14Luke 14

1Et factum est cum intraret Jesus in domum cujusdam principis pharisæorum sabbato manducare panem, et ipsi observabant eum.Select Luke 14:1

2Et ecce homo quidam hydropicus erat ante illum.Select Luke 14:2

3Et respondens Jesus dixit ad legisperitos et pharisæos, dicens : Si licet sabbato curare ?Select Luke 14:3

4At illi tacuerunt. Ipse vero apprehensum sanavit eum, ac dimisit.Select Luke 14:4

5Et respondens ad illos dixit : Cujus vestrum asinus, aut bos in puteum cadet, et non continuo extrahet illum die sabbati ?Select Luke 14:5

6Et non poterant ad hæc respondere illi.Select Luke 14:6

7Dicebat autem et ad invitatos parabolam, intendens quomodo primos accubitus eligerent, dicens ad illos :Select Luke 14:7

8Cum invitatus fueris ad nuptias, non discumbas in primo loco, ne forte honoratior te sit invitatus ab illo.Select Luke 14:8

9Et veniens is, qui te et illum vocavit, dicat tibi : Da huic locum : et tunc incipias cum rubore novissimum locum tenere.Select Luke 14:9

10Sed cum vocatus fueris, vade, recumbe in novissimo loco : ut, cum venerit qui te invitavit, dicat tibi : Amice, ascende superius. Tunc erit tibi gloria coram simul discumbentibus :Select Luke 14:10

11quia omnis, qui se exaltat, humiliabitur : et qui se humiliat, exaltabitur.Select Luke 14:11

12Dicebat autem et ei, qui invitaverat : Cum facis prandium, aut cœnam, noli vocare amicos tuos, neque fratres tuos, neque cognatos, neque vicinos divites : ne forte te et ipsi reinvitent, et fiat tibi retributio ;Select Luke 14:12

13sed cum facis convivium, voca pauperes, debiles, claudos, et cæcos :Select Luke 14:13

14et beatus eris, quia non habent retribuere tibi : retribuetur enim tibi in resurrectione justorum.Select Luke 14:14

15Hæc cum audisset quidam de simul discumbentibus, dixit illi : Beatus qui manducabit panem in regno Dei.Select Luke 14:15

16At ipse dixit ei : Homo quidam fecit cœnam magnam, et vocavit multos.Select Luke 14:16

17Et misit servum suum hora cœnæ dicere invitatis ut venirent, quia jam parata sunt omnia.Select Luke 14:17

18Et cœperunt simul omnes excusare. Primus dixit ei : Villam emi, et necesse habeo exire, et videre illam : rogo te, habe me excusatum.Select Luke 14:18

19Et alter dixit : Juga boum emi quinque, et eo probare illa : rogo te, habe me excusatum.Select Luke 14:19

20Et alius dixit : Uxorem duxi, et ideo non possum venire.Select Luke 14:20

21Et reversus servus nuntiavit hæc domino suo. Tunc iratus paterfamilias, dixit servo suo : Exi cito in plateas et vicos civitatis : et pauperes, ac debiles, et cæcos, et claudos introduc huc.Select Luke 14:21

22Et ait servus : Domine, factum est ut imperasti, et adhuc locus est.Select Luke 14:22

23Et ait dominus servo : Exi in vias, et sæpes : et compelle intrare, ut impleatur domus mea.Select Luke 14:23

24Dico autem vobis quod nemo virorum illorum qui vocati sunt, gustabit cœnam meam.Select Luke 14:24

25Ibant autem turbæ multæ cum eo : et conversus dixit ad illos :Select Luke 14:25

26Si quis venit ad me, et non odit patrem suum, et matrem, et uxorem, et filios, et fratres, et sorores, adhuc autem et animam suam, non potest meus esse discipulus.Select Luke 14:26

27Et qui non bajulat crucem suam, et venit post me, non potest meus esse discipulus.Select Luke 14:27

28Quis enim ex vobis volens turrim ædificare, non prius sedens computat sumptus, qui necessarii sunt, si habeat ad perficiendum,Select Luke 14:28

29ne, posteaquam posuerit fundamentum, et non potuerit perficere, omnes qui vident, incipiant illudere ei,Select Luke 14:29

30dicentes : Quia hic homo cœpit ædificare, et non potuit consummare ?Select Luke 14:30

31Aut quis rex iturus committere bellum adversus alium regem, non sedens prius cogitat, si possit cum decem millibus occurrere ei, qui cum viginti millibus venit ad se ?Select Luke 14:31

32Alioquin adhuc illo longe agente, legationem mittens rogat ea quæ pacis sunt.Select Luke 14:32

33Sic ergo omnis ex vobis, qui non renuntiat omnibus quæ possidet, non potest meus esse discipulus.Select Luke 14:33

34Bonum est sal : si autem sal evanuerit, in quo condietur ?Select Luke 14:34

35Neque in terram, neque in sterquilinium utile est, sed foras mittetur. Qui habet aures audiendi, audiat.Select Luke 14:35