4Galatians 4

1Dico autem : quanto tempore hæres parvulus est, nihil differt a servo, cum sit dominus omnium :Select Galatians 4:1

2sed sub tutoribus et actoribus est usque ad præfinitum tempus a patre :Select Galatians 4:2

3ita et nos cum essemus parvuli, sub elementis mundi eramus servientes.Select Galatians 4:3

4At ubi venit plenitudo temporis, misit Deus Filium suum factum ex muliere, factum sub lege,Select Galatians 4:4

5ut eos, qui sub lege erant, redimeret, ut adoptionem filiorum reciperemus.Select Galatians 4:5

6Quoniam autem estis filii, misit Deus Spiritum Filii sui in corda vestra, clamantem : Abba, Pater.Select Galatians 4:6

7Itaque jam non est servus, sed filius : quod si filius, et hæres per Deum.Select Galatians 4:7

8Sed tunc quidem ignorantes Deum, iis, qui natura non sunt dii, serviebatis.Select Galatians 4:8

9Nunc autem cum cognoveritis Deum, immo cogniti sitis a Deo : quomodo convertimini iterum ad infirma et egena elementa, quibus denuo servire vultis ?Select Galatians 4:9

10Dies observatis, et menses, et tempora, et annos.Select Galatians 4:10

11Timeo vos, ne forte sine causa laboraverim in vobis.Select Galatians 4:11

12Estote sicut ego, quia et ego sicut vos : fratres, obsecro vos. Nihil me læsistis.Select Galatians 4:12

13Scitis autem quia per infirmitatem carnis evangelizavi vobis jampridem : et tentationem vestram in carne meaSelect Galatians 4:13

14non sprevistis, neque respuistis : sed sicut angelum Dei excepistis me, sicut Christum Jesum.Select Galatians 4:14

15Ubi est ergo beatitudo vestra ? testimonium enim perhibeo vobis, quia, si fieri posset, oculos vestros eruissetis, et dedissetis mihi.Select Galatians 4:15

16Ergo inimicus vobis factus sum, verum dicens vobis ?Select Galatians 4:16

17Æmulantur vos non bene : sed excludere vos volunt, ut illos æmulemini.Select Galatians 4:17

18Bonum autem æmulamini in bono semper : et non tantum cum præsens sum apud vos.Select Galatians 4:18

19Filioli mei, quos iterum parturio, donec formetur Christus in vobis :Select Galatians 4:19

20vellem autem esse apud vos modo, et mutare vocem meam : quoniam confundor in vobis.Select Galatians 4:20

21Dicite mihi qui sub lege vultis esse : legem non legistis ?Select Galatians 4:21

22Scriptum est enim : Quoniam Abraham duos filios habuit : unum de ancilla, et unum de libera.Select Galatians 4:22

23Sed qui de ancilla, secundum carnem natus est : qui autem de libera, per repromissionem :Select Galatians 4:23

24quæ sunt per allegoriam dicta. Hæc enim sunt duo testamenta. Unum quidem in monte Sina, in servitutem generans, quæ est Agar :Select Galatians 4:24

25Sina enim mons est in Arabia, qui conjunctus est ei quæ nunc est Jerusalem, et servit cum filiis suis.Select Galatians 4:25

26Illa autem, quæ sursum est Jerusalem, libera est, quæ est mater nostra.Select Galatians 4:26

27Scriptum est enim : Lætare, sterilis, quæ non paris ; erumpe et clama, quæ non parturis : quia multi filii desertæ, magis quam ejus quæ habet virum.Select Galatians 4:27

28Nos autem, fratres, secundum Isaac promissionis filii sumus.Select Galatians 4:28

29Sed quomodo tunc is, qui secundum carnem natus fuerat, persequebatur eum qui secundum spiritum : ita et nunc.Select Galatians 4:29

30Sed quid dicit Scriptura ? Ejice ancillam, et filium ejus : non enim hæres erit filius ancillæ cum filio liberæ.Select Galatians 4:30

31Itaque, fratres, non sumus ancillæ filii, sed liberæ : qua libertate Christus nos liberavit.Select Galatians 4:31