35Genesis 35

1interea locutus est Deus ad Iacob surge et ascende Bethel et habita ibi facque altare Deo qui apparuit tibi quando fugiebas Esau fratrem tuumSelect Genesis 35:1

2Iacob vero convocata omni domo sua ait abicite deos alienos qui in medio vestri sunt et mundamini ac mutate vestimenta vestraSelect Genesis 35:2

3surgite et ascendamus in Bethel ut faciamus ibi altare Deo qui exaudivit me in die tribulationis meae et fuit socius itineris meiSelect Genesis 35:3

4dederunt ergo ei omnes deos alienos quos habebant et inaures quae erant in auribus eorum at ille infodit ea subter terebinthum quae est post urbem SychemSelect Genesis 35:4

5cumque profecti essent terror Dei invasit omnes per circuitum civitates et non sunt ausi persequi recedentesSelect Genesis 35:5

6venit igitur Iacob Luzam quae est in terra Chanaan cognomento Bethel ipse et omnis populus cum eoSelect Genesis 35:6

7aedificavitque ibi altare et appellavit nomen loci Domus Dei ibi enim apparuit ei Deus cum fugeret fratrem suumSelect Genesis 35:7

8eodem tempore mortua est Debbora nutrix Rebeccae et sepulta ad radices Bethel subter quercum vocatumque est nomen loci quercus FletusSelect Genesis 35:8

9apparuit autem iterum Deus Iacob postquam reversus est de Mesopotamiam Syriae benedixitque eiSelect Genesis 35:9

10dicens non vocaberis ultra Iacob sed Israhel erit nomen tuum et appellavit eum IsrahelSelect Genesis 35:10

11dixitque ei ego Deus omnipotens cresce et multiplicare gentes et populi nationum erunt ex te reges de lumbis tuis egredienturSelect Genesis 35:11

12terramque quam dedi Abraham et Isaac dabo tibi et semini tuo post teSelect Genesis 35:12

13et recessit ab eoSelect Genesis 35:13

14ille vero erexit titulum lapideum in loco quo locutus ei fuerat Deus libans super eum libamina et effundens oleumSelect Genesis 35:14

15vocansque nomen loci BethelSelect Genesis 35:15

16egressus inde venit verno tempore ad terram quae ducit Efratham in qua cum parturiret RahelSelect Genesis 35:16

17ob difficultatem partus periclitari coepit dixitque ei obsetrix noli timere quia et hunc habebis filiumSelect Genesis 35:17

18egrediente autem anima prae dolore et inminente iam morte vocavit nomen filii sui Benoni id est filius doloris mei pater vero appellavit eum Beniamin id est filius dexteraeSelect Genesis 35:18

19mortua est ergo Rahel et sepulta in via quae ducit Efratham haec est BethleemSelect Genesis 35:19

20erexitque Iacob titulum super sepulchrum eius hic est titulus monumenti Rahel usque in praesentem diemSelect Genesis 35:20

21egressus inde fixit tabernaculum trans turrem GregisSelect Genesis 35:21

22cumque habitaret in illa regione abiit Ruben et dormivit cum Bala concubina patris sui quod illum minime latuit erant autem filii Iacob duodecimSelect Genesis 35:22

23filii Liae primogenitus Ruben et Symeon et Levi et Iudas et Isachar et ZabulonSelect Genesis 35:23

24filii Rahel Ioseph et BeniaminSelect Genesis 35:24

25filii Balae ancillae Rahelis Dan et NepthalimSelect Genesis 35:25

26filii Zelphae ancillae Liae Gad et Aser hii filii Iacob qui nati sunt ei in Mesopotamiam SyriaeSelect Genesis 35:26

27venit etiam ad Isaac patrem suum in Mambre civitatem Arbee haec est Hebron in qua peregrinatus est Abraham et IsaacSelect Genesis 35:27

28et conpleti sunt dies Isaac centum octoginta annorumSelect Genesis 35:28

29consumptusque aetate mortuus est et adpositus populo suo senex et plenus dierum et sepelierunt eum Esau et Iacob filii suiSelect Genesis 35:29