8Hosea 8

1in gutture tuo sit tuba quasi aquila super domum Domini pro eo quod transgressi sunt foedus meum et legem meam praevaricati suntSelect Hosea 8:1

2me invocabunt Deus meus cognovimus te IsrahelSelect Hosea 8:2

3proiecit Israhel bonum inimicus persequetur eumSelect Hosea 8:3

4ipsi regnaverunt et non ex me principes extiterunt et non cognovi argentum suum et aurum suum fecerunt sibi idola ut interirentSelect Hosea 8:4

5proiectus est vitulus tuus Samaria iratus est furor meus in eis usquequo non poterunt emundariSelect Hosea 8:5

6quia ex Israhel et ipse est artifex fecit illum et non est Deus quoniam in aranearum telas erit vitulus SamariaeSelect Hosea 8:6

7quia ventum seminabunt et turbinem metent culmus stans non est in eis germen non faciet farinam quod si et fecerit alieni comedent eamSelect Hosea 8:7

8devoratus est Israhel nunc factus est in nationibus quasi vas inmundumSelect Hosea 8:8

9quia ipsi ascenderunt ad Assur onager solitarius sibi Ephraim munera dederunt amatoribusSelect Hosea 8:9

10sed et cum mercede conduxerint nationes nunc congregabo eos et quiescent paulisper ab onere regis et principumSelect Hosea 8:10

11quia multiplicavit Ephraim altaria ad peccandum factae sunt ei arae in delictumSelect Hosea 8:11

12scribam ei multiplices leges meas quae velut alienae conputatae suntSelect Hosea 8:12

13hostias adfer adfer immolabunt carnes et comedent Dominus non suscipiet eas nunc recordabitur iniquitatis eorum et visitabit peccata eorum ipsi in Aegyptum convertenturSelect Hosea 8:13

14et oblitus est Israhel factoris sui et aedificavit delubra et Iudas multiplicavit urbes munitas et mittam ignem in civitates eius et devorabit aedes illiusSelect Hosea 8:14