4Mark 4

1Et iterum coepit docere ad mare et congregata est ad eum turba multa ita ut in navem ascendens sederet in mari et omnis turba circa mare super terram eratSelect Mark 4:1

2et docebat eos in parabolis multa et dicebat illis in doctrina suaSelect Mark 4:2

3audite ecce exiit seminans ad seminandumSelect Mark 4:3

4et dum seminat aliud cecidit circa viam et venerunt volucres et comederunt illudSelect Mark 4:4

5aliud vero cecidit super petrosa ubi non habuit terram multam et statim exortum est quoniam non habebat altitudinem terraeSelect Mark 4:5

6et quando exortus est sol exaestuavit et eo quod non haberet radicem exaruitSelect Mark 4:6

7et aliud cecidit in spinas et ascenderunt spinae et offocaverunt illud et fructum non deditSelect Mark 4:7

8et aliud cecidit in terram bonam et dabat fructum ascendentem et crescentem et adferebat unum triginta et unum sexaginta et unum centumSelect Mark 4:8

9et dicebat qui habet aures audiendi audiatSelect Mark 4:9

10et cum esset singularis interrogaverunt eum hii qui cum eo erant cum duodecim parabolasSelect Mark 4:10

11et dicebat eis vobis datum est mysterium regni Dei Illis autem qui foris sunt in parabolis omnia fiuntSelect Mark 4:11

12ut videntes videant et non videant et audientes audiant et non intellegant nequando convertantur et dimittantur eis peccataSelect Mark 4:12

13et ait illis nescitis parabolam hanc et quomodo omnes parabolas cognoscetisSelect Mark 4:13

14Qui seminat verbum seminatSelect Mark 4:14

15hii autem sunt qui circa viam ubi seminatur verbum et cum audierint confestim venit Satanas et aufert verbum quod seminatum est in corda eorumSelect Mark 4:15

16et hii sunt similiter qui super petrosa seminantur qui cum audierint verbum statim cum gaudio accipiunt illudSelect Mark 4:16

17et non habent radicem in se sed temporales sunt deinde orta tribulatione et persecutione propter verbum confestim scandalizanturSelect Mark 4:17

18et alii sunt qui in spinis seminantur hii sunt qui verbum audiuntSelect Mark 4:18

19et aerumnae saeculi et deceptio divitiarum et circa reliqua concupiscentiae introeuntes suffocant verbum et sine fructu efficiturSelect Mark 4:19

20et hii sunt qui super terram bonam seminati sunt qui audiunt verbum et suscipiunt et fructificant unum triginta et unum sexaginta et unum centumSelect Mark 4:20

21Et dicebat illis numquid venit lucerna ut sub modio ponatur aut sub lecto nonne ut super candelabrum ponaturSelect Mark 4:21

22Non enim est aliquid absconditum quod non manifestetur nec factum est occultum sed ut in palam veniatSelect Mark 4:22

23si quis habet aures audiendi audiatSelect Mark 4:23

24Et dicebat illis videte quid audiatis in qua mensura mensi fueritis remetietur vobis et adicietur vobisSelect Mark 4:24

25Qui enim habet dabitur illi et qui non habet etiam quod habet auferetur ab illoSelect Mark 4:25

26Et dicebat sic est regnum Dei quemadmodum si homo iaciat sementem in terramSelect Mark 4:26

27et dormiat et exsurgat nocte ac die et semen germinet et increscat dum nescit illeSelect Mark 4:27

28ultro enim terra fructificat primum herbam deinde spicam deinde plenum frumentum in spicaSelect Mark 4:28

29et cum se produxerit fructus statim mittit falcem quoniam adest messisSelect Mark 4:29

30Et dicebat cui adsimilabimus regnum Dei aut cui parabolae conparabimus illudSelect Mark 4:30

31sicut granum sinapis quod cum seminatum fuerit in terra minus est omnibus seminibus quae sunt in terraSelect Mark 4:31

32et cum seminatum fuerit ascendit et fit maius omnibus holeribus et facit ramos magnos ita ut possint sub umbra eius aves caeli habitareSelect Mark 4:32

33Et talibus multis parabolis loquebatur eis verbum prout poterant audireSelect Mark 4:33

34sine parabola autem non loquebatur eis Seorsum autem discipulis suis disserebat omniaSelect Mark 4:34

35Et ait illis illa die cum sero esset factum transeamus contraSelect Mark 4:35

36et dimittentes turbam adsumunt eum ita ut erat in navi et aliae naves erant cum illoSelect Mark 4:36

37et facta est procella magna venti et fluctus mittebat in navem ita ut impleretur navisSelect Mark 4:37

38et erat ipse in puppi supra cervical dormiens et excitant eum et dicunt ei magister non ad te pertinet quia perimusSelect Mark 4:38

39et exsurgens comminatus est vento et dixit mari tace obmutesce et cessavit ventus et facta est tranquillitas magnaSelect Mark 4:39

40et ait illis quid timidi estis necdum habetis fidem et timuerunt magno timore et dicebant ad alterutrum quis putas est iste quia et ventus et mare oboediunt eiSelect Mark 4:40