27Leviticus 27

1locutusque est Dominus ad Mosen dicensSelect Leviticus 27:1

2loquere filiis Israhel et dices ad eos homo qui votum fecerit et spoponderit Deo animam suam sub aestimatione dabit pretiumSelect Leviticus 27:2

3si fuerit masculus a vicesimo usque ad sexagesimum annum dabit quinquaginta siclos argenti ad mensuram sanctuariiSelect Leviticus 27:3

4si mulier trigintaSelect Leviticus 27:4

5a quinto autem anno usque ad vicesimum masculus dabit viginti siclos femina decemSelect Leviticus 27:5

6ab uno mense usque ad annum quintum pro masculo dabuntur quinque sicli pro femina tresSelect Leviticus 27:6

7sexagenarius et ultra masculus dabit quindecim siclos femina decemSelect Leviticus 27:7

8si pauper fuerit et aestimationem reddere non valebit stabit coram sacerdote et quantum ille aestimaverit et viderit eum posse reddere tantum dabitSelect Leviticus 27:8

9animal autem quod immolari potest Domino si quis voverit sanctum eritSelect Leviticus 27:9

10et mutari non poterit id est nec melius malo nec peius bono quod si mutaverit et ipsum quod mutatum est et illud pro quo mutatum est consecratum erit DominoSelect Leviticus 27:10

11animal inmundum quod immolari Domino non potest si quis voverit adducetur ante sacerdotemSelect Leviticus 27:11

12qui diiudicans utrum bonum an malum sit statuet pretiumSelect Leviticus 27:12

13quod si dare voluerit is qui offert addet supra aestimationis quintam partemSelect Leviticus 27:13

14homo si voverit domum suam et sanctificaverit Domino considerabit eam sacerdos utrum bona an mala sit et iuxta pretium quod ab eo fuerit constitutum venundabiturSelect Leviticus 27:14

15sin autem ille qui voverat voluerit redimere eam dabit quintam partem aestimationis supra et habebit domumSelect Leviticus 27:15

16quod si agrum possessionis suae voverit et consecraverit Domino iuxta mensuram sementis aestimabitur pretium si triginta modiis hordei seritur terra quinquaginta siclis veniet argentiSelect Leviticus 27:16

17si statim ab anno incipientis iobelei voverit agrum quanto valere potest tanto aestimabiturSelect Leviticus 27:17

18sin autem post aliquantum temporis supputabit sacerdos pecuniam iuxta annorum qui reliqui sunt numerum usque ad iobeleum et detrahetur ex pretioSelect Leviticus 27:18

19quod si voluerit redimere agrum ille qui voverat addet quintam partem aestimatae pecuniae et possidebit eumSelect Leviticus 27:19

20sin autem noluerit redimere sed alteri cuilibet fuerit venundatus ultra eum qui voverat redimere non poteritSelect Leviticus 27:20

21quia cum iobelei venerit dies sanctificatus erit Domino et possessio consecrata ad ius pertinet sacerdotumSelect Leviticus 27:21

22si ager emptus et non de possessione maiorum sanctificatus fuerit DominoSelect Leviticus 27:22

23supputabit sacerdos iuxta annorum numerum usque ad iobeleum pretium et dabit ille qui voverat eum DominoSelect Leviticus 27:23

24in iobeleo autem revertetur ad priorem dominum qui vendiderat eum et habuerat in sortem possessionis suaeSelect Leviticus 27:24

25omnis aestimatio siclo sanctuarii ponderabitur siclus viginti obolos habetSelect Leviticus 27:25

26primogenita quae ad Dominum pertinent nemo sanctificare poterit et vovere sive bos sive ovis fuerit Domini suntSelect Leviticus 27:26

27quod si inmundum est animal redimet qui obtulit iuxta aestimationem tuam et addet quintam partem pretii si redimere noluerit vendetur alteri quantocumque a te fuerit aestimatumSelect Leviticus 27:27

28omne quod Domino consecratur sive homo fuerit sive animal sive ager non veniet nec redimi poterit quicquid semel fuerit consecratum sanctum sanctorum erit DominoSelect Leviticus 27:28

29et omnis consecratio quae offertur ab homine non redimetur sed morte morieturSelect Leviticus 27:29

30omnes decimae terrae sive de frugibus sive de pomis arborum Domini sunt et illi sanctificanturSelect Leviticus 27:30

31si quis autem voluerit redimere decimas suas addet quintam partem earumSelect Leviticus 27:31

32omnium decimarum boves et oves et caprae quae sub pastoris virga transeunt quicquid decimum venerit sanctificabitur DominoSelect Leviticus 27:32

33non eligetur nec bonum nec malum nec altero commutabitur si quis mutaverit et quod mutatum est et pro quo mutatum est sanctificabitur Domino et non redimeturSelect Leviticus 27:33

34haec sunt praecepta quae mandavit Dominus Mosi ad filios Israhel in monte Sinai EXPLICIT LIBER VAIECRA ID EST LEVITICUSSelect Leviticus 27:34