30Job 30

1nunc autem derident me iuniores tempore quorum non dignabar patres ponere cum canibus gregis meiSelect Job 30:1

2quorum virtus manuum erat mihi pro nihilo et vita ipsa putabantur indigniSelect Job 30:2

3egestate et fame steriles qui rodebant in solitudine squalentes calamitate et miseriaSelect Job 30:3

4et mandebant herbas et arborum cortices et radix iuniperorum erat cibus eorumSelect Job 30:4

5qui de convallibus ista rapientes cum singula repperissent ad ea cum clamore currebantSelect Job 30:5

6in desertis habitabant torrentium et in cavernis terrae vel super glareamSelect Job 30:6

7qui inter huiuscemodi laetabantur et esse sub sentibus delicias conputabantSelect Job 30:7

8filii stultorum et ignobilium et in terra penitus non parentesSelect Job 30:8

9nunc in eorum canticum versus sum et factus sum eis proverbiumSelect Job 30:9

10abominantur me et longe fugiunt a me et faciem meam conspuere non verenturSelect Job 30:10

11faretram enim suam aperuit et adflixit me et frenum posuit in os meumSelect Job 30:11

12ad dexteram orientis calamitatis meae ilico surrexerunt pedes meos subverterunt et oppresserunt quasi fluctibus semitis suisSelect Job 30:12

13dissipaverunt itinera mea insidiati sunt mihi et praevaluerunt et non fuit qui ferret auxiliumSelect Job 30:13

14quasi rupto muro et aperta ianua inruerunt super me et ad meas miserias devoluti suntSelect Job 30:14

15redactus sum in nihili abstulisti quasi ventus desiderium meum et velut nubes pertransiit salus meaSelect Job 30:15

16nunc autem in memet ipso marcescit anima mea et possident me dies adflictionisSelect Job 30:16

17nocte os meum perforatur doloribus et qui me comedunt non dormiuntSelect Job 30:17

18in multitudine eorum consumitur vestimentum meum et quasi capitio tunicae sic cinxerunt meSelect Job 30:18

19conparatus sum luto et adsimilatus favillae et cineriSelect Job 30:19

20clamo ad te et non exaudis me sto et non respicis meSelect Job 30:20

21mutatus es mihi in crudelem et in duritia manus tuae adversaris mihiSelect Job 30:21

22elevasti me et quasi super ventum ponens elisisti me valideSelect Job 30:22

23scio quia morti tradas me ubi constituta domus est omni viventiSelect Job 30:23

24verumtamen non ad consumptionem eorum emittis manum tuam et si corruerint ipse salvabisSelect Job 30:24

25flebam quondam super eum qui adflictus erat et conpatiebatur anima mea pauperiSelect Job 30:25

26expectabam bona et venerunt mihi mala praestolabar lucem et eruperunt tenebraeSelect Job 30:26

27interiora mea efferbuerunt absque ulla requie praevenerunt me dies adflictionisSelect Job 30:27

28maerens incedebam sine furore consurgens in turba clamaviSelect Job 30:28

29frater fui draconum et socius strutionumSelect Job 30:29

30cutis mea denigrata est super me et ossa mea aruerunt prae caumateSelect Job 30:30

31versa est in luctum cithara mea et organum meum in vocem flentiumSelect Job 30:31