8Proverbs 8

1numquid non sapientia clamitat et prudentia dat vocem suamSelect Proverbs 8:1

2in summis excelsisque verticibus super viam in mediis semitis stansSelect Proverbs 8:2

3iuxta portas civitatis in ipsis foribus loquitur dicensSelect Proverbs 8:3

4o viri ad vos clamito et vox mea ad filios hominumSelect Proverbs 8:4

5intellegite parvuli astutiam et insipientes animadvertiteSelect Proverbs 8:5

6audite quoniam de rebus magnis locutura sum et aperientur labia mea ut recta praedicentSelect Proverbs 8:6

7veritatem meditabitur guttur meum et labia mea detestabuntur impiumSelect Proverbs 8:7

8iusti sunt omnes sermones mei non est in eis pravum quid neque perversumSelect Proverbs 8:8

9recti sunt intellegentibus et aequi invenientibus scientiamSelect Proverbs 8:9

10accipite disciplinam meam et non pecuniam doctrinam magis quam aurum eligiteSelect Proverbs 8:10

11melior est enim sapientia cunctis pretiosissimis et omne desiderabile ei non potest conparariSelect Proverbs 8:11

12ego sapientia habito in consilio et eruditis intersum cogitationibusSelect Proverbs 8:12

13timor Domini odit malum arrogantiam et superbiam et viam pravam et os bilingue detestorSelect Proverbs 8:13

14meum est consilium et aequitas mea prudentia mea est fortitudoSelect Proverbs 8:14

15per me reges regnant et legum conditores iusta decernuntSelect Proverbs 8:15

16per me principes imperant et potentes decernunt iustitiamSelect Proverbs 8:16

17ego diligentes me diligo et qui mane vigilant ad me invenient meSelect Proverbs 8:17

18mecum sunt divitiae et gloria opes superbae et iustitiaSelect Proverbs 8:18

19melior est fructus meus auro et pretioso lapide et genimina mea argento electoSelect Proverbs 8:19

20in viis iustitiae ambulo in medio semitarum iudiciiSelect Proverbs 8:20

21ut ditem diligentes me et thesauros eorum repleamSelect Proverbs 8:21

22Dominus possedit me initium viarum suarum antequam quicquam faceret a principioSelect Proverbs 8:22

23ab aeterno ordita sum et ex antiquis antequam terra fieretSelect Proverbs 8:23

24necdum erant abyssi et ego iam concepta eram necdum fontes aquarum eruperantSelect Proverbs 8:24

25necdum montes gravi mole constiterant ante colles ego parturiebarSelect Proverbs 8:25

26adhuc terram non fecerat et flumina et cardines orbis terraeSelect Proverbs 8:26

27quando praeparabat caelos aderam quando certa lege et gyro vallabat abyssosSelect Proverbs 8:27

28quando aethera firmabat sursum et librabat fontes aquarumSelect Proverbs 8:28

29quando circumdabat mari terminum suum et legem ponebat aquis ne transirent fines suos quando adpendebat fundamenta terraeSelect Proverbs 8:29

30cum eo eram cuncta conponens et delectabar per singulos dies ludens coram eo omni temporeSelect Proverbs 8:30

31ludens in orbe terrarum et deliciae meae esse cum filiis hominumSelect Proverbs 8:31

32nunc ergo filii audite me beati qui custodiunt vias measSelect Proverbs 8:32

33audite disciplinam et estote sapientes et nolite abicere eamSelect Proverbs 8:33

34beatus homo qui audit me qui vigilat ad fores meas cotidie et observat ad postes ostii meiSelect Proverbs 8:34

35qui me invenerit inveniet vitam et hauriet salutem a DominoSelect Proverbs 8:35

36qui autem in me peccaverit laedet animam suam omnes qui me oderunt diligunt mortemSelect Proverbs 8:36