10Mark 10

1Et inde exsurgens venit in fines Iudaeae ultra Iordanen et conveniunt iterum turbae ad eum et sicut consueverat iterum docebat illosSelect Mark 10:1

2et accedentes Pharisaei interrogabant eum si licet viro uxorem dimittere temptantes eumSelect Mark 10:2

3at ille respondens dixit eis quid vobis praecepit MosesSelect Mark 10:3

4qui dixerunt Moses permisit libellum repudii scribere et dimittereSelect Mark 10:4

5quibus respondens Iesus ait ad duritiam cordis vestri scripsit vobis praeceptum istudSelect Mark 10:5

6ab initio autem creaturae masculum et feminam fecit eos DeusSelect Mark 10:6

7propter hoc relinquet homo patrem suum et matrem et adherebit ad uxorem suamSelect Mark 10:7

8et erunt duo in carne una itaque iam non sunt duo sed una caroSelect Mark 10:8

9quod ergo Deus iunxit homo non separetSelect Mark 10:9

10Et in domo iterum discipuli eius de eodem interrogaverunt eumSelect Mark 10:10

11Et dicit illis quicumque dimiserit uxorem suam et aliam duxerit adulterium committit super eamSelect Mark 10:11

12et si uxor dimiserit virum suum et alii nupserit moechaturSelect Mark 10:12

13Et offerebant illi parvulos ut tangeret illos discipuli autem comminabantur offerentibusSelect Mark 10:13

14quos cum videret Iesus indigne tulit et ait illis sinite parvulos venire ad me et ne prohibueritis eos talium est enim regnum DeiSelect Mark 10:14

15amen dico vobis quisque non receperit regnum Dei velut parvulus non intrabit in illudSelect Mark 10:15

16et conplexans eos et inponens manus super illos benedicebat eosSelect Mark 10:16

17Et cum egressus esset in viam procurrens quidam genu flexo ante eum rogabat eum magister bone quid faciam ut vitam aeternam percipiamSelect Mark 10:17

18Iesus autem dixit ei quid me dicis bonum nemo bonus nisi unus DeusSelect Mark 10:18

19praecepta nosti ne adulteres ne occidas ne fureris ne falsum testimonium dixeris ne fraudem feceris honora patrem tuum et matremSelect Mark 10:19

20et ille respondens ait illi magister omnia haec conservavi a iuventute meaSelect Mark 10:20

21Iesus autem intuitus eum dilexit eum et dixit illi unum tibi deest vade quaecumque habes vende et da pauperibus et habebis thesaurum in caelo et veni sequere meSelect Mark 10:21

22Qui contristatus in verbo abiit maerens erat enim habens possessiones multasSelect Mark 10:22

23et circumspiciens Iesus ait discipulis suis quam difficile qui pecunias habent in regnum Dei introibuntSelect Mark 10:23

24discipuli autem obstupescebant in verbis eius at Iesus rursus respondens ait illis filioli quam difficile est confidentes in pecuniis regnum Dei introireSelect Mark 10:24

25facilius est camelum per foramen acus transire quam divitem intrare in regnum DeiSelect Mark 10:25

26qui magis admirabantur dicentes ad semet ipsos et quis potest salvus fieriSelect Mark 10:26

27et intuens illos Iesus ait apud homines inpossibile est sed non apud Deum omnia enim possibilia sunt apud DeumSelect Mark 10:27

28coepit Petrus ei dicere ecce nos dimisimus omnia et secuti sumus teSelect Mark 10:28

29Respondens Iesus ait amen dico vobis nemo est qui reliquerit domum aut fratres aut sorores aut matrem aut patrem aut filios aut agros propter me et propter evangeliumSelect Mark 10:29

30qui non accipiat centies tantum nunc in tempore hoc domos et fratres et sorores et matres et filios et agros cum persecutionibus et in saeculo futuro vitam aeternamSelect Mark 10:30

31Multi autem erunt primi novissimi et novissimi primiSelect Mark 10:31

32Erant autem in via ascendentes in Hierosolyma et praecedebat illos Iesus et stupebant et sequentes timebant et adsumens iterum duodecim coepit illis dicere quae essent ei venturaSelect Mark 10:32

33quia ecce ascendimus in Hierosolyma et Filius hominis tradetur principibus sacerdotum et scribis et senioribus et damnabunt eum morti et tradent eum gentibusSelect Mark 10:33

34et inludent ei et conspuent eum et flagellabunt eum et interficient eum et tertia die resurgetSelect Mark 10:34

35Et accedunt ad illum Iacobus et Iohannes filii Zebedaei dicentes magister volumus ut quodcumque petierimus facias nobisSelect Mark 10:35

36at ille dixit eis quid vultis ut faciam vobisSelect Mark 10:36

37et dixerunt da nobis ut unus ad dexteram tuam et alius ad sinistram tuam sedeamus in gloria tuaSelect Mark 10:37

38Iesus autem ait eis nescitis quid petatis potestis bibere calicem quem ego bibo aut baptismum quo ego baptizor baptizariSelect Mark 10:38

39at illi dixerunt ei possumus Iesus autem ait eis calicem quidem quem ego bibo bibetis et baptismum quo ego baptizor baptizabiminiSelect Mark 10:39

40sedere autem ad dexteram meam vel ad sinistram non est meum dare sed quibus paratum estSelect Mark 10:40

41Et audientes decem coeperunt indignari de Iacobo et IohanneSelect Mark 10:41

42Iesus autem vocans eos ait illis scitis quia hii qui videntur principari gentibus dominantur eis et principes eorum potestatem habent ipsorumSelect Mark 10:42

43non ita est autem in vobis sed quicumque voluerit fieri maior erit vester ministerSelect Mark 10:43

44et quicumque voluerit in vobis primus esse erit omnium servusSelect Mark 10:44

45Nam et Filius hominis non venit ut ministraretur ei sed ut ministraret et daret animam suam redemptionem pro multisSelect Mark 10:45

46Et veniunt Hierichum et proficiscente eo de Hiericho et discipulis eius et plurima multitudine filius Timei Bartimeus caecus sedebat iuxta viam mendicansSelect Mark 10:46

47qui cum audisset quia Iesus Nazarenus est coepit clamare et dicere Fili David Iesu miserere meiSelect Mark 10:47

48et comminabantur illi multi ut taceret at ille multo magis clamabat Fili David miserere meiSelect Mark 10:48

49et stans Iesus praecepit illum vocari et vocant caecum dicentes ei animaequior esto surge vocat teSelect Mark 10:49

50qui proiecto vestimento suo exiliens venit ad eumSelect Mark 10:50

51et respondens illi Iesus dixit quid vis tibi faciam caecus autem dixit ei rabboni ut videamSelect Mark 10:51

52Iesus autem ait illi vade fides tua te salvum fecit et confestim vidit et sequebatur eum in viaSelect Mark 10:52