7Revelation 7

1post haec vidi quattuor angelos stantes super quattuor angulos terrae tenentes quattuor ventos terrae ne flaret ventus super terram neque super mare neque in ullam arboremSelect Revelation 7:1

2et vidi alterum angelum ascendentem ab ortu solis habentem signum Dei vivi et clamavit voce magna quattuor angelis quibus datum est nocere terrae et mariSelect Revelation 7:2

3dicens nolite nocere terrae neque mari neque arboribus quoadusque signemus servos Dei nostri in frontibus eorumSelect Revelation 7:3

4et audivi numerum signatorum centum quadraginta quattuor milia signati ex omni tribu filiorum IsrahelSelect Revelation 7:4

5ex tribu Iuda duodecim milia signati ex tribu Ruben duodecim milia ex tribu Gad duodecim miliaSelect Revelation 7:5

6ex tribu Aser duodecim milia ex tribu Nepthalim duodecim milia ex tribu Manasse duodecim miliaSelect Revelation 7:6

7ex tribu Symeon duodecim milia ex tribu Levi duodecim milia ex tribu Issachar duodecim miliaSelect Revelation 7:7

8ex tribu Zabulon duodecim milia ex tribu Ioseph duodecim milia ex tribu Beniamin duodecim milia signatiSelect Revelation 7:8

9post haec vidi turbam magnam quam dinumerare nemo poterat ex omnibus gentibus et tribubus et populis et linguis stantes ante thronum et in conspectu agni amicti stolas albas et palmae in manibus eorumSelect Revelation 7:9

10et clamabant voce magna dicentes salus Deo nostro qui sedet super thronum et agnoSelect Revelation 7:10

11et omnes angeli stabant in circuitu throni et seniorum et quattuor animalium et ceciderunt in conspectu throni in facies suas et adoraverunt DeumSelect Revelation 7:11

12dicentes amen benedictio et claritas et sapientia et gratiarum actio et honor et virtus et fortitudo Deo nostro in saecula saeculorum amenSelect Revelation 7:12

13et respondit unus de senioribus dicens mihi hii qui amicti sunt stolis albis qui sunt et unde veneruntSelect Revelation 7:13

14et dixi illi domine mi tu scis et dixit mihi hii sunt qui veniunt de tribulatione magna et laverunt stolas suas et dealbaverunt eas in sanguine agniSelect Revelation 7:14

15ideo sunt ante thronum Dei et serviunt ei die ac nocte in templo eius et qui sedet in throno habitabit super illosSelect Revelation 7:15

16non esurient neque sitient amplius neque cadet super illos sol neque ullus aestusSelect Revelation 7:16

17quoniam agnus qui in medio throni est reget illos et deducet eos ad vitae fontes aquarum et absterget Deus omnem lacrimam ex oculis eorumSelect Revelation 7:17