102Psalms 102

1Benedic anima mea Dominoet omnia quae intra me sunt nomini sancto eiusSelect Psalms 102:1

ipsi David

2benedic anima mea Domino et noli oblivisci omnes retributiones eiusSelect Psalms 102:2

3qui propitiatur omnibus iniquitatibus tuis qui sanat omnes infirmitates tuasSelect Psalms 102:3

4qui redimit de interitu vitam tuam qui coronat te in misericordia et miserationibusSelect Psalms 102:4

5qui replet in bonis desiderium tuum renovabitur ut aquilae iuventus tuaSelect Psalms 102:5

6faciens misericordias Dominus et iudicium omnibus iniuriam patientibusSelect Psalms 102:6

7notas fecit vias suas Mosi filiis Israhel voluntates suasSelect Psalms 102:7

8miserator et misericors Dominus longanimis et multum misericorsSelect Psalms 102:8

9non in perpetuum irascetur neque in aeternum comminabiturSelect Psalms 102:9

10non secundum peccata nostra fecit nobis nec secundum iniustitias nostras retribuit nobisSelect Psalms 102:10

11quoniam secundum altitudinem caeli a terra corroboravit misericordiam suam super timentes seSelect Psalms 102:11

12quantum distat ortus ab occidente longe fecit a nobis iniquitates nostrasSelect Psalms 102:12

13quomodo miseretur pater filiorum misertus est Dominus timentibus seSelect Psalms 102:13

14quoniam ipse cognovit figmentum nostrum recordatus est quoniam pulvis sumusSelect Psalms 102:14

15homo sicut faenum dies eius tamquam flos agri sic efflorebitSelect Psalms 102:15

16quoniam spiritus pertransivit in illo et non subsistet et non cognoscet amplius locum suumSelect Psalms 102:16

17misericordia autem Domini ab aeterno et usque in aeternum super timentes eum et iustitia illius in filios filiorumSelect Psalms 102:17

18his qui servant testamentum eius et memores sunt mandatorum ipsius ad faciendum eaSelect Psalms 102:18

19Dominus in caelo paravit sedem suam et regnum ipsius omnibus dominabiturSelect Psalms 102:19

20benedicite Domino angeli eius potentes virtute facientes verbum illius ad audiendam vocem sermonum eiusSelect Psalms 102:20

21benedicite Domino omnes virtutes eius ministri eius qui facitis voluntatem eiusSelect Psalms 102:21

22benedicite Domino omnia opera eius in omni loco dominationis ipsius benedic anima mea DominoSelect Psalms 102:22