41 Timothy 4

1Spiritus autem manifeste dicit, quia in novissimis temporibus discedent quidam a fide, attendentes spiritibus erroris, et doctrinis dæmoniorum,Select 1 Timothy 4:1

2in hypocrisi loquentium mendacium, et cauteriatam habentium suam conscientiam,Select 1 Timothy 4:2

3prohibentium nubere, abstinere a cibis, quod Deus creavit ad percipiendum cum gratiarum actione fidelibus, et iis qui cognoverunt veritatem.Select 1 Timothy 4:3

4Quia omnis creatura Dei bona est, et nihil rejiciendum quod cum gratiarum actione percipitur :Select 1 Timothy 4:4

5sanctificatur enim per verbum Dei, et orationem.Select 1 Timothy 4:5

6Hæc proponens fratribus, bonus eris minister Christi Jesu enutritus verbis fidei, et bonæ doctrinæ, quam assecutus es.Select 1 Timothy 4:6

7Ineptas autem, et aniles fabulas devita : exerce autem teipsum ad pietatem.Select 1 Timothy 4:7

8Nam corporalis exercitatio, ad modicum utilis est : pietas autem ad omnia utilis est, promissionem habens vitæ, quæ nunc est, et futuræ.Select 1 Timothy 4:8

9Fidelis sermo, et omni acceptione dignus.Select 1 Timothy 4:9

10In hoc enim laboramus, et maledicimur, quia speramus in Deum vivum, qui est Salvator omnium hominum, maxime fidelium.Select 1 Timothy 4:10

11Præcipe hæc, et doce.Select 1 Timothy 4:11

12Nemo adolescentiam tuam contemnat : sed exemplum esto fidelium in verbo, in conversatione, in caritate, in fide, in castitate.Select 1 Timothy 4:12

13Dum venio, attende lectioni, exhortationi, et doctrinæ.Select 1 Timothy 4:13

14Noli negligere gratiam, quæ in te est, quæ data est tibi per prophetiam, cum impositione manuum presbyterii.Select 1 Timothy 4:14

15Hæc meditare, in his esto : ut profectus tuus manifestus sit omnibus.Select 1 Timothy 4:15

16Attende tibi, et doctrinæ : insta in illis. Hoc enim faciens, et teipsum salvum facies, et eos qui te audiunt.Select 1 Timothy 4:16