37Job 37

1super hoc expavit cor meum et emotum est de loco suoSelect Job 37:1

2audite auditionem in terrore vocis eius et sonum de ore illius procedentemSelect Job 37:2

3subter omnes caelos ipse considerat et lumen illius super terminos terraeSelect Job 37:3

4post eum rugiet sonitus tonabit voce magnitudinis suae et non investigabitur cum audita fuerit vox eiusSelect Job 37:4

5tonabit Deus in voce sua mirabiliter qui facit magna et inscrutabiliaSelect Job 37:5

6qui praecipit nivi ut descendat in terram et hiemis pluviis et imbri fortitudinis suaeSelect Job 37:6

7qui in manu omnium hominum signat ut noverint singuli opera suaSelect Job 37:7

8ingredietur bestia latibulum et in antro suo morabiturSelect Job 37:8

9ab interioribus egreditur tempestas et ab Arcturo frigusSelect Job 37:9

10flante Deo concrescit gelu et rursum latissimae funduntur aquaeSelect Job 37:10

11frumentum desiderat nubes et nubes spargunt lumen suumSelect Job 37:11

12quae lustrant per circuitum quocumque eas voluntas gubernantis duxerit ad omne quod praeceperit illis super faciem orbis terrarumSelect Job 37:12

13sive in una tribu sive in terra sua sive in quocumque loco misericordiae suae eas iusserit inveniriSelect Job 37:13

14ausculta haec Iob sta et considera miracula DeiSelect Job 37:14

15numquid scis quando praeceperit Deus pluviis ut ostenderent lucem nubium eiusSelect Job 37:15

16numquid nosti semitas nubium magnas et perfectas scientiasSelect Job 37:16

17nonne vestimenta tua calida sunt cum perflata fuerit terra austroSelect Job 37:17

18tu forsitan cum eo fabricatus es caelos qui solidissimi quasi aere fusi suntSelect Job 37:18

19ostende nobis quid dicamus illi nos quippe involvimur tenebrisSelect Job 37:19

20quis narrabit ei quae loquor etiam si locutus fuerit homo devorabiturSelect Job 37:20

21at nunc non vident lucem subito aer cogitur in nubes et ventus transiens fugabit easSelect Job 37:21

22ab aquilone aurum venit et ad Deum formidolosa laudatioSelect Job 37:22

23digne eum invenire non possumus magnus fortitudine et iudicio et iustitia et enarrari non potestSelect Job 37:23

24ideo timebunt eum viri et non audebunt contemplari omnes qui sibi videntur esse sapientesSelect Job 37:24