24Joshua 24

1congregavitque Iosue omnes tribus Israhel in Sychem et vocavit maiores natu ac principes et iudices et magistros steteruntque in conspectu DominiSelect Joshua 24:1

2et ad populum sic locutus est haec dicit Dominus Deus Israhel trans fluvium habitaverunt patres vestri ab initio Thare pater Abraham et Nahor servieruntque diis alienisSelect Joshua 24:2

3tuli ergo patrem vestrum Abraham de Mesopotamiae finibus et adduxi eum in terram Chanaan multiplicavique semen eiusSelect Joshua 24:3

4et dedi ei Isaac illique rursum dedi Iacob et Esau e quibus Esau dedi montem Seir ad possidendum Iacob vero et filii eius descenderunt in AegyptumSelect Joshua 24:4

5misique Mosen et Aaron et percussi Aegyptum multis signis atque portentisSelect Joshua 24:5

6eduxique vos et patres vestros de Aegypto et venistis ad mare persecutique sunt Aegyptii patres vestros cum curribus et equitatu usque ad mare RubrumSelect Joshua 24:6

7clamaverunt autem ad Dominum filii Israhel qui posuit tenebras inter vos et Aegyptios et adduxit super eos mare et operuit illos viderunt oculi vestri cuncta quae in Aegypto fecerim et habitastis in solitudine multo temporeSelect Joshua 24:7

8et introduxi vos ad terram Amorrei qui habitabat trans Iordanem cumque pugnarent contra vos tradidi eos in manus vestras et possedistis terram eorum atque interfecistis illosSelect Joshua 24:8

9surrexit autem Balac filius Sepphor rex Moab et pugnavit contra Israhelem misitque et vocavit Balaam filium Beor ut malediceret vobisSelect Joshua 24:9

10et ego nolui audire eum sed e contrario per illum benedixi vobis et liberavi vos de manu eiusSelect Joshua 24:10

11transistisque Iordanem et venistis ad Hiericho pugnaveruntque contra vos viri civitatis eius Amorreus et Ferezeus et Chananeus et Hettheus et Gergeseus et Eveus et Iebuseus et tradidi illos in manus vestrasSelect Joshua 24:11

12misique ante vos crabrones et eieci eos de locis suis duos reges Amorreorum non in gladio et arcu tuoSelect Joshua 24:12

13dedique vobis terram in qua non laborastis et urbes quas non aedificastis ut habitaretis in eis vineas et oliveta quae non plantastisSelect Joshua 24:13

14nunc ergo timete Dominum et servite ei perfecto corde atque verissimo et auferte deos quibus servierunt patres vestri in Mesopotamia et in Aegypto ac servite DominoSelect Joshua 24:14

15sin autem malum vobis videtur ut Domino serviatis optio vobis datur eligite hodie quod placet cui potissimum servire debeatis utrum diis quibus servierunt patres vestri in Mesopotamia an diis Amorreorum in quorum terra habitatis ego autem et domus mea serviemus DominoSelect Joshua 24:15

16responditque populus et ait absit a nobis ut relinquamus Dominum et serviamus diis alienisSelect Joshua 24:16

17Dominus Deus noster ipse eduxit nos et patres nostros de terra Aegypti de domo servitutis fecitque videntibus nobis signa ingentia et custodivit nos in omni via per quam ambulavimus et in cunctis populis per quos transivimusSelect Joshua 24:17

18et eiecit universas gentes Amorreum habitatorem terrae quam nos intravimus serviemus igitur Domino quia ipse est Deus nosterSelect Joshua 24:18

19dixitque Iosue ad populum non poteritis servire Domino Deus enim sanctus et fortis aemulator est nec ignoscet sceleribus vestris atque peccatisSelect Joshua 24:19

20si dimiseritis Dominum et servieritis diis alienis convertet se et adfliget vos atque subvertet postquam vobis praestiterit bonaSelect Joshua 24:20

21dixitque populus ad Iosue nequaquam ita ut loqueris erit sed Domino serviemusSelect Joshua 24:21

22et Iosue ad populum testes inquit vos estis quia ipsi elegeritis vobis Dominum ut serviatis ei responderuntque testesSelect Joshua 24:22

23nunc ergo ait auferte deos alienos de medio vestrum et inclinate corda vestra ad Dominum Deum IsrahelSelect Joshua 24:23

24dixitque populus ad Iosue Domino Deo nostro serviemus oboedientes praeceptis eiusSelect Joshua 24:24

25percussit igitur Iosue in die illo foedus et proposuit populo praecepta atque iudicia in SychemSelect Joshua 24:25

26scripsitque omnia verba haec in volumine legis Dei et tulit lapidem pergrandem posuitque eum subter quercum quae erat in sanctuario DominiSelect Joshua 24:26

27et dixit ad omnem populum en lapis iste erit vobis in testimonium quod audierit omnia verba Domini quae locutus est vobis ne forte postea negare velitis et mentiri Domino Deo vestroSelect Joshua 24:27

28dimisitque populum singulos in possessionem suamSelect Joshua 24:28

29et post haec mortuus est Iosue filius Nun servus Domini centum decem annorumSelect Joshua 24:29

30sepelieruntque eum in finibus possessionis suae in Thamnathsare quae sita est in monte Ephraim a septentrionali parte montis GaasSelect Joshua 24:30

31servivitque Israhel Domino cunctis diebus Iosue et seniorum qui longo vixerunt tempore post Iosue et qui noverant omnia opera Domini quae fecerat in IsrahelSelect Joshua 24:31

32ossa quoque Ioseph quae tulerant filii Israhel de Aegypto sepelierunt in Sychem in parte agri quem emerat Iacob a filiis Emmor patris Sychem centum novellis ovibus et fuit in possessione filiorum IosephSelect Joshua 24:32

33Eleazar quoque filius Aaron mortuus est et sepelierunt eum in Gaab Finees filii eius quae data est ei in monte Ephraim EXPLICIT LIBER IOSUE BENNUN ID EST IESU NAVESelect Joshua 24:33