11Proverbs 11

1statera dolosa abominatio apud Dominum et pondus aequum voluntas eiusSelect Proverbs 11:1

2ubi fuerit superbia ibi erit et contumelia ubi autem humilitas ibi et sapientiaSelect Proverbs 11:2

3simplicitas iustorum diriget eos et subplantatio perversorum vastabit illosSelect Proverbs 11:3

4non proderunt divitiae in die ultionis iustitia autem liberabit a morteSelect Proverbs 11:4

5iustitia simplicis diriget viam eius et in impietate sua corruet impiusSelect Proverbs 11:5

6iustitia rectorum liberabit eos et in insidiis suis capientur iniquiSelect Proverbs 11:6

7mortuo homine impio nulla erit ultra spes et expectatio sollicitorum peribitSelect Proverbs 11:7

8iustus de angustia liberatus est et tradetur impius pro eoSelect Proverbs 11:8

9simulator ore decipit amicum suum iusti autem liberabuntur scientiaSelect Proverbs 11:9

10in bonis iustorum exultabit civitas et in perditione impiorum erit laudatioSelect Proverbs 11:10

11benedictione iustorum exaltabitur civitas et ore impiorum subverteturSelect Proverbs 11:11

12qui despicit amicum suum indigens corde est vir autem prudens tacebitSelect Proverbs 11:12

13qui ambulat fraudulenter revelat arcana qui autem fidelis est animi celat commissumSelect Proverbs 11:13

14ubi non est gubernator populus corruet salus autem ubi multa consiliaSelect Proverbs 11:14

15adfligetur malo qui fidem facit pro extraneo qui autem cavet laqueos securus eritSelect Proverbs 11:15

16mulier gratiosa inveniet gloriam et robusti habebunt divitiasSelect Proverbs 11:16

17benefacit animae suae vir misericors qui autem crudelis est et propinquos abicitSelect Proverbs 11:17

18impius facit opus instabile seminanti autem iustitiam merces fidelisSelect Proverbs 11:18

19clementia praeparat vitam et sectatio malorum mortemSelect Proverbs 11:19

20abominabile Domino pravum cor et voluntas eius in his qui simpliciter ambulantSelect Proverbs 11:20

21manus in manu non erit innocens malus semen autem iustorum salvabiturSelect Proverbs 11:21

22circulus aureus in naribus suis mulier pulchra et fatuaSelect Proverbs 11:22

23desiderium iustorum omne bonum est praestolatio impiorum furorSelect Proverbs 11:23

24alii dividunt propria et ditiores fiunt alii rapiunt non sua et semper in egestate suntSelect Proverbs 11:24

25anima quae benedicit inpinguabitur et qui inebriat ipse quoque inebriabiturSelect Proverbs 11:25

26qui abscondit frumenta maledicetur in populis benedictio autem super caput vendentiumSelect Proverbs 11:26

27bene consurgit diluculo qui quaerit bona qui autem investigator malorum est opprimetur ab eisSelect Proverbs 11:27

28qui confidet in divitiis suis corruet iusti autem quasi virens folium germinabuntSelect Proverbs 11:28

29qui conturbat domum suam possidebit ventos et qui stultus est serviet sapientiSelect Proverbs 11:29

30fructus iusti lignum vitae et qui suscipit animas sapiens estSelect Proverbs 11:30

31si iustus in terra recipit quanto magis impius et peccatorSelect Proverbs 11:31