131 Corinthians 13

1Si linguis hominum loquar, et angelorum, caritatem autem non habeam, factus sum velut æs sonans, aut cymbalum tinniens.Select 1 Corinthians 13:1

2Et si habuero prophetiam, et noverim mysteria omnia, et omnem scientiam : et si habuero omnem fidem ita ut montes transferam, caritatem autem non habuero, nihil sum.Select 1 Corinthians 13:2

3Et si distribuero in cibos pauperum omnes facultates meas, et si tradidero corpus meum ita ut ardeam, caritatem autem non habuero, nihil mihi prodest.Select 1 Corinthians 13:3

4Caritas patiens est, benigna est. Caritas non æmulatur, non agit perperam, non inflatur,Select 1 Corinthians 13:4

5non est ambitiosa, non quærit quæ sua sunt, non irritatur, non cogitat malum,Select 1 Corinthians 13:5

6non gaudet super iniquitate, congaudet autem veritati :Select 1 Corinthians 13:6

7omnia suffert, omnia credit, omnia sperat, omnia sustinet.Select 1 Corinthians 13:7

8Caritas numquam excidit : sive prophetiæ evacuabuntur, sive linguæ cessabunt, sive scientia destruetur.Select 1 Corinthians 13:8

9Ex parte enim cognoscimus, et ex parte prophetamus.Select 1 Corinthians 13:9

10Cum autem venerit quod perfectum est, evacuabitur quod ex parte est.Select 1 Corinthians 13:10

11Cum essem parvulus, loquebar ut parvulus, sapiebam ut parvulus, cogitabam ut parvulus. Quando autem factus sum vir, evacuavi quæ erant parvuli.Select 1 Corinthians 13:11

12Videmus nunc per speculum in ænigmate : tunc autem facie ad faciem. Nunc cognosco ex parte : tunc autem cognoscam sicut et cognitus sum.Select 1 Corinthians 13:12

13Nunc autem manent fides, spes, caritas, tria hæc : major autem horum est caritas.Select 1 Corinthians 13:13