1Proverbs 1

1Parabolae Salomonis filii David regis IsrahelSelect Proverbs 1:1

2ad sciendam sapientiam et disciplinamSelect Proverbs 1:2

3ad intellegenda verba prudentiae et suscipiendam eruditionem doctrinae iustitiam et iudicium et aequitatemSelect Proverbs 1:3

4ut detur parvulis astutia adulescenti scientia et intellectusSelect Proverbs 1:4

5audiens sapiens sapientior erit et intellegens gubernacula possidebitSelect Proverbs 1:5

6animadvertet parabolam et interpretationem verba sapientium et enigmata eorumSelect Proverbs 1:6

7timor Domini principium scientiae sapientiam atque doctrinam stulti despiciuntSelect Proverbs 1:7

8audi fili mi disciplinam patris tui et ne dimittas legem matris tuaeSelect Proverbs 1:8

9ut addatur gratia capiti tuo et torques collo tuoSelect Proverbs 1:9

10fili mi si te lactaverint peccatores ne adquiescasSelect Proverbs 1:10

11si dixerint veni nobiscum insidiemur sanguini abscondamus tendiculas contra insontem frustraSelect Proverbs 1:11

12degluttiamus eum sicut infernus viventem et integrum quasi descendentem in lacumSelect Proverbs 1:12

13omnem pretiosam substantiam repperiemus implebimus domos nostras spoliisSelect Proverbs 1:13

14sortem mitte nobiscum marsuppium unum sit omnium nostrumSelect Proverbs 1:14

15fili mi ne ambules cum eis prohibe pedem tuum a semitis eorumSelect Proverbs 1:15

16pedes enim illorum ad malum currunt et festinant ut effundant sanguinemSelect Proverbs 1:16

17frustra autem iacitur rete ante oculos pinnatorumSelect Proverbs 1:17

18ipsique contra sanguinem suum insidiantur et moliuntur fraudes contra animas suasSelect Proverbs 1:18

19sic semitae omnis avari animas possidentium rapiuntSelect Proverbs 1:19

20sapientia foris praedicat in plateis dat vocem suamSelect Proverbs 1:20

21in capite turbarum clamitat in foribus portarum urbis profert verba sua dicensSelect Proverbs 1:21

22usquequo parvuli diligitis infantiam et stulti ea quae sibi sunt noxia cupiunt et inprudentes odibunt scientiamSelect Proverbs 1:22

23convertimini ad correptionem meam en proferam vobis spiritum meum et ostendam verba meaSelect Proverbs 1:23

24quia vocavi et rennuistis extendi manum meam et non fuit qui aspiceretSelect Proverbs 1:24

25despexistis omne consilium meum et increpationes meas neglexistisSelect Proverbs 1:25

26ego quoque in interitu vestro ridebo et subsannabo cum vobis quod timebatis adveneritSelect Proverbs 1:26

27cum inruerit repentina calamitas et interitus quasi tempestas ingruerit quando venerit super vos tribulatio et angustiaSelect Proverbs 1:27

28tunc invocabunt me et non exaudiam mane consurgent et non invenient meSelect Proverbs 1:28

29eo quod exosam habuerint disciplinam et timorem Domini non susceperintSelect Proverbs 1:29

30nec adquieverint consilio meo et detraxerint universae correptioni meaeSelect Proverbs 1:30

31comedent igitur fructus viae suae suisque consiliis saturabunturSelect Proverbs 1:31

32aversio parvulorum interficiet eos et prosperitas stultorum perdet illosSelect Proverbs 1:32

33qui autem me audierit absque terrore requiescet et abundantia perfruetur malorum timore sublatoSelect Proverbs 1:33