisitSelect Genesis 15:10

11descenderuntque volucres super cadavera et abigebat eas AbramSelect Genesis 15:11

12cumque sol occumberet sopor inruit super Abram et horror magnus et tenebrosus invasit eumSelect Genesis 15:12

13dictumque est ad eum scito praenoscens quod peregrinum futurum sit semen tuum in terra non sua et subicient eos servituti et adfligent quadringentis annisSelect Genesis 15:13

14verumtamen gentem cui servituri sunt ego iudicabo et post haec egredientur cum magna substantiaSelect Genesis 15:14

15tu autem ibis ad patres tuos in pace sepultus in senectute bonaSelect Genesis 15:15

16generatione autem quarta revertentur huc necdum enim conpletae sunt iniquitates Amorreorum usque ad praesens tempusSelect Genesis 15:16

17cum ergo occubuisset sol facta est caligo tenebrosa et apparuit clibanus fumans et lampas ignis transiens inter divisiones illasSelect Genesis 15:17

18in die illo pepigit Dominus cum Abram foedus dicens semini tuo dabo terram hanc a fluvio Aegypti usque ad fluvium magnum flumen EufratenSelect Genesis 15:18

19Cineos et Cenezeos et CedmoneosSelect Genesis 15:19

20et Hettheos et Ferezeos Rafaim quoqueSelect Genesis 15:20

21et Amorreos et Chananeos et Gergeseos et IebuseosSelect Genesis 15:21