18Luke 18

1Dicebat autem et parabolam ad illos, quoniam oportet semper orare et non deficere,Select Luke 18:1

2dicens : Judex quidam erat in quadam civitate, qui Deum non timebat, et hominem non reverebatur.Select Luke 18:2

3Vidua autem quædam erat in civitate illa, et veniebat ad eum, dicens : Vindica me de adversario meo.Select Luke 18:3

4Et nolebat per multum tempus. Post hæc autem dixit intra se : Etsi Deum non timeo, nec hominem revereor :Select Luke 18:4

5tamen quia molesta est mihi hæc vidua, vindicabo illam, ne in novissimo veniens sugillet me.Select Luke 18:5

6Ait autem Dominus : Audite quid judex iniquitatis dicit :Select Luke 18:6

7Deus autem non faciet vindictam electorum suorum clamantium ad se die ac nocte, et patientiam habebit in illis ?Select Luke 18:7

8Dico vobis quia cito faciet vindictam illorum. Verumtamen Filius hominis veniens, putas, inveniet fidem in terra ?Select Luke 18:8

9Dixit autem et ad quosdam qui in se confidebant tamquam justi, et aspernabantur ceteros, parabolam istam :Select Luke 18:9

10Duo homines ascenderunt in templum ut orarent : unus pharisæus et alter publicanus.Select Luke 18:10

11Pharisæus stans, hæc apud se orabat : Deus, gratias ago tibi, quia non sum sicut ceteri hominum : raptores, injusti, adulteri, velut etiam hic publicanus :Select Luke 18:11

12jejuno bis in sabbato, decimas do omnium quæ possideo.Select Luke 18:12

13Et publicanus a longe stans, nolebat nec oculos ad cælum levare : sed percutiebat pectus suum, dicens : Deus propitius esto mihi peccatori.Select Luke 18:13

14Dico vobis, descendit hic justificatus in domum suam ab illo : quia omnis qui se exaltat, humiliabitur, et qui se humiliat, exaltabitur.Select Luke 18:14

15Afferebant autem ad illum et infantes, ut eos tangeret. Quod cum viderent discipuli, increpabant illos.Select Luke 18:15

16Jesus autem convocans illos, dixit : Sinite pueros venire ad me, et nolite vetare eos : talium est enim regnum Dei.Select Luke 18:16

17Amen dico vobis, quicumque non acceperit regnum Dei sicut puer, non intrabit in illud.Select Luke 18:17

18Et interrogavit eum quidam princeps, dicens : Magister bone, quid faciens vitam æternam possidebo ?Select Luke 18:18

19Dixit autem ei Jesus : Quid me dicis bonum ? nemo bonus nisi solus Deus.Select Luke 18:19

20Mandata nosti : non occides ; non mœchaberis ; non furtum facies ; non falsum testimonium dices ; honora patrem tuum et matrem.Select Luke 18:20

21Qui ait : Hæc omnia custodivi a juventute mea.Select Luke 18:21

22Quo audito, Jesus ait ei : Adhuc unum tibi deest : omnia quæcumque habes vende, et da pauperibus, et habebis thesaurum in cælo : et veni, sequere me.Select Luke 18:22

23His ille auditis, contristatus est : quia dives erat valde.Select Luke 18:23

24Videns autem Jesus illum tristem factum, dixit : Quam difficile, qui pecunias habent, in regnum Dei intrabunt !Select Luke 18:24

25facilius est enim camelum per foramen acus transire quam divitem intrare in regnum Dei.Select Luke 18:25

26Et dixerunt qui audiebant : Et quis potest salvus fieri ?Select Luke 18:26

27Ait illis : Quæ impossibilia sunt apud homines, possibilia sunt apud Deum.Select Luke 18:27

28Ait autem Petrus : Ecce nos dimisimus omnia et secuti sumus te.Select Luke 18:28

29Qui dixit eis : Amen dico vobis, nemo est qui reliquit domum, aut parentes, aut fratres, aut uxorem, aut filios propter regnum Dei,Select Luke 18:29

30et non recipiat multo plura in hoc tempore, et in sæculo venturo vitam æternam.Select Luke 18:30

31Assumpsit autem Jesus duodecim, et ait illis : Ecce ascendimus Jerosolymam, et consummabuntur omnia quæ scripta sunt per prophetas de Filio hominis :Select Luke 18:31

32tradetur enim gentibus, et illudetur, et flagellabitur, et conspuetur :Select Luke 18:32

33et postquam flagellaverint, occident eum, et tertia die resurget.Select Luke 18:33

34Et ipsi nihil horum intellexerunt, et erat verbum istud absconditum ab eis, et non intelligebant quæ dicebantur.Select Luke 18:34

35Factum est autem, cum appropinquaret Jericho, cæcus quidam sedebat secus viam, mendicans.Select Luke 18:35

36Et cum audiret turbam prætereuntem, interrogabat quid hoc esset.Select Luke 18:36

37Dixerunt autem ei quod Jesus Nazarenus transiret.Select Luke 18:37

38Et clamavit, dicens : Jesu, fili David, miserere mei.Select Luke 18:38

39Et qui præibant, increpabant eum ut taceret. Ipse vero multo magis clamabat : Fili David, miserere mei.Select Luke 18:39

40Stans autem Jesus jussit illum adduci ad se. Et cum appropinquasset, interrogavit illum,Select Luke 18:40

41dicens : Quid tibi vis faciam ? At ille dixit : Domine, ut videam.Select Luke 18:41

42Et Jesus dixit illi : Respice, fides tua te salvum fecit.Select Luke 18:42

43Et confestim vidit, et sequebatur illum magnificans Deum. Et omnis plebs ut vidit, dedit laudem Deo.Select Luke 18:43