27Proverbs 27

1ne glorieris in crastinum ignorans quid superventura pariat diesSelect Proverbs 27:1

2laudet te alienus et non os tuum extraneus et non labia tuaSelect Proverbs 27:2

3grave est saxum et onerosa harena sed ira stulti utroque graviorSelect Proverbs 27:3

4ira non habet misericordiam nec erumpens furor et impetum concitati ferre quis poteritSelect Proverbs 27:4

5melior est manifesta correptio quam amor absconditusSelect Proverbs 27:5

6meliora sunt vulnera diligentis quam fraudulenta odientis osculaSelect Proverbs 27:6

7anima saturata calcabit favum anima esuriens et amarum pro dulce sumetSelect Proverbs 27:7

8sicut avis transmigrans de nido suo sic vir qui relinquit locum suumSelect Proverbs 27:8

9unguento et variis odoribus delectatur cor et bonis amici consiliis anima dulcoraturSelect Proverbs 27:9

10amicum tuum et amicum patris tui ne dimiseris et domum fratris tui ne ingrediaris in die adflictionis tuae melior est vicinus iuxta quam frater proculSelect Proverbs 27:10

11stude sapientiae fili mi et laetifica cor meum ut possim exprobranti respondere sermonemSelect Proverbs 27:11

12astutus videns malum absconditus est parvuli transeuntes sustinuere dispendiaSelect Proverbs 27:12

13tolle vestimentum eius qui spopondit pro extraneo et pro alienis auferto pignusSelect Proverbs 27:13

14qui benedicit proximo suo voce grandi de nocte consurgens maledicenti similis eritSelect Proverbs 27:14

15tecta perstillantia in die frigoris et litigiosa mulier conparanturSelect Proverbs 27:15

16qui retinet eam quasi qui ventum teneat et oleum dexterae suae vocabitSelect Proverbs 27:16

17ferrum ferro acuitur et homo exacuit faciem amici suiSelect Proverbs 27:17

18qui servat ficum comedet fructus eius et qui custos est domini sui glorificabiturSelect Proverbs 27:18

19quomodo in aquis resplendent vultus prospicientium sic corda hominum manifesta sunt prudentibusSelect Proverbs 27:19

20infernus et perditio non replentur similiter et oculi hominum insatiabilesSelect Proverbs 27:20

21quomodo probatur in conflatorio argentum et in fornace aurum sic probatur homo ore laudantisSelect Proverbs 27:21

22si contuderis stultum in pila quasi tisanas feriente desuper pilo non auferetur ab eo stultitia eiusSelect Proverbs 27:22

23diligenter agnosce vultum pecoris tui tuosque greges consideraSelect Proverbs 27:23

24non enim habebis iugiter potestatem sed corona tribuetur in generatione generationumSelect Proverbs 27:24

25aperta sunt prata et apparuerunt herbae virentes et collecta sunt faena de montibusSelect Proverbs 27:25

26agni ad vestimentum tuum et hedi agri pretiumSelect Proverbs 27:26

27sufficiat tibi lac caprarum in cibos tuos in necessaria domus tuae et ad victum ancillis tuisSelect Proverbs 27:27