20Luke 20

1Et factum est in una dierum, docente illo populum in templo, et evangelizante, convenerunt principes sacerdotum, et scribæ cum senioribus,Select Luke 20:1

2et aiunt dicentes ad illum : Dic nobis in qua potestate hæc facis ? aut quis est qui dedit tibi hanc potestatem ?Select Luke 20:2

3Respondens autem Jesus, dixit ad illos : Interrogabo vos et ego unum verbum. Respondete mihi :Select Luke 20:3

4baptismus Joannis de cælo erat, an ex hominibus ?Select Luke 20:4

5At illi cogitabant intra se, dicentes : Quia si dixerimus : De cælo, dicet : Quare ergo non credidistis illi ?Select Luke 20:5

6Si autem dixerimus : Ex hominibus, plebs universa lapidabit nos : certi sunt enim Joannem prophetam esse.Select Luke 20:6

7Et responderunt se nescire unde esset.Select Luke 20:7

8Et Jesus ait illis : Neque ego dico vobis in qua potestate hæc facio.Select Luke 20:8

9Cœpit autem dicere ad plebem parabolam hanc : Homo plantavit vineam, et locavit eam colonis : et ipse peregre fuit multis temporibus.Select Luke 20:9

10Et in tempore misit ad cultores servum, ut de fructu vineæ darent illi. Qui cæsum dimiserunt eum inanem.Select Luke 20:10

11Et addidit alterum servum mittere. Illi autem hunc quoque cædentes, et afficientes contumelia, dimiserunt inanem.Select Luke 20:11

12Et addidit tertium mittere : qui et illum vulnerantes ejecerunt.Select Luke 20:12

13Dixit autem dominus vineæ : Quid faciam ? Mittam filium meum dilectum : forsitan, cum hunc viderint, verebuntur.Select Luke 20:13

14Quem cum vidissent coloni, cogitaverunt intra se, dicentes : Hic est hæres, occidamus illum, ut nostra fiat hæreditas.Select Luke 20:14

15Et ejectum illum extra vineam, occiderunt. Quid ergo faciet illis dominus vineæ ?Select Luke 20:15

16veniet, et perdet colonos istos, et dabit vineam aliis. Quo audito, dixerunt illi : Absit.Select Luke 20:16

17Ille autem aspiciens eos, ait : Quid est ergo hoc quod scriptum est : Lapidem quem reprobaverunt ædificantes, hic factus est in caput anguli ?Select Luke 20:17

18Omnis qui ceciderit super illum lapidem, conquassabitur : super quem autem ceciderit, comminuet illum.Select Luke 20:18

19Et quærebant principes sacerdotum et scribæ mittere in illum manus illa hora, et timuerunt populum : cognoverunt enim quod ad ipsos dixerit similitudinem hanc.Select Luke 20:19

20Et observantes miserunt insidiatores, qui se justos simularent, ut caperent eum in sermone, ut traderent illum principatui, et potestati præsidis.Select Luke 20:20

21Et interrogaverunt eum, dicentes : Magister, scimus quia recte dicis et doces : et non accipis personam, sed viam Dei in veritate doces.Select Luke 20:21

22Licet nobis tributum dare Cæsari, an non ?Select Luke 20:22

23Considerans autem dolum illorum, dixit ad eos : Quid me tentatis ?Select Luke 20:23

24ostendite mihi denarium. Cujus habet imaginem et inscriptionem ? Respondentes dixerunt ei : Cæsaris.Select Luke 20:24

25Et ait illis : Reddite ergo quæ sunt Cæsaris, Cæsari : et quæ sunt Dei, Deo.Select Luke 20:25

26Et non potuerunt verbum ejus reprehendere coram plebe : et mirati in responso ejus, tacuerunt.Select Luke 20:26

27Accesserunt autem quidam sadducæorum, qui negant esse resurrectionem, et interrogaverunt eum,Select Luke 20:27

28dicentes : Magister, Moyses scripsit nobis : Si frater alicujus mortuus fuerit habens uxorem, et hic sine liberis fuerit, ut accipiat eam frater ejus uxorem, et suscitet semen fratri suo.Select Luke 20:28

29Septem ergo fratres erant : et primus accepit uxorem, et mortuus est sine filiis.Select Luke 20:29

30Et sequens accepit illam, et ipse mortuus est sine filio.Select Luke 20:30

31Et tertius accepit illam. Similiter et omnes septem, et non reliquerunt semen, et mortui sunt.Select Luke 20:31

32Novissime omnium mortua est et mulier.Select Luke 20:32

33In resurrectione ergo, cujus eorum erit uxor ? siquidem septem habuerunt eam uxorem.Select Luke 20:33

34Et ait illis Jesus : Filii hujus sæculi nubunt, et traduntur ad nuptias :Select Luke 20:34

35illi vero qui digni habebuntur sæculo illo, et resurrectione ex mortuis, neque nubent, neque ducent uxores :Select Luke 20:35

36neque enim ultra mori potuerunt : æquales enim angelis sunt, et filii sunt Dei, cum sint filii resurrectionis.Select Luke 20:36

37Quia vero resurgant mortui, et Moyses ostendit secus rubum, sicut dicit Dominum, Deum Abraham, et Deum Isaac, et Deum Jacob.Select Luke 20:37

38Deus autem non est mortuorum, sed vivorum : omnes enim vivunt ei.Select Luke 20:38

39Respondentes autem quidam scribarum, dixerunt ei : Magister, bene dixisti.Select Luke 20:39

40Et amplius non audebant eum quidquam interrogare.Select Luke 20:40

41Dixit autem ad illos : Quomodo dicunt Christum filium esse David ?Select Luke 20:41

42et ipse David dicit in libro Psalmorum : Dixit Dominus Domino meo : sede a dextris meis,Select Luke 20:42

43donec ponam inimicos tuos scabellum pedum tuorum.Select Luke 20:43

44David ergo Dominum illum vocat : et quomodo filius ejus est ?Select Luke 20:44

45Audiente autem omni populo, dixit discipulis suis :Select Luke 20:45

46Attendite a scribis, qui volunt ambulare in stolis, et amant salutationes in foro, et primas cathedras in synagogis, et primos discubitus in conviviis,Select Luke 20:46

47qui devorant domos viduarum, simulantes longam orationem : hi accipient damnationem majorem.Select Luke 20:47