2Mark 2

1Et iterum intravit Capharnaum post diesSelect Mark 2:1

2et auditum est quod in domo esset et convenerunt multi ita ut non caperet neque ad ianuam et loquebatur eis verbumSelect Mark 2:2

3et venerunt ferentes ad eum paralyticum qui a quattuor portabaturSelect Mark 2:3

4et cum non possent offerre eum illi prae turba nudaverunt tectum ubi erat et patefacientes submiserunt grabattum in quo paralyticus iacebatSelect Mark 2:4

5cum vidisset autem Iesus fidem illorum ait paralytico fili dimittuntur tibi peccataSelect Mark 2:5

6erant autem illic quidam de scribis sedentes et cogitantes in cordibus suisSelect Mark 2:6

7quid hic sic loquitur blasphemat quis potest dimittere peccata nisi solus DeusSelect Mark 2:7

8quo statim cognito Iesus spiritu suo quia sic cogitarent intra se dicit illis quid ista cogitatis in cordibus vestrisSelect Mark 2:8

9quid est facilius dicere paralytico dimittuntur tibi peccata an dicere surge et tolle grabattum tuum et ambulaSelect Mark 2:9

10ut autem sciatis quia potestatem habet Filius hominis in terra dimittendi peccata ait paralyticoSelect Mark 2:10

11tibi dico surge tolle grabattum tuum et vade in domum tuamSelect Mark 2:11

12et statim ille surrexit et sublato grabatto abiit coram omnibus ita ut admirarentur omnes et honorificarent Deum dicentes quia numquam sic vidimusSelect Mark 2:12

13Et egressus est rursus ad mare omnisque turba veniebat ad eum et docebat eosSelect Mark 2:13

14et cum praeteriret vidit Levin Alphei sedentem ad teloneum et ait illi sequere me et surgens secutus est eumSelect Mark 2:14

15Et factum est cum accumberet in domo illius multi publicani et peccatores simul discumbebant cum Iesu et discipulis eius erant enim multi qui et sequebantur eumSelect Mark 2:15

16et scribae et Pharisaei videntes quia manducaret cum peccatoribus et publicanis dicebant discipulis eius quare cum publicanis et peccatoribus manducat et bibit magister vesterSelect Mark 2:16

17Hoc audito Iesus ait illis non necesse habent sani medicum sed qui male habent non enim veni vocare iustos sed peccatoresSelect Mark 2:17

18et erant discipuli Iohannis et Pharisaei ieiunantes et veniunt et dicunt illi cur discipuli Iohannis et Pharisaeorum ieiunant tui autem discipuli non ieiunantSelect Mark 2:18

19et ait illis Iesus numquid possunt filii nuptiarum quamdiu sponsus cum illis est ieiunare quanto tempore habent secum sponsum non possunt ieiunareSelect Mark 2:19

20venient autem dies cum auferetur ab eis sponsus et tunc ieiunabunt in illa dieSelect Mark 2:20

21nemo adsumentum panni rudis adsuit vestimento veteri alioquin aufert supplementum novum a veteri et maior scissura fitSelect Mark 2:21

22et nemo mittit vinum novellum in utres veteres alioquin disrumpet vinum utres et vinum effunditur et utres peribunt sed vinum novum in utres novos mitti debetSelect Mark 2:22

23Et factum est iterum cum sabbatis ambularet per sata et discipuli eius coeperunt praegredi et vellere spicasSelect Mark 2:23

24Pharisaei autem dicebant ei ecce quid faciunt sabbatis quod non licetSelect Mark 2:24

25et ait illis numquam legistis quid fecerit David quando necessitatem habuit et esuriit ipse et qui cum eo erantSelect Mark 2:25

26quomodo introiit in domum Dei sub Abiathar principe sacerdotum et panes propositionis manducavit quos non licet manducare nisi sacerdotibus et dedit eis qui cum eo erantSelect Mark 2:26

27Et dicebat eis sabbatum propter hominem factum est et non homo propter sabbatumSelect Mark 2:27

28itaque dominus est Filius hominis etiam sabbatiSelect Mark 2:28