51 Corinthians 5

1Omnino auditur inter vos fornicatio, et talis fornicatio, qualis nec inter gentes, ita ut uxorem patris sui aliquis habeat.Select 1 Corinthians 5:1

2Et vos inflati estis : et non magis luctum habuistis ut tollatur de medio vestrum qui hoc opus fecit.Select 1 Corinthians 5:2

3Ego quidem absens corpore, præsens autem spiritu, jam judicavi ut præsens eum, qui sic operatus est,Select 1 Corinthians 5:3

4in nomine Domini nostri Jesu Christi, congregatis vobis et meo spiritu, cum virtute Domini nostri Jesu,Select 1 Corinthians 5:4

5tradere hujusmodi Satanæ in interitum carnis, ut spiritus salvus sit in die Domini nostri Jesu Christi.Select 1 Corinthians 5:5

6Non est bona gloriatio vestra. Nescitis quia modicum fermentum totam massam corrumpit ?Select 1 Corinthians 5:6

7Expurgate vetus fermentum, ut sitis nova conspersio, sicut estis azymi. Etenim Pascha nostrum immolatus est Christus.Select 1 Corinthians 5:7

8Itaque epulemur : non in fermento veteri, neque in fermento malitiæ et nequitiæ : sed in azymis sinceritatis et veritatis.Select 1 Corinthians 5:8

9Scripsi vobis in epistola : Ne commisceamini fornicariis :Select 1 Corinthians 5:9

10non utique fornicariis hujus mundi, aut avaris, aut rapacibus, aut idolis servientibus : alioquin debueratis de hoc mundo exiisse.Select 1 Corinthians 5:10

11Nunc autem scripsi vobis non commisceri : si is qui frater nominatur, est fornicator, aut avarus, aut idolis serviens, aut maledicus, aut ebriosus, aut rapax, cum ejusmodi nec cibum sumere.Select 1 Corinthians 5:11

12Quid enim mihi de iis qui foris sunt, judicare ? nonne de iis qui intus sunt, vos judicatis ?Select 1 Corinthians 5:12

13nam eos qui foris sunt, Deus judicabit. Auferte malum ex vobis ipsis.Select 1 Corinthians 5:13