4Genesis 4

1Adam vero cognovit Havam uxorem suam quae concepit et peperit Cain dicens possedi hominem per DominumSelect Genesis 4:1

2rursusque peperit fratrem eius Abel fuit autem Abel pastor ovium et Cain agricolaSelect Genesis 4:2

3factum est autem post multos dies ut offerret Cain de fructibus terrae munera DominoSelect Genesis 4:3

4Abel quoque obtulit de primogenitis gregis sui et de adipibus eorum et respexit Dominus ad Abel et ad munera eiusSelect Genesis 4:4

5ad Cain vero et ad munera illius non respexit iratusque est Cain vehementer et concidit vultus eiusSelect Genesis 4:5

6dixitque Dominus ad eum quare maestus es et cur concidit facies tuaSelect Genesis 4:6

7nonne si bene egeris recipies sin autem male statim in foribus peccatum aderit sed sub te erit appetitus eius et tu dominaberis illiusSelect Genesis 4:7

8dixitque Cain ad Abel fratrem suum egrediamur foras cumque essent in agro consurrexit Cain adversus Abel fratrem suum et interfecit eumSelect Genesis 4:8

9et ait Dominus ad Cain ubi est Abel frater tuus qui respondit nescio num custos fratris mei sumSelect Genesis 4:9

10dixitque ad eum quid fecisti vox sanguinis fratris tui clamat ad me de terraSelect Genesis 4:10

11nunc igitur maledictus eris super terram quae aperuit os suum et suscepit sanguinem fratris tui de manu tuaSelect Genesis 4:11

12cum operatus fueris eam non dabit tibi fructus suos vagus et profugus eris super terramSelect Genesis 4:12

13dixitque Cain ad Dominum maior est iniquitas mea quam ut veniam merearSelect Genesis 4:13

14ecce eicis me hodie a facie terrae et a facie tua abscondar et ero vagus et profugus in terra omnis igitur qui invenerit me occidet meSelect Genesis 4:14

15dixitque ei Dominus nequaquam ita fiet sed omnis qui occiderit Cain septuplum punietur posuitque Dominus Cain signum ut non eum interficeret omnis qui invenisset eumSelect Genesis 4:15

16egressusque Cain a facie Domini habitavit in terra profugus ad orientalem plagam EdenSelect Genesis 4:16

17cognovit autem Cain uxorem suam quae concepit et peperit Enoch et aedificavit civitatem vocavitque nomen eius ex nomine filii sui EnochSelect Genesis 4:17

18porro Enoch genuit Irad et Irad genuit Maviahel et Maviahel genuit Matusahel et Matusahel genuit LamechSelect Genesis 4:18

19qui accepit uxores duas nomen uni Ada et nomen alteri SellaSelect Genesis 4:19

20genuitque Ada Iabel qui fuit pater habitantium in tentoriis atque pastorumSelect Genesis 4:20

21et nomen fratris eius Iubal ipse fuit pater canentium cithara et organoSelect Genesis 4:21

22Sella quoque genuit Thubalcain qui fuit malleator et faber in cuncta opera aeris et ferri soror vero Thubalcain NoemmaSelect Genesis 4:22

23dixitque Lamech uxoribus suis Adae et Sellae audite vocem meam uxores Lamech auscultate sermonem meum quoniam occidi virum in vulnus meum et adulescentulum in livorem meumSelect Genesis 4:23

24septuplum ultio dabitur de Cain de Lamech vero septuagies septiesSelect Genesis 4:24

25cognovit quoque adhuc Adam uxorem suam et peperit filium vocavitque nomen eius Seth dicens posuit mihi Deus semen aliud pro Abel quem occidit CainSelect Genesis 4:25

26sed et Seth natus est filius quem vocavit Enos iste coepit invocare nomen DominiSelect Genesis 4:26