8Luke 8

1Et factum est deinceps, et ipse iter faciebat per civitates, et castella prædicans, et evangelizans regnum Dei : et duodecim cum illo,Select Luke 8:1

2et mulieres aliquæ, quæ erant curatæ a spiritibus malignis et infirmantibus : Maria, quæ vocatur Magdalene, de qua septem dæmonia exierant,Select Luke 8:2

3et Joanna uxor Chusæ procuratoris Herodis, et Susanna, et aliæ multæ, quæ ministrabant ei de facultatibus suis.Select Luke 8:3

4Cum autem turba plurima convenirent, et de civitatibus properarent ad eum, dixit per similitudinem :Select Luke 8:4

5Exiit qui seminat, seminare semen suum. Et dum seminat, aliud cecidit secus viam, et conculcatum est, et volucres cæli comederunt illud.Select Luke 8:5

6Et aliud cecidit supra petram : et natum aruit, quia non habebat humorem.Select Luke 8:6

7Et aliud cecidit inter spinas, et simul exortæ spinæ suffocaverunt illud.Select Luke 8:7

8Et aliud cecidit in terram bonam : et ortum fecit fructum centuplum. Hæc dicens clamabat : Qui habet aures audiendi, audiat.Select Luke 8:8

9Interrogabant autem eum discipuli ejus, quæ esset hæc parabola.Select Luke 8:9

10Quibus ipse dixit : Vobis datum est nosse mysterium regni Dei, ceteris autem in parabolis : ut videntes non videant, et audientes non intelligant.Select Luke 8:10

11Est autem hæc parabola : Semen est verbum Dei.Select Luke 8:11

12Qui autem secus viam, hi sunt qui audiunt : deinde venit diabolus, et tollit verbum de corde eorum, ne credentes salvi fiant.Select Luke 8:12

13Nam qui supra petram, qui cum audierint, cum gaudio suscipiunt verbum : et hi radices non habent : qui ad tempus credunt, et in tempore tentationis recedunt.Select Luke 8:13

14Quod autem in spinas cecidit : hi sunt qui audierunt, et a sollicitudinibus, et divitiis, et voluptatibus vitæ euntes, suffocantur, et non referunt fructum.Select Luke 8:14

15Quod autem in bonam terram : hi sunt qui in corde bono et optimo audientes verbum retinent, et fructum afferunt in patientia.Select Luke 8:15

16Nemo autem lucernam accendens, operit eam vase, aut subtus lectum ponit : sed supra candelabrum ponit, ut intrantes videant lumen.Select Luke 8:16

17Non est enim occultum, quod non manifestetur : nec absconditum, quod non cognoscatur, et in palam veniat.Select Luke 8:17

18Videte ergo quomodo audiatis ? Qui enim habet, dabitur illi : et quicumque non habet, etiam quod putat se habere, auferetur ab illo.Select Luke 8:18

19Venerunt autem ad illum mater et fratres ejus, et non poterant adire eum præ turba.Select Luke 8:19

20Et nuntiatum est illi : Mater tua et fratres tui stant foris, volentes te videre.Select Luke 8:20

21Qui respondens, dixit ad eos : Mater mea et fratres mei hi sunt, qui verbum Dei audiunt et faciunt.Select Luke 8:21

22Factum est autem in una dierum : et ipse ascendit in naviculam, et discipuli ejus, et ait ad illos : Transfretemus trans stagnum. Et ascenderunt.Select Luke 8:22

23Et navigantibus illis, obdormivit, et descendit procella venti in stagnum, et complebantur, et periclitabantur.Select Luke 8:23

24Accedentes autem suscitaverunt eum, dicentes : Præceptor, perimus. At ille surgens, increpavit ventum, et tempestatem aquæ, et cessavit : et facta est tranquillitas.Select Luke 8:24

25Dixit autem illis : Ubi est fides vestra ? Qui timentes, mirati sunt ad invicem, dicentes : Quis putas hic est, quia et ventis, et mari imperat, et obediunt ei ?Select Luke 8:25

26Et navigaverunt ad regionem Gerasenorum, quæ est contra Galilæam.Select Luke 8:26

27Et cum egressus esset ad terram, occurrit illi vir quidam, qui habebat dæmonium jam temporibus multis, et vestimento non induebatur, neque in domo manebat, sed in monumentis.Select Luke 8:27

28Is, ut vidit Jesum, procidit ante illum : et exclamans voce magna, dixit : Quid mihi et tibi est, Jesu Fili Dei Altissimi ? obsecro te, ne me torqueas.Select Luke 8:28

29Præcipiebat enim spiritui immundo ut exiret ab homine. Multis enim temporibus arripiebat illum, et vinciebatur catenis, et compedibus custoditus. Et ruptis vinculis agebatur a dæmonio in deserta.Select Luke 8:29

30Interrogavit autem illum Jesus, dicens : Quod tibi nomen est ? At ille dixit : Legio : quia intraverant dæmonia multa in eum.Select Luke 8:30

31Et rogabant illum ne imperaret illis ut in abyssum irent.Select Luke 8:31

32Erat autem ibi grex porcorum multorum pascentium in monte : et rogabant eum, ut permitteret eis in illos ingredi. Et permisit illis.Select Luke 8:32

33Exierunt ergo dæmonia ab homine, et intraverunt in porcos : et impetu abiit grex per præceps in stagnum, et suffocatus est.Select Luke 8:33

34Quod ut viderunt factum qui pascebant, fugerunt, et nuntiaverunt in civitatem et in villas.Select Luke 8:34

35Exierunt autem videre quod factum est, et venerunt ad Jesum, et invenerunt hominem sedentem, a quo dæmonia exierant, vestitum ac sana mente, ad pedes ejus, et timuerunt.Select Luke 8:35

36Nuntiaverunt autem illis et qui viderant, quomodo sanus factus esset a legione :Select Luke 8:36

37et rogaverunt illum omnis multitudo regionis Gerasenorum ut discederet ab ipsis : quia magno timore tenebantur. Ipse autem ascendens navim, reversus est.Select Luke 8:37

38Et rogabat illum vir, a quo dæmonia exierant, ut cum eo esset. Dimisit autem eum Jesus, dicens :Select Luke 8:38

39Redi in domum tuam, et narra quanta tibi fecit Deus. Et abiit per universam civitatem, prædicans quanta illi fecisset Jesus.Select Luke 8:39

40Factum est autem cum rediisset Jesus, excepit illum turba : erunt enim omnes exspectantes eum.Select Luke 8:40

41Et ecce venit vir, cui nomen Jairus, et ipse princeps synagogæ erat : et cecidit ad pedes Jesu, rogans eum ut intraret in domum ejus,Select Luke 8:41

42quia unica filia erat ei fere annorum duodecim, et hæc moriebatur. Et contigit, dum iret, a turba comprimebatur.Select Luke 8:42

43Et mulier quædam erat in fluxu sanguinis ab annis duodecim, quæ in medicos erogaverat omnem substantiam suam, nec ab ullo potuit curari :Select Luke 8:43

44accessit retro, et tetigit fimbriam vestimenti ejus : et confestim stetit fluxus sanguinis ejus.Select Luke 8:44

45Et ait Jesus : Quis est, qui me tetigit ? Negantibus autem omnibus, dixit Petrus, et qui cum illo erant : Præceptor, turbæ te comprimunt, et affligunt, et dicis : Quis me tetigit ?Select Luke 8:45

46Et dicit Jesus : Tetigit me aliquis : nam ego novi virtutem de me exiisse.Select Luke 8:46

47Videns autem mulier, quia non latuit, tremens venit, et procidit ante pedes ejus : et ob quam causam tetigerit eum, indicavit coram omni populo : et quemadmodum confestim sanata sit.Select Luke 8:47

48At ipse dixit ei : Filia, fides tua salvam te fecit : vade in pace.Select Luke 8:48

49Adhuc illo loquente, venit quidam ad principem synagogæ, dicens ei : Quia mortua est filia tua, noli vexare illum.Select Luke 8:49

50Jesus autem, audito hoc verbo, respondit patri puellæ : Noli timere, crede tantum, et salva erit.Select Luke 8:50

51Et cum venisset domum, non permisit intrare secum quemquam, nisi Petrum, et Jacobum, et Joannem, et patrem, et matrem puellæ.Select Luke 8:51

52Flebant autem omnes, et plangebant illam. At ille dixit : Nolite flere : non est mortua puella, sed dormit.Select Luke 8:52

53Et deridebant eum, scientes quod mortua esset.Select Luke 8:53

54Ipse autem tenens manum ejus clamavit, dicens : Puella, surge.Select Luke 8:54

55Et reversus est spiritus ejus, et surrexit continuo. Et jussit illi dari manducare.Select Luke 8:55

56Et stupuerunt parentes ejus, quibus præcepit ne alicui dicerent quod factum erat.Select Luke 8:56