2Jeremiah 2

1et factum est verbum Domini ad me dicensSelect Jeremiah 2:1

2vade et clama in auribus Hierusalem dicens haec dicit Dominus recordatus sum tui miserans adulescentiam tuam et caritatem disponsationis tuae quando secuta me es in deserto in terra quae non seminaturSelect Jeremiah 2:2

3sanctus Israhel Domino primitiae frugum eius omnes qui devorant eum delinquunt mala venient super eos dicit DominusSelect Jeremiah 2:3

4audite verbum Domini domus Iacob et omnes cognationes domus IsrahelSelect Jeremiah 2:4

5haec dicit Dominus quid invenerunt patres vestri in me iniquitatis quia elongaverunt a me et ambulaverunt post vanitatem et vani facti suntSelect Jeremiah 2:5

6et non dixerunt ubi est Dominus qui ascendere nos fecit de terra Aegypti qui transduxit nos per desertum per terram inhabitabilem et inviam per terram sitis et imaginem mortis per terram in qua non ambulavit vir neque habitavit homoSelect Jeremiah 2:6

7et induxi vos in terram Carmeli ut comederetis fructum eius et optima illius et ingressi contaminastis terram meam et hereditatem meam posuistis in abominationemSelect Jeremiah 2:7

8sacerdotes non dixerunt ubi est Dominus et tenentes legem nescierunt me et pastores praevaricati sunt in me et prophetae prophetaverunt in Baal et idola secuti suntSelect Jeremiah 2:8

9propterea adhuc iudicio contendam vobiscum ait Dominus et cum filiis vestris disceptaboSelect Jeremiah 2:9

10transite ad insulas Cetthim et videte et in Cedar mittite et considerate vehementer et videte si factum est huiuscemodiSelect Jeremiah 2:10

11si mutavit gens deos et certe ipsi non sunt dii populus vero meus mutavit Gloriam suam in idolumSelect Jeremiah 2:11

12obstupescite caeli super hoc et portae eius desolamini vehementer dicit DominusSelect Jeremiah 2:12

13duo enim mala fecit populus meus me dereliquerunt fontem aquae vivae ut foderent sibi cisternas cisternas dissipatas quae continere non valent aquasSelect Jeremiah 2:13

14numquid servus est Israhel aut vernaculus quare ergo est factus in praedamSelect Jeremiah 2:14

15super eum rugierunt leones et dederunt vocem suam posuerunt terram eius in solitudinem civitates eius exustae sunt et non est qui habitet in eisSelect Jeremiah 2:15

16filii quoque Memfeos et Tafnes constupraverunt te usque ad verticemSelect Jeremiah 2:16

17numquid non istud factum est tibi quia dereliquisti Dominum Deum tuum eo tempore quo ducebat te per viamSelect Jeremiah 2:17

18et nunc quid tibi vis in via Aegypti ut bibas aquam turbidam et quid tibi cum via Assyriorum ut bibas aquam FluminisSelect Jeremiah 2:18

19arguet te malitia tua et aversio tua increpabit te scito et vide quia malum et amarum est reliquisse te Dominum Deum tuum et non esse timorem mei apud te dicit Dominus Deus exercituumSelect Jeremiah 2:19

20a saeculo confregisti iugum meum rupisti vincula mea et dixisti non serviam in omni enim colle sublimi et sub omni ligno frondoso tu prosternebaris meretrixSelect Jeremiah 2:20

21ego autem plantavi te vineam electam omne semen verum quomodo ergo conversa es in pravum vinea alienaSelect Jeremiah 2:21

22si laveris te nitro et multiplicaveris tibi herbam borith maculata es in iniquitate tua coram me dicit Dominus DeusSelect Jeremiah 2:22

23quomodo dicis non sum polluta post Baalim non ambulavi vide vias tuas in convalle scito quid feceris cursor levis explicans vias tuasSelect Jeremiah 2:23

24onager adsuetus in solitudine in desiderio animae suae adtraxit ventum amoris sui nullus avertet eam omnes qui quaerunt eam non deficient in menstruis eius invenient eamSelect Jeremiah 2:24

25prohibe pedem tuum a nuditate et guttur tuum a siti et dixisti desperavi nequaquam faciam adamavi quippe alienos et post eos ambulaboSelect Jeremiah 2:25

26quomodo confunditur fur quando deprehenditur sic confusi sunt domus Israhel ipsi et reges eorum principes et sacerdotes et prophetae eorumSelect Jeremiah 2:26

27dicentes ligno pater meus es tu et lapidi tu me genuisti verterunt ad me tergum et non faciem et in tempore adflictionis suae dicent surge et libera nosSelect Jeremiah 2:27

28ubi sunt dii tui quos fecisti tibi surgant et liberent te in tempore adflictionis tuae secundum numerum quippe civitatum tuarum erant dii tui IudaSelect Jeremiah 2:28

29quid vultis mecum iudicio contendere omnes dereliquistis me dicit DominusSelect Jeremiah 2:29

30frustra percussi filios vestros disciplinam non receperunt devoravit gladius vester prophetas vestros quasi leo vastatorSelect Jeremiah 2:30

31generatio vestra videte verbum Domini numquid solitudo factus sum Israheli aut terra serotina quare ergo dixit populus meus recessimus non veniemus ultra ad teSelect Jeremiah 2:31

32numquid obliviscitur virgo ornamenti sui sponsa fasciae pectoralis suae populus vero meus oblitus est mei diebus innumerisSelect Jeremiah 2:32

33quid niteris bonam ostendere viam tuam ad quaerendam dilectionem quae insuper et malitias tuas docuisti vias tuasSelect Jeremiah 2:33

34et in alis tuis inventus est sanguis animarum pauperum et innocentium non in fossis inveni eos sed in omnibus quae supra memoraviSelect Jeremiah 2:34

35et dixisti absque peccato et innocens ego sum et propterea avertatur furor tuus a me ecce ego iudicio contendam tecum eo quod dixeris non peccaviSelect Jeremiah 2:35

36quam vilis es facta nimis iterans vias tuas et ab Aegypto confunderis sicut confusa es ab AssurSelect Jeremiah 2:36

37nam et ab ista egredieris et manus tuae erunt super caput tuum quoniam obtrivit Dominus confidentiam tuam et nihil habebis prosperumSelect Jeremiah 2:37