73Psalms · Biblia Sacra Vulgata Alternative Texts (2007)
1Ut quid Deus reppulisti in finemiratus est furor tuus super oves pascuae tuae
2memor esto congregationis tuae quam possedisti ab initio redemisti virgam hereditatis tuae mons Sion in quo habitasti in eo
3leva manus tuas in superbias eorum in finem quanta malignatus est inimicus in sancto
4et gloriati sunt qui oderunt te in medio sollemnitatis tuae posuerunt signa sua signa
5et non cognoverunt sicut in exitu super summum quasi in silva lignorum securibus
6exciderunt ianuas eius in id ipsum in securi et ascia deiecerunt ÷eam:
7incenderunt igni sanctuarium tuum in terra polluerunt tabernaculum nominis tui
8dixerunt in corde suo cognatio eorum simul quiescere faciamus omnes dies festos Dei a terra
9signa nostra non vidimus iam non est propheta et nos non cognoscet amplius
10usquequo Deus inproperabit inimicus inritat adversarius nomen tuum in finem
11ut quid avertis manum tuam et dexteram tuam de medio sinu tuo in finem
12Deus autem rex noster ante saeculum operatus est salutes in medio terrae
13tu confirmasti in virtute tua mare contribulasti capita draconum in aquis
14tu confregisti capita draconis dedisti eum escam populis Aethiopum
15tu disrupisti fontem et torrentes ※tu siccasti fluvios Aetham:
16tuus est dies et tua est nox tu fabricatus es auroram et solem
17tu fecisti omnes terminos terrae aestatem et ver tu plasmasti ea
18memor esto huius inimicus inproperavit Dominum et populus insipiens incitavit nomen tuum
19ne tradas bestiis animam confitentem tibi animas pauperum tuorum ne obliviscaris in finem
20respice in testamentum tuum quia repleti sunt qui obscurati sunt terrae domibus iniquitatum
21ne avertatur humilis factus confusus pauper et inops laudabunt nomen tuum
22exsurge Deus iudica causam tuam memor esto inproperiorum tuorum eorum qui ab insipiente sunt tota die
23ne obliviscaris voces inimicorum tuorum superbia eorum qui te oderunt ascendit semper
Biblia Sacra Vulgata Alternative Texts (2007) Tap a verse to copy, share, highlight or add a note. Dotted words link to encyclopedia articles.
23 verses in this psalm
73 / 150 psalms
The text is Biblia Sacra Vulgata Alternative Texts (2007)(Latin) — Published under a copyright agreement with the Korean Bible Society — the text is copyright of the Korean Bible Society. Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.