3Daniel 3

1Nabuchodonosor rex fecit statuam auream, altitudine cubitorum sexaginta, latitudine cubitorum sex, et statuit eam in campo Dura, provinciæ Babylonis.Select Daniel 3:1

2Itaque Nabuchodonosor rex misit ad congregandos satrapas, magistratus, et judices, duces, et tyrannos, et præfectos, omnesque principes regionum, ut convenirent ad dedicationem statuæ quam erexerat Nabuchodonosor rex.Select Daniel 3:2

3Tunc congregati sunt satrapæ, magistratus, et judices, duces, et tyranni, et optimates, qui erant in potestatibus constituti, et universi principes regionum, ut convenirent ad dedicationem statuæ, quam erexerat Nabuchodonosor rex. Stabant autem in conspectu statuæ, quam posuerat Nabuchodonosor rex :Select Daniel 3:3

4et præco clamabat valenter : Vobis dicitur populis, tribubus, et linguis :Select Daniel 3:4

5in hora qua audieritis sonitum tubæ, et fistulæ, et citharæ, sambucæ, et psalterii, et symphoniæ, et universi generis musicorum, cadentes adorate statuam auream, quam constituit Nabuchodonosor rex.Select Daniel 3:5

6Si quis autem non prostratus adoraverit, eadem hora mittetur in fornacem ignis ardentis.Select Daniel 3:6

7Post hæc igitur, statim ut audierunt omnes populi sonitum tubæ, fistulæ, et citharæ, sambucæ, et psalterii, et symphoniæ, et omnis generis musicorum, cadentes omnes populi, tribus, et linguæ adoraverunt statuam auream, quam constituerat Nabuchodonosor rex.Select Daniel 3:7

8Statimque in ipso tempore accedentes viri Chaldæi accusaverunt Judæos :Select Daniel 3:8

9dixeruntque Nabuchodonosor regi : Rex, in æternum vive !Select Daniel 3:9

10tu, rex, posuisti decretum, ut omnis homo, qui audierit sonitum tubæ, fistulæ, et citharæ, sambucæ, et psalterii, et symphoniæ, et universi generis musicorum, prosternat se, et adoret statuam auream :Select Daniel 3:10

11si quis autem non procidens adoraverit, mittatur in fornacem ignis ardentis.Select Daniel 3:11

12Sunt ergo viri Judæi, quos constituisti super opera regionis Babylonis, Sidrach, Misach, et Abdenago : viri isti contempserunt, rex, decretum tuum : deos tuos non colunt, et statuam auream, quam erexisti, non adorant.Select Daniel 3:12

13Tunc Nabuchodonosor, in furore et in ira, præcepit ut adducerentur Sidrach, Misach, et Abdenago : qui confestim adducti sunt in conspectu regis.Select Daniel 3:13

14Pronuntiansque Nabuchodonosor rex, ait eis : Verene Sidrach, Misach, et Abdenago, deos meos non colitis, et statuam auream, quam constitui, non adoratis ?Select Daniel 3:14

15nunc ergo si estis parati, quacumque hora audieritis sonitum tubæ, fistulæ, citharæ, sambucæ, et psalterii, et symphoniæ, omnisque generis musicorum, prosternite vos, et adorate statuam, quam feci : quod si non adoraveritis, eadem hora mittemini in fornacem ignis ardentis : et quis est Deus, qui eripiet vos de manu mea ?Select Daniel 3:15

16Respondentes Sidrach, Misach, et Abdenago, dixerunt regi Nabuchodonosor : Non oportet nos de hac re respondere tibi.Select Daniel 3:16

17Ecce enim Deus noster, quem colimus, potest eripere nos de camino ignis ardentis, et de manibus tuis, o rex, liberare.Select Daniel 3:17

18Quod si noluerit, notum sit tibi, rex, quia deos tuos non colimus, et statuam auream, quam erexisti, non adoramus.Select Daniel 3:18

19Tunc Nabuchodonosor repletus est furore, et aspectus faciei illius immutatus est super Sidrach, Misach, et Abdenago : et præcepit ut succenderetur fornax septuplum quam succendi consueverat.Select Daniel 3:19

20Et viris fortissimis de exercitu suo jussit ut ligatis pedibus Sidrach, Misach, et Abdenago, mitterent eos in fornacem ignis ardentis.Select Daniel 3:20

21Et confestim viri illi vincti, cum braccis suis, et tiaris, et calceamentis, et vestibus, missi sunt in medium fornacis ignis ardentis :Select Daniel 3:21

22nam jussio regis urgebat. Fornax autem succensa erat nimis : porro viros illos, qui miserant Sidrach, Misach, et Abdenago, interfecit flamma ignis.Select Daniel 3:22

23Viri autem hi tres, id est, Sidrach, Misach, et Abdenago, ceciderunt in medio camino ignis ardentis, colligati.Select Daniel 3:23

24Et ambulabant in medio flammæ, laudantes Deum, et benedicentes Domino.Select Daniel 3:24

25Stans autem Azarias oravit sic, aperiensque os suum in medio ignis, ait :Select Daniel 3:25

26Benedictus es, Domine Deus patrum nostrorum, et laudabile, et gloriosum nomen tuum in sæcula :Select Daniel 3:26

27quia justus es in omnibus, quæ fecisti nobis, et universa opera tua vera, et viæ tuæ rectæ, et omnia judicia tua vera.Select Daniel 3:27

28Judicia enim vera fecisti juxta omnia, quæ induxisti super nos, et super civitatem sanctam patrum nostrorum Jerusalem : quia in veritate et in judicio induxisti omnia hæc propter peccata nostra.Select Daniel 3:28

29Peccavimus enim, et inique egimus recedentes a te, et deliquimus in omnibus :Select Daniel 3:29

30et præcepta tua non audivimus, nec observavimus, nec fecimus sicut præceperas nobis ut bene nobis esset.Select Daniel 3:30

31Omnia ergo, quæ induxisti super nos, et universa quæ fecisti nobis, in vero judicio fecisti ;Select Daniel 3:31

32et tradidisti nos in manibus inimicorum nostrorum iniquorum, et pessimorum, prævaricatorumque, et regi injusto, et pessimo ultra omnem terram.Select Daniel 3:32

33Et nunc non possumus aperire os : confusio, et opprobrium facti sumus servis tuis, et his qui colunt te.Select Daniel 3:33

34Ne, quæsumus, tradas nos in perpetuum propter nomen tuum, et ne dissipes testamentum tuum :Select Daniel 3:34

35neque auferas misericordiam tuam a nobis, propter Abraham, dilectum tuum, et Isaac, servum tuum, et Israël, sanctum tuum,Select Daniel 3:35

36quibus locutus es pollicens quod multiplicares semen eorum sicut stellas cæli, et sicut arenam quæ est in littore maris ;Select Daniel 3:36

37quia, Domine, imminuti sumus plus quam omnes gentes, sumusque humiles in universa terra hodie propter peccata nostra.Select Daniel 3:37

38Et non est in tempore hoc princeps, et dux, et propheta, neque holocaustum, neque sacrificium, neque oblatio, neque incensum, neque locus primitiarum coram te,Select Daniel 3:38

39ut possimus invenire misericordiam tuam, sed in animo contrito, et spiritu humilitatis suscipiamur.Select Daniel 3:39

40Sicut in holocausto arietum, et taurorum, et sicut in millibus agnorum pinguium, sic fiat sacrificium nostrum in conspectu tuo hodie, ut placeat tibi, quoniam non est confusio confidentibus in te.Select Daniel 3:40

41Et nunc sequimur te in toto corde ; et timemus te, et quærimus faciem tuam.Select Daniel 3:41

42Nec confundas nos, sed fac nobiscum juxta mansuetudinem tuam, et secundum multitudinem misericordiæ tuæ.Select Daniel 3:42

43Et erue nos in mirabilibus tuis, et da gloriam nomini tuo, Domine ;Select Daniel 3:43

44et confundantur omnes qui ostendunt servis tuis mala : confundantur in omni potentia tua, et robur eorum conteratur :Select Daniel 3:44

45et sciant quia tu es Dominus Deus solus, et gloriosus super orbem terrarum.Select Daniel 3:45

46Et non cessabant qui miserant eos ministri regis succendere fornacem, naphtha, et stuppa, et pice, et malleolis,Select Daniel 3:46

47et effundebatur flamma super fornacem cubitis quadraginta novem :Select Daniel 3:47

48et erupit, et incendit quos reperit juxta fornacem de Chaldæis.Select Daniel 3:48

49Angelus autem Domini descendit cum Azaria, et sociis ejus in fornacem : et excussit flammam ignis de fornace,Select Daniel 3:49

50et fecit medium fornacis quasi ventum roris flantem, et non tetigit eos omnino ignis, neque contristavit, nec quidquam molestiæ intulit.Select Daniel 3:50

51Tunc hi tres quasi ex uno ore laudabant, et glorificabant, et benedicebant Deum in fornace, dicentes :Select Daniel 3:51

52Benedictus es, Domine Deus patrum nostrorum : et laudabilis, et gloriosus, et superexaltatus in sæcula. Et benedictum nomen gloriæ tuæ sanctum : et laudabile, et superexaltatum in omnibus sæculis.Select Daniel 3:52

53Benedictus es in templo sancto gloriæ tuæ : et superlaudabilis, et supergloriosus in sæcula.Select Daniel 3:53

54Benedictus es in throno regni tui : et superlaudabilis, et superexaltatus in sæcula.Select Daniel 3:54

55Benedictus es, qui intueris abyssos, et sedes super cherubim : et laudabilis, et superexaltatus in sæcula.Select Daniel 3:55

56Benedictus es in firmamento cæli : et laudabilis et gloriosus in sæcula.Select Daniel 3:56

57Benedicite, omnia opera Domini, Domino : laudate et superexaltate eum in sæcula.Select Daniel 3:57

58Benedicite, angeli Domini, Domino : laudate et superexaltate eum in sæcula.Select Daniel 3:58

59Benedicite, cæli, Domino : laudate et superexaltate eum in sæcula.Select Daniel 3:59

60Benedicite, aquæ omnes, quæ super cælos sunt, Domino : laudate et superexaltate eum in sæcula.Select Daniel 3:60

61Benedicite, omnes virtutes Domini, Domino : laudate et superexaltate eum in sæcula.Select Daniel 3:61

62Benedicite, sol et luna, Domino : laudate et superexaltate eum in sæcula.Select Daniel 3:62

63Benedicite, stellæ cæli, Domino : laudate et superexaltate eum in sæcula.Select Daniel 3:63

64Benedicite, omnis imber et ros, Domino : laudate et superexaltate eum in sæcula.Select Daniel 3:64

65Benedicite, omnes spiritus Dei, Domino : laudate et superexaltate eum in sæcula.Select Daniel 3:65

66Benedicite, ignis et æstus, Domino : laudate et superexaltate eum in sæcula.Select Daniel 3:66

67Benedicite, frigus et æstus, Domino : laudate et superexaltate eum in sæcula.Select Daniel 3:67

68Benedicite, rores et pruina, Domino : laudate et superexaltate eum in sæcula.Select Daniel 3:68

69Benedicite, gelu et frigus, Domino : laudate et superexaltate eum in sæcula.Select Daniel 3:69

70Benedicite, glacies et nives, Domino : laudate et superexaltate eum in sæcula.Select Daniel 3:70

71Benedicite, noctes et dies, Domino laudate et superexaltate eum in sæcula.Select Daniel 3:71

72Benedicite, lux et tenebræ, Domino : laudate et superexaltate eum in sæcula.Select Daniel 3:72

73Benedicite, fulgura et nubes, Domino : laudate et superexaltate eum in sæcula.Select Daniel 3:73

74Benedicat terra Dominum : laudet et superexaltet eum in sæcula.Select Daniel 3:74

75Benedicite, montes et colles, Domino : laudate et superexaltate eum in sæcula.Select Daniel 3:75

76Benedicite, universa germinantia in terra, Domino : laudate et superexaltate eum in sæcula.Select Daniel 3:76

77Benedicite, fontes, Domino : laudate et superexaltate eum in sæcula.Select Daniel 3:77

78Benedicite, maria et flumina, Domino : laudate et superexaltate eum in sæcula.Select Daniel 3:78

79Benedicite, cete, et omnia quæ moventur in aquis, Domino : laudate et superexaltate eum in sæcula.Select Daniel 3:79

80Benedicite, omnes volucres cæli, Domino : laudate et superexaltate eum in sæcula.Select Daniel 3:80

81Benedicite, omnes bestiæ et pecora, Domino : laudate et superexaltate eum in sæcula.Select Daniel 3:81

82Benedicite, filii hominum, Domino : laudate et superexaltate eum in sæcula.Select Daniel 3:82

83Benedicat Israël Dominum : laudet et superexaltet eum in sæcula.Select Daniel 3:83

84Benedicite, sacerdotes Domini, Domino : laudate et superexaltate eum in sæcula.Select Daniel 3:84

85Benedicite, servi Domini, Domino : laudate et superexaltate eum in sæcula.Select Daniel 3:85

86Benedicite, spiritus et animæ justorum, Domino : laudate et superexaltate eum in sæcula.Select Daniel 3:86

87Benedicite, sancti et humiles corde, Domino : laudate et superexaltate eum in sæcula.Select Daniel 3:87

88Benedicite, Anania, Azaria, Misaël, Domino : laudate et superexaltate eum in sæcula : quia eruit nos de inferno, et salvos fecit de manu mortis : et liberavit nos de medio ardentis flammæ, et de medio ignis eruit nos.Select Daniel 3:88

89Confitemini Domino, quoniam bonus : quoniam in sæculum misericordia ejus.Select Daniel 3:89

90Benedicite, omnes religiosi, Domino Deo deorum : laudate et confitemini ei, quia in omnia sæcula misericordia ejus.Select Daniel 3:90

91Tunc Nabuchodonosor rex obstupuit, et surrexit propere, et ait optimatibus suis : Nonne tres viros misimus in medium ignis compeditos ? Qui respondentes regi, dixerunt : Vere, rex.Select Daniel 3:91

92Respondit, et ait : Ecce ego video quatuor viros solutos, et ambulantes in medio ignis, et nihil corruptionis in eis est, et species quarti similis filio Dei.Select Daniel 3:92

93Tunc accessit Nabuchodonosor ad ostium fornacis ignis ardentis, et ait : Sidrach, Misach, et Abdenago, servi Dei excelsi, egredimini, et venite. Statimque egressi sunt Sidrach, Misach, et Abdenago de medio ignis.Select Daniel 3:93

94Et congregati satrapæ, et magistratus, et judices, et potentes regis contemplabantur viros illos, quoniam nihil potestatis habuisset ignis in corporibus eorum, et capillus capitis eorum non esset adustus, et sarabala eorum non fuissent immutata, et odor ignis non transisset per eos.Select Daniel 3:94

95Et erumpens Nabuchodonosor, ait : Benedictus Deus eorum, Sidrach videlicet, Misach, et Abdenago : qui misit angelum suum, et eruit servos suos, qui crediderunt in eum : et verbum regis immutaverunt, et tradiderunt corpora sua ne servirent, et ne adorarent omnem deum, excepto Deo suo.Select Daniel 3:95

96A me ergo positum est hoc decretum : ut omnis populus, tribus, et lingua, quæcumque locuta fuerit blasphemiam contra Deum Sidrach, Misach, et Abdenago, dispereat, et domus ejus vastetur : neque enim est alius deus, qui possit ita salvare.Select Daniel 3:96

97Tunc rex promovit Sidrach, Misach, et Abdenago in provincia Babylonis.Select Daniel 3:97

98Nabuchodonosor rex, omnibus populis, gentibus, et linguis, qui habitant in universa terra, pax vobis multiplicetur.Select Daniel 3:98

99Signa, et mirabilia fecit apud me Deus excelsus. Placuit ergo mihi prædicareSelect Daniel 3:99

100signa ejus, quia magna sunt : et mirabilia ejus, quia fortia : et regnum ejus regnum sempiternum, et potestas ejus in generationem et generationem.Select Daniel 3:100