38Job 38

1respondens autem Dominus Iob de turbine dixitSelect Job 38:1

2quis est iste involvens sententias sermonibus inperitisSelect Job 38:2

3accinge sicut vir lumbos tuos interrogabo te et responde mihiSelect Job 38:3

4ubi eras quando ponebam fundamenta terrae indica mihi si habes intellegentiamSelect Job 38:4

5quis posuit mensuras eius si nosti vel quis tetendit super eam lineamSelect Job 38:5

6super quo bases illius solidatae sunt aut quis dimisit lapidem angularem eiusSelect Job 38:6

7cum me laudarent simul astra matutina et iubilarent omnes filii DeiSelect Job 38:7

8quis conclusit ostiis mare quando erumpebat quasi de vulva procedensSelect Job 38:8

9cum ponerem nubem vestimentum eius et caligine illud quasi pannis infantiae obvolveremSelect Job 38:9

10circumdedi illud terminis meis et posui vectem et ostiaSelect Job 38:10

11et dixi usque huc venies et non procedes amplius et hic confringes tumentes fluctus tuosSelect Job 38:11

12numquid post ortum tuum praecepisti diluculo et ostendisti aurorae locum suumSelect Job 38:12

13et tenuisti concutiens extrema terrae et excussisti impios ex eaSelect Job 38:13

14restituetur ut lutum signaculum et stabit sicut vestimentumSelect Job 38:14

15auferetur ab impiis lux sua et brachium excelsum confringeturSelect Job 38:15

16numquid ingressus es profunda maris et in novissimis abyssi deambulastiSelect Job 38:16

17numquid apertae tibi sunt portae mortis et ostia tenebrosa vidistiSelect Job 38:17

18numquid considerasti latitudines terrae indica mihi si nosti omniaSelect Job 38:18

19in qua via habitet lux et tenebrarum quis locus sitSelect Job 38:19

20ut ducas unumquodque ad terminos suos et intellegas semitas domus eiusSelect Job 38:20

21sciebas tunc quod nasciturus esses et numerum dierum tuorum noverasSelect Job 38:21

22numquid ingressus es thesauros nivis aut thesauros grandinis aspexistiSelect Job 38:22

23quae praeparavi in tempus hostis in diem pugnae et belliSelect Job 38:23

24per quam viam spargitur lux dividitur aestus super terramSelect Job 38:24

25quis dedit vehementissimo imbri cursum et viam sonantis tonitruiSelect Job 38:25

26ut plueret super terram absque homine in deserto ubi nullus mortalium commoraturSelect Job 38:26

27ut impleret inviam et desolatam et produceret herbas virentesSelect Job 38:27

28quis est pluviae pater vel quis genuit stillas rorisSelect Job 38:28

29de cuius utero egressa est glacies et gelu de caelo quis genuitSelect Job 38:29

30in similitudinem lapidis aquae durantur et superficies abyssi constringiturSelect Job 38:30

31numquid coniungere valebis micantes stellas Pliadis aut gyrum Arcturi poteris dissipareSelect Job 38:31

32numquid producis luciferum in tempore suo et vesperum super filios terrae consurgere facisSelect Job 38:32

33numquid nosti ordinem caeli et pones rationem eius in terraSelect Job 38:33

34numquid elevabis in nebula vocem tuam et impetus aquarum operiet teSelect Job 38:34

35numquid mittes fulgura et ibunt et revertentia dicent tibi adsumusSelect Job 38:35

36quis posuit in visceribus hominis sapientiam vel quis dedit gallo intellegentiamSelect Job 38:36

37quis enarravit caelorum rationem et concentum caeli quis dormire facietSelect Job 38:37

38quando fundebatur pulvis in terram et glebae conpingebanturSelect Job 38:38

39numquid capies leaenae praedam et animam catulorum eius implebisSelect Job 38:39

40quando cubant in antris et in specubus insidianturSelect Job 38:40

41quis praeparat corvo escam suam quando pulli eius ad Deum clamant vagantes eo quod non habeant cibosSelect Job 38:41