32 Corinthians 3

1Incipimus iterum nosmetipsos commendare ? aut numquid egemus (sicut quidam) commendatitiis epistolis ad vos, aut ex vobis ?Select 2 Corinthians 3:1

2Epistola nostra vos estis, scripta in cordibus nostris, quæ scitur, et legitur ab omnibus hominibus :Select 2 Corinthians 3:2

3manifestati quod epistola estis Christi, ministrata a nobis, et scripta non atramento, sed Spiritu Dei vivi : non in tabulis lapideis, sed in tabulis cordis carnalibus.Select 2 Corinthians 3:3

4Fiduciam autem talem habemus per Christum ad Deum :Select 2 Corinthians 3:4

5non quod sufficientes simus cogitare aliquid a nobis, quasi ex nobis : sed sufficientia nostra ex Deo est :Select 2 Corinthians 3:5

6qui et idoneos nos fecit ministros novi testamenti : non littera, sed Spiritu : littera enim occidit, Spiritus autem vivificat.Select 2 Corinthians 3:6

7Quod si ministratio mortis litteris deformata in lapidibus fuit in gloria, ita ut non possent intendere filii Israël in faciem Moysi propter gloriam vultus ejus, quæ evacuatur :Select 2 Corinthians 3:7

8quomodo non magis ministratio Spiritus erit in gloria ?Select 2 Corinthians 3:8

9Nam si ministratio damnationis gloria est : multo magis abundat ministerium justitiæ in gloria.Select 2 Corinthians 3:9

10Nam nec glorificatum est, quod claruit in hac parte, propter excellentem gloriam.Select 2 Corinthians 3:10

11Si enim quod evacuatur, per gloriam est : multo magis quod manet, in gloria est.Select 2 Corinthians 3:11

12Habentes igitur talem spem, multa fiducia utimur :Select 2 Corinthians 3:12

13et non sicut Moyses ponebat velamen super faciem suam, ut non intenderent filii Israël in faciem ejus, quod evacuatur,Select 2 Corinthians 3:13

14sed obtusi sunt sensus eorum. Usque in hodiernum enim diem, idipsum velamen in lectione veteris testamenti manet non revelatum (quoniam in Christo evacuatur),Select 2 Corinthians 3:14

15sed usque in hodiernum diem, cum legitur Moyses, velamen positum est super cor eorum.Select 2 Corinthians 3:15

16Cum autem conversus fuerit ad Dominum, auferetur velamen.Select 2 Corinthians 3:16

17Dominus autem Spiritus est : ubi autem Spiritus Domini, ibi libertas.Select 2 Corinthians 3:17

18Nos vero omnes, revelata facie gloriam Domini speculantes, in eamdem imaginem transformamur a claritate in claritatem, tamquam a Domini Spiritu.Select 2 Corinthians 3:18