22Joshua 22

1eodem tempore vocavit Iosue Rubenitas et Gadditas et dimidiam tribum ManasseSelect Joshua 22:1

2dixitque ad eos fecistis omnia quae vobis praecepit Moses famulus Domini mihi quoque in omnibus oboedistisSelect Joshua 22:2

3nec reliquistis fratres vestros longo tempore usque in praesentem diem custodientes imperium Domini Dei vestriSelect Joshua 22:3

4quia igitur dedit Dominus Deus vester fratribus vestris quietem ac pacem sicut pollicitus est revertimini et ite in tabernacula vestra et in terram possessionis quam tradidit vobis Moses famulus Domini trans IordanemSelect Joshua 22:4

5ita dumtaxat ut custodiatis adtente et opere conpleatis mandatum et legem quam praecepit vobis Moses servus Domini ut diligatis Dominum Deum vestrum et ambuletis in omnibus viis eius et observetis mandata illius adhereatisque ei ac serviatis in omni corde et in omni anima vestraSelect Joshua 22:5

6benedixitque eis Iosue et dimisit eos qui reversi sunt in tabernacula suaSelect Joshua 22:6

7tribui autem Manasse mediae possessionem Moses dederat in Basan et idcirco mediae quae superfuit dedit Iosue sortem inter ceteros fratres suos trans Iordanem ad occidentalem eius plagam cumque dimitteret eos in tabernacula sua et benedixisset illisSelect Joshua 22:7

8dixit ad eos in multa substantia atque divitiis revertimini ad sedes vestras cum argento et auro aere ac ferro et veste multiplici dividite praedam hostium cum fratribus vestrisSelect Joshua 22:8

9reversique sunt et abierunt filii Ruben et filii Gad et dimidia tribus Manasse a filiis Israhel de Silo quae sita est in Chanaan ut intrarent Galaad terram possessionis suae quam obtinuerant iuxta imperium Domini in manu MosiSelect Joshua 22:9

10cumque venissent ad tumulos Iordanis in terra Chanaan aedificaverunt iuxta Iordanem altare infinitae magnitudinisSelect Joshua 22:10

11quod cum audissent filii Israhel et ad eos certi nuntii detulissent aedificasse filios Ruben et Gad et dimidiae tribus Manasse altare in terra Chanaan super Iordanis tumulos contra filios IsrahelSelect Joshua 22:11

12convenerunt omnes in Silo ut ascenderent et dimicarent contra eosSelect Joshua 22:12

13et interim miserunt ad illos in terram Galaad Finees filium Eleazar sacerdotemSelect Joshua 22:13

14et decem principes cum eo singulos de tribubus singulisSelect Joshua 22:14

15qui venerunt ad filios Ruben et Gad et dimidiae tribus Manasse in terram Galaad dixeruntque ad eosSelect Joshua 22:15

16haec mandat omnis populus Domini quae est ista transgressio cur reliquistis Dominum Deum Israhel aedificantes altare sacrilegum et a cultu illius recedentesSelect Joshua 22:16

17an parum vobis est quod peccastis in Beelphegor et usque in praesentem diem macula huius sceleris in nobis permanet multique de populo corrueruntSelect Joshua 22:17

18et vos hodie reliquistis Dominum et cras in universum Israhel eius ira desaevietSelect Joshua 22:18

19quod si putatis inmundam esse terram possessionis vestrae transite ad terram in qua tabernaculum Domini est et habitate inter nos tantum ut a Domino et a nostro consortio non recedatis aedificato altari praeter altare Domini Dei vestriSelect Joshua 22:19

20nonne Achan filius Zare praeteriit mandatum Domini et super omnem populum Israhel ira eius incubuit et ille erat unus homo atque utinam solus perisset in scelere suoSelect Joshua 22:20

21responderuntque filii Ruben et Gad et dimidiae tribus Manasse principibus legationis IsrahelSelect Joshua 22:21

22fortissimus Deus Dominus fortissimus Deus Dominus ipse novit et Israhel simul intelleget si praevaricationis animo hoc altare construximus non custodiat nos sed puniat in praesentiSelect Joshua 22:22

23et si ea mente fecimus ut holocausta et sacrificium et pacificas victimas super eo inponeremus ipse quaerat et iudicetSelect Joshua 22:23

24et non ea magis cogitatione atque tractatu ut diceremus cras dicent filii vestri filiis nostris quid vobis et Domino Deo IsrahelSelect Joshua 22:24

25terminum posuit Dominus inter nos et vos o filii Ruben et filii Gad Iordanem fluvium et idcirco partem non habetis in Domino et per hanc occasionem avertent filii vestri filios nostros a timore Domini putavimus itaque meliusSelect Joshua 22:25

26et diximus extruamus nobis altare non in holocausta neque ad victimas offerendasSelect Joshua 22:26

27sed in testimonium inter nos et vos et subolem nostram vestramque progeniem ut serviamus Domino et iuris nostri sit offerre holocausta et victimas et pacificas hostias et nequaquam dicant cras filii vestri filiis nostris non est vobis pars in DominoSelect Joshua 22:27

28quod si voluerint dicere respondebunt eis ecce altare Domini quod fecerunt patres nostri non in holocausta neque in sacrificium sed in testimonium vestrum ac nostrumSelect Joshua 22:28

29absit a nobis hoc scelus ut recedamus a Domino et eius vestigia relinquamus extructo altari ad holocausta et sacrificia et victimas offerendas praeter altare Domini Dei nostri quod extructum est ante tabernaculum eiusSelect Joshua 22:29

30quibus auditis Finees sacerdos et principes legationis Israhel qui erant cum eo placati sunt et verba filiorum Ruben et Gad et dimidiae tribus Manasse libentissime susceperuntSelect Joshua 22:30

31dixitque Finees filius Eleazari sacerdos ad eos nunc scimus quod nobiscum sit Dominus quoniam alieni estis a praevaricatione hac et liberastis filios Israhel de manu DominiSelect Joshua 22:31

32reversusque est cum principibus a filiis Ruben et Gad de terra Galaad finium Chanaan ad filios Israhel et rettulit eisSelect Joshua 22:32

33placuitque sermo cunctis audientibus et laudaverunt Deum filii Israhel et nequaquam ultra dixerunt ut ascenderent contra eos atque pugnarent et delerent terram possessionis eorumSelect Joshua 22:33

34vocaveruntque filii Ruben et filii Gad altare quod extruxerant Testimonium nostrum quod Dominus ipse sit DeusSelect Joshua 22:34