3Zechariah 3

1et ostendit mihi Iesum sacerdotem magnum stantem coram angelo Domini et Satan stabat a dextris eius ut adversaretur eiSelect Zechariah 3:1

2et dixit Dominus ad Satan increpet Dominus in te Satan et increpet Dominus in te qui elegit Hierusalem numquid non iste torris est erutus de igneSelect Zechariah 3:2

3et Iesus erat indutus vestibus sordidis et stabat ante faciem angeliSelect Zechariah 3:3

4qui respondit et ait ad eos qui stabant coram se dicens auferte vestimenta sordida ab eo et dixit ad eum ecce abstuli a te iniquitatem tuam et indui te mutatoriisSelect Zechariah 3:4

5et dixit ponite cidarim mundam super caput eius et posuerunt cidarim mundam super caput eius et induerunt eum vestibus et angelus Domini stabatSelect Zechariah 3:5

6et contestabatur angelus Domini Iesum dicensSelect Zechariah 3:6

7haec dicit Dominus exercituum si in viis meis ambulaveris et custodiam meam custodieris tu quoque iudicabis domum meam et custodies atria mea et dabo tibi ambulantes de his qui nunc hic adsistuntSelect Zechariah 3:7

8audi Iesu sacerdos magne tu et amici tui qui habitant coram te quia viri portendentes sunt ecce enim ego adducam servum meum orientemSelect Zechariah 3:8

9quia ecce lapis quem dedi coram Iesu super lapidem unum septem oculi sunt ecce ego celabo sculpturam eius ait Dominus exercituum et auferam iniquitatem terrae illius in die unaSelect Zechariah 3:9

10in die illa dicit Dominus exercituum vocabit vir amicum suum subter vineam et subter ficumSelect Zechariah 3:10