81 Corinthians 8

1De iis autem quæ idolis sacrificantur, scimus quia omnes scientiam habemus. Scientia inflat, caritas vero ædificat.Select 1 Corinthians 8:1

2Si quis autem se existimat scire aliquid, nondum cognovit quemadmodum oporteat eum scire.Select 1 Corinthians 8:2

3Si quis autem diligit Deum, hic cognitus est ab eo.Select 1 Corinthians 8:3

4De escis autem quæ idolis immolantur, scimus quia nihil est idolum in mundo, et quod nullus est Deus, nisi unus.Select 1 Corinthians 8:4

5Nam etsi sunt qui dicantur dii sive in cælo, sive in terra (siquidem sunt dii multi, et domini multi) :Select 1 Corinthians 8:5

6nobis tamen unus est Deus, Pater, ex quo omnia, et nos in illum : et unus Dominus Jesus Christus, per quem omnia, et nos per ipsum.Select 1 Corinthians 8:6

7Sed non in omnibus est scientia. Quidam autem cum conscientia usque nunc idoli, quasi idolothytum manducant : et conscientia ipsorum cum sit infirma, polluitur.Select 1 Corinthians 8:7

8Esca autem nos non commendat Deo. Neque enim si manducaverimus, abundabimus : neque si non manducaverimus, deficiemus.Select 1 Corinthians 8:8

9Videte autem ne forte hæc licentia vestra offendiculum fiat infirmis.Select 1 Corinthians 8:9

10Si enim quis viderit eum, qui habet scientiam, in idolio recumbentem : nonne conscientia ejus, cum sit infirma, ædificabitur ad manducandum idolothyta ?Select 1 Corinthians 8:10

11Et peribit infirmus in tua scientia, frater, propter quem Christus mortuus est ?Select 1 Corinthians 8:11

12Sic autem peccantes in fratres, et percutientes conscientiam eorum infirmam, in Christum peccatis.Select 1 Corinthians 8:12

13Quapropter si esca scandalizat fratrem meum, non manducabo carnem in æternum, ne fratrem meum scandalizem.Select 1 Corinthians 8:13