50Jeremiah 50

1verbum quod locutus est Dominus de Babylone et de terra Chaldeorum in manu Hieremiae prophetaeSelect Jeremiah 50:1

2adnuntiate in gentibus et auditum facite levate signum praedicate et nolite celare dicite capta est Babylon confusus est Bel victus est Marodach confusa sunt sculptilia eius superata sunt idola eorumSelect Jeremiah 50:2

3quoniam ascendit contra eam gens ab aquilone quae ponet terram eius in solitudinem et non erit qui habitet in ea ab homine usque ad pecus et moti sunt et abieruntSelect Jeremiah 50:3

4in diebus illis et in tempore illo ait Dominus venient filii Israhel ipsi et filii Iuda simul ambulantes et flentes properabunt et Dominum Deum suum quaerentSelect Jeremiah 50:4

5in Sion interrogabunt viam huc facies eorum venient et adponentur ad Dominum foedere sempiterno quod nulla oblivione delebiturSelect Jeremiah 50:5

6grex perditus factus est populus meus pastores eorum seduxerunt eos feceruntque vagari in montibus de monte in collem transierunt obliti sunt cubilis suiSelect Jeremiah 50:6

7omnes qui invenerunt comederunt eos et hostes eorum dixerunt non peccavimus pro eo quod peccaverunt Domino decori iustitiae et expectationi patrum eorum DominoSelect Jeremiah 50:7

8recedite de medio Babylonis et de terra Chaldeorum egredimini et estote quasi hedi ante gregesSelect Jeremiah 50:8

9quoniam ecce ego suscito et adducam in Babylonem congregationem gentium magnarum de terra aquilonis et praeparabuntur adversum eam et inde capietur sagitta eius quasi viri fortis interfectoris non revertetur vacuaSelect Jeremiah 50:9

10et erit Chaldea in praedam omnes vastantes eam replebuntur ait DominusSelect Jeremiah 50:10

11quoniam exultatis et magna loquimini diripientes hereditatem meam quoniam effusi estis sicut vitulus super herbam et mugistis ut tauriSelect Jeremiah 50:11

12confusa est mater vestra nimis et adaequata pulveri quae genuit vos ecce novissima erit in gentibus deserta invia et arensSelect Jeremiah 50:12

13ab ira Domini non habitabitur sed redigetur tota in solitudinem omnis qui transit per Babylonem stupebit et sibilabit super universis plagis eiusSelect Jeremiah 50:13

14praeparamini contra Babylonem per circuitum omnes qui intenditis arcum debellate eam non parcatis iaculis quia Domino peccavitSelect Jeremiah 50:14

15clamate adversus eam ubique dedit manum ceciderunt fundamenta eius destructi sunt muri eius quoniam ultio Domini est ultionem accipite de ea sicut fecit facite eiSelect Jeremiah 50:15

16disperdite satorem de Babylone et tenentem falcem in tempore messis a facie gladii columbae unusquisque ad populum suum convertetur et singuli ad terram suam fugientSelect Jeremiah 50:16

17grex dispersus Israhel leones eiecerunt eum primus comedit eum rex Assur iste novissimus exossavit eum Nabuchodonosor rex BabylonisSelect Jeremiah 50:17

18propterea haec dicit Dominus exercituum Deus Israhel ecce ego visitabo regem Babylonis et terram eius sicut visitavi regem AssurSelect Jeremiah 50:18

19et reducam Israhel ad habitaculum suum et pascetur Carmelum et Basan et in monte Ephraim et Galaad saturabitur anima eiusSelect Jeremiah 50:19

20in diebus illis et in tempore illo ait Dominus quaeretur iniquitas Israhel et non erit et peccatum Iuda et non invenietur quoniam propitius ero eis quos reliqueroSelect Jeremiah 50:20

21super terram dominantium ascende et super habitatores eius visita dissipa et interfice quae post eos sunt ait Dominus et fac iuxta omnia quae praecepi tibiSelect Jeremiah 50:21

22vox belli in terra et contritio magnaSelect Jeremiah 50:22

23quomodo confractus est et contritus est malleus universae terrae quomodo versa est in desertum Babylon in gentibusSelect Jeremiah 50:23

24inlaqueavi te et capta es Babylon et nesciebas inventa es et adprehensa quoniam Dominum provocastiSelect Jeremiah 50:24

25aperuit Dominus thesaurum suum et protulit vasa irae suae quoniam opus est Domino Deo exercituum in terra ChaldeorumSelect Jeremiah 50:25

26venite ad eam ab extremis finibus aperite ut exeant qui conculcent eam tollite de via lapides et redigite in acervos et interficite eam nec sit quicquam reliquumSelect Jeremiah 50:26

27dissipate universos fortes eius descendant in occisionem vae eis quia venit dies eorum tempus visitationis eorumSelect Jeremiah 50:27

28vox fugientium et eorum qui evaserunt de terra Babylonis ut adnuntient in Sion ultionem Domini Dei nostri ultionem templi eiusSelect Jeremiah 50:28

29adnuntiate in Babylonem plurimis omnibus qui tendunt arcum consistite adversum eam per gyrum et nullus evadat reddite ei secundum opus suum iuxta omnia quae fecit facite illi quia contra Dominum erecta est adversum Sanctum IsrahelSelect Jeremiah 50:29

30idcirco cadent iuvenes eius in plateis eius et omnes viri bellatores eius conticescent in die illa ait DominusSelect Jeremiah 50:30

31ecce ego ad te superbe dicit Dominus Deus exercituum quia venit dies tuus tempus visitationis tuaeSelect Jeremiah 50:31

32et cadet superbus et corruet et non erit qui suscitet eum et succendam ignem in urbibus eius et devorabit omnia in circuitu eiusSelect Jeremiah 50:32

33haec dicit Dominus exercituum calumniam sustinent filii Israhel et filii Iuda simul omnes qui ceperunt eos tenent nolunt dimittere eosSelect Jeremiah 50:33

34redemptor eorum Fortis Dominus exercituum nomen eius iudicio defendet causam eorum ut exterreat terram et commoveat habitatores BabylonisSelect Jeremiah 50:34

35gladius ad Chaldeos ait Dominus et ad habitatores Babylonis et ad principes et ad sapientes eiusSelect Jeremiah 50:35

36gladius ad divinos eius qui stulti erunt gladius ad fortes illius qui timebuntSelect Jeremiah 50:36

37gladius ad equos eius et ad currus eius et ad omne vulgus quod est in medio eius et erunt quasi mulieres gladius ad thesauros eius qui diripienturSelect Jeremiah 50:37

38siccitas super aquas eius erit et arescent quia terra sculptilium est et in portentis glorianturSelect Jeremiah 50:38

39propterea habitabunt dracones cum fatuis ficariis et habitabunt in ea strutiones et non habitabitur ultra usque ad sempiternum nec extruetur usque ad generationem et generationemSelect Jeremiah 50:39

40sicut subvertit Deus Sodomam et Gomorram et vicinas eius ait Dominus non habitabit ibi vir nec incolet eam filius hominisSelect Jeremiah 50:40

41ecce populus venit ab aquilone et gens magna et reges multi consurgent a finibus terraeSelect Jeremiah 50:41

42arcum et scutum adprehendent crudeles sunt et inmisericordes vox eorum quasi mare sonabit et super equos ascendent sicut vir paratus ad proelium contra te filia BabylonSelect Jeremiah 50:42

43audivit rex Babylonis famam eorum et dissolutae sunt manus eius angustia adprehendit eum dolor quasi parturientemSelect Jeremiah 50:43

44ecce quasi leo ascendet de superbia Iordanis ad pulchritudinem robustam quia subito currere eum faciam ad illam et quis erit electus quem praeponam ei quis enim similis mei et quis sustinebit me et quis est iste pastor qui resistat vultui meoSelect Jeremiah 50:44

45propterea audite consilium Domini quod mente concepit adversum Babylonem et cogitationes eius quas cogitavit super terram Chaldeorum nisi detraxerint eos parvuli gregum nisi dissipatum fuerit cum ipsis habitaculum eorumSelect Jeremiah 50:45

46a voce captivitatis Babylonis commota est terra et clamor inter gentes auditus estSelect Jeremiah 50:46